ວິສາຫະກິດຍົກສູງການຜະລິດຢູ່ພາຍໃນປະເທດ ແລະ ເຂົ້າຮ່ວມ
ລະບົບມູນຄ່າທົ່ວໂລກ
ທີ່ເວທີປາໄສ, ວິສາຫະກິດຂະໜາດນ້ອຍ ແລະ ກາງມີໂອກາດພົບປະກັບບັນດາກຸ່ມບໍລິສັດ, ທະນາຄານ, ບໍລິສັດຫຼັກຊັບ, ກອງທຶນລົງທຶນ,
ອົງການສົ່ງເສີມການຄ້າ ແລະ ຄູ່ຮ່ວມມືດ້ານເຕັກໂນໂລຊີ. ເວທີປາໄສເສດຖະກິດນະ ຄອນຫຼວງຄັ້ງທີ 2 - Capital Economic Forum
(CEF II 2026) ດ້ວຍຫົວຂໍ້ “ເຊື່ອມຕໍ່ວິສາຫະກິດຂະໜາດນ້ອຍ ແລະ ກາງ - ຊຸກຍູ້ M&A, ລົງທຶນ ແລະ ຮ່ວມມື, ຍົກສູງການຜະລິດຢູ່ພາຍ
ໃນປະເທດ ແລະ ເຂົ້າຮ່ວມລະບົບມູນຄ່າທົ່ວໂລກ” ໂດຍສະມາຄົມວິສາຫະກິດຂະໜາດນ້ອຍ ແລະ ກາງ ນະຄອນ ຮ່າໂນ້ຍ (HANOISME)
ຈັດຂຶ້ນໃນຕອນບ່າຍວັນທີ 27 ສິງຫາ, ຢູ່ ຮ່າໂນ້ຍ.
ກ່າວຄຳເຫັນທີ່ພິທີເວທີປາໄສ, ທ່ານສາດສະດາຈານ, ປະລິນຍາເອກ ມາກກວັກແອັງ, ຮອງປະທານທັງເປັນເລຂາທິການ HANOISME,
ຊີ້ແຈ້ງວ່າ ໂດຍສືບທອດບັນດາໝາກຜົນຕັ້ງໜ້າຂອງເວທີປາໄສເສດຖະກິດນະຄອນຫຼວງຄັ້ງທີ 1, ເວທີປາໄສເສດຖະກິດນະຄອນຫຼວງຄັ້ງທີ 2
ສຸມໃສ່ຊອກຫາມາດຕະການ ເພື່ອໃຫ້ວິສາຫະກິດຂະໜາດນ້ອຍ ແລະ ກາງ ຜ່ານຜ່າບັນດາຂໍ້ກຳນົດກ່ຽວກັບຂອບຂະໜາດ, ທຶນ, ເຕັກໂນໂລຊີ,
ການຄຸ້ມຄອງ ແລະ ຕະຫຼາດ ເພື່ອຍົກສູງກຳລັງແກ່ງແຍ້ງ. ວິສາຫະກິດຂະໜາດນ້ອຍ ແລະ ກາງ ມີໂອກາດພົບປະກັບບັນດາກຸ່ມບໍລິສັດ, ທະນາ
ຄານ, ບໍລິສັດຫຼັກຊັບ, ກອງທຶນລົງທຶນ, ອົງການສົ່ງເສີມການຄ້າ ແລະ ຄູ່ຮ່ວມມືດ້ານເຕັກໂນໂລຊີ ທ່ານ ບຸຍແມ້ງຕວ່ານ, ປະທານສະພາບໍລິຫານ
ທັງເປັນຜູ້ອຳນວຍການໃຫຍ່ບໍລິສັດຫຸ້ນສ່ວນ Vietnox, ໃຫ້ຮູ້ວ່າ: “ພວກຂ້າພະເຈົ້າໄດ້ຮ່ວມເດີນທາງພ້ອມກັບທະນາຄານ Agribank ສາຂາ
ລ໊າງຮະ ເປັນເວລາກວ່າ 10 ປີແລ້ວ ແລະ ທຸກວຽກງານດຳເນີນໄປຢ່າງສະດວກ.
Agribank ສາຂາ ລ໊າງຮະ ໄດ້ຊ່ວຍໃຫ້ພວກຂ້າພະເຈົ້າມີກົນໄກກູ້ຢືມ ທຶນໃຫ້ແກ່ການນຳເຂົ້າ ສົ່ງອອກອາດສາມາດຫຼຸດລາຍຈ່າຍດອກເບ້ຍ
1-3%. ຍ້ອນເຫດນັ້ນ, ພວກຂ້າພະເຈົ້າກໍ່ຫຼຸດຜ່ອນ ລາຍຈາຍດ້ານການເງິນ, ນັ້ນແມ່ນໄມ້ງັດດ້ານການເງິນໜູນຊ່ວຍວິສາຫະກິດ. ແຫຼ່ງທຶນນີ້ຊ່ວຍ
ໃຫ້ພວກຂ້າພະເຈົ້າເປີດກວ້າງການຜະລິດ, ຕະຫຼາດ ແລະ ມີການປະກອບສ່ວນຢ່າງແທດຈິງເຂົ້າງົບປະມານຂອງລັດ ກໍຄືຂອງນະຄອນຫຼວງ ຮ່າໂນ້ຍ”
ໃນຂອບເຂດເວທີປາໄສ, ຄະນະຈັດຕັ້ງກໍ່ໄດ້ຜັນຂະຫຍາຍໂຄງການ ເຊື່ອມຕໍ່ການແລກປ່ຽນການຄ້າວິສາຫະກິດລົງເລິກ.
ແຫຼ່ງທີ່ມາ: ຂກທ
ວັນທີ 01/09/2026