ສປຊ ຈະໃຫ້ການຊ່ວຍເຫຼືອຕໍ່ປະເທດ ທີ່ໄດ້ຮັບຜົນກະທົບຈາກແຜ່ນດິນໄຫວມຽນມາ
ທ່ານ ອັນໂຕນີໂອ ກູເຕີເຣສ ເລຂາທິການໃຫຍ່ອົງການສະຫະປະຊາຊາດ
ວັນທີ 28 ມີນາ 2025 ນີ້, ຢູ່ສຳນັກງານໃຫຍ່ອົງການສະຫະປະຊາຊາດ (ສປຊ) ທີ່ນະຄອນນິວຢອກຂອງອາເມຣິກາ, ທ່ານ ອັນໂຕ
ນີໂອ ກູເຕີເຣສ ເລຂາທິການໃຫຍ່ອົງການສະຫະປະຊາຊາດ ໄດ້ສະແດງຄວາມເປັນຫ່ວງຕໍ່ແຜ່ນດິນໄຫວຢູ່ມຽນມາ, ພ້ອມທັງສະແດງຄວາມ
ເຫັນໃຈຕໍ່ລັດຖະບານ ແລະ ປະຊາຊົນທີ່ໄດ້ຮັບຜົນກະທົບຈາກແຜ່ນດິນໄຫວຄັ້ງນີ້ໃນພາກພື້ນອາຊີຕາເວັນອອກສຽງໃຕ້.
ທ່ານ ກູເຕີເຣສ ຢືນຢັນວ່າ: ພາກສ່ວນຕ່າງໆຂອງອົງການສະຫະປະຊາຊາດໄດ້ປຸກລະດົມການເຄື່ອນໄຫວຕ່າງໆ ແລະ ພ້ອມທີ່ຈະໃຫ້
ການຊ່ວຍເຫຼືອຕໍ່ປະເທດ ແລະ ປະຊາຊົນທີ່ມີຄວາມຕ້ອງການ. ທ່ານ ທອມ ເຟຼັດເຊີ ຮອງເລຂາທິການໃຫຍ່ ສປຊ ທີ່ຮັບຜິດຊອບວຽກງານ
ມະນຸດສະທຳ ທັງເປັນຜູ້ປະສານງານວຽງງານບັນເທົາທຸກສຸກເສີນຂອງອົງການສະຫະປະຊາຊາດໄດ້ຢືນຢັນຜ່ານສື່ສັງຄົມອອນໄລວ່າ: ພາຍ
ໃຕ້ການສະໜັບສະໜູນຈາກເຄືອຂ່າຍກູ້ໄພສຸກເສີນຂ້າມປະເທດ, ຄະນະແກ້ໄຂວິກິດການຂອງອົງການສະຫະປະຊາຊາດຢູ່ມຽນມາ ພວມ
ຮັບມືກັບແຜ່ນດິນໄຫວຮຸນແຮງຄັ້ງນີ້ຢ່າງວ່ອງໄວ. ຖ້າມີຄວາມຕ້ອງການ, ອົງການສະຫະປະຊາຊາດຈະນຳໃຊ້ກອງທຶນສຸກເສີນສູນກາງເພື່ອ
ສະໜັບສະໜູນການກູ້ໄພ.
ແຫຼ່ງທີ່ມາ: ຂກທ
ວັນທີ 01/04/2025