ເປີດພິທີການແຂ່ງຂັນຍິງປືນທະຫານບົກ ບັນດາປະເທດອາຊຽນ ຄັ້ງທີ 30
ສຳນັກຂ່າວສານ ຫວຽດນາມ ລາຍງານໃນວັນທີ 7 ພະຈິກໃຫ້ຮູ້ວ່າ: ວັນທີ 6 ພະຈິກ ທີ່ຜ່ານມາ ຢູ່ສູນເຝິກແອບທະຫານແຫ່ງຊາດ ຫວຽດນາມ ເລກ
4, ກະຊວງປ້ອງກັນປະເທດ ຫວຽດນາມ ໄດ້ຈັດພິທີເປີດງານແຂ່ງຂັນຍິງປືນທະຫານບົກຂອງບັນດາປະເທດອາຊຽນ ຄັ້ງທີ 30 (AARM-30) ຂຶ້ນຢ່າງເປັນ
ທາງການ. ງານແຂ່ງຂັນຄັ້ງດັ່ງກ່າວ ໄດ້ມີນັກຍິງປືນດີເດັ່ນ 10 ຄະນະ ລວມມີ 420 ຄົນ ທີ່ມາຈາກ 10 ປະເທດອາຊຽນ.
ເຫດການນີ້ບໍ່ພຽງແຕ່ແມ່ນແຂ່ງ
ຂັນ ລະຫວ່າງບັນດານັກຍິງປືນທີ່ມີຄວາມເກັ່ງທີ່ສຸດໃນກຳລັງທະຫານບົກຂອງບັນດາປະເທດ ອາຊຽນ ເທົ່ານັ້ນ ຫາກຍັງແມ່ນໂອກາດ
ເພື່ອເພີ່ມທະວີນໍ້າໃຈ
ສາມັກຄີມິດຕະພາບ, ການເຝິກແອບທັກສະ ແລະ ຮຽນຮູ້ເຊິ່ງກັນ ແລະ ກັນ ລະຫວ່າງບັນດານັກກິລາທີ່ເຂົ້າຮ່ວມງານແຂ່ງຂັນຍິງປືນທະຫານບົກອາຊຽນ
ຄັ້ງທີ 30 ອີກດ້ວຍ, ທັງນີ້ ກໍ່ເປັນການປະກອບສ່ວນຮັກສາ ສັນຕິພາບ ສະຖຽນລະພາບ ການພັດທະນາແບບຍືນຍົງຂອງແຕ່ລະປະເທດ
ໃນພາກພື້ນອາຊີ
ຕາເວັນອອກສ່ຽງໃຕ້ ກໍຄືໃນໂລກ.
ແຫຼ່ງທີ່ມາ: ໜັງສືພິມກອງທັບ
ວັນທີ 09/11/2022