ປຶກສາຫາລື ການຄັດເລືອກບໍລິສັດເຂົ້າໃນໂຄງການກໍ່ສ້າງອະນຸສອນສະຖານກອງໄຊຈັກກະພັດ
ສະຫາຍ ພົນຕີ ວົງຄຳ ພົມມະກອນ ຮອງລັດຖະມົນຕີ ກະຊວງປ້ອງກັນປະເທດ ເປັນປະທານ
ວັນທີ 24 ສິງຫາ 2020 ນີ້, ກົມວິທະຍາສາດ-ປະຫວັດສາດ ການທະຫານ ກະຊວງປ້ອງກັນປະເທດ ໄດ້ຈັດກອງປະຊຸມ ເພື່ອປຶກສາຫາລືກະກຽມ
ຄວາມພ້ອມເຂົ້າໃນການຄັດເລືອກບໍລິສັດ ທີ່ຈະມາລົງທຶນໂຄງການກໍ່ສ້າງອະນຸສອນສະຖານກອງໄຊຈັກກະພັດ ຢູ່ເຂດເມືອງໂພນທອງ ແຂວງຈຳປາສັກ,
ໂດຍພາຍໃຕ້ການເປັນປະທານຂອງ ສະຫາຍ ພົນຕີ ວົງຄຳ ພົມມະກອນ ຮອງລັດຖະມົນຕີ ກະຊວງປ້ອງກັນປະເທດ, ມີ ສະຫາຍ ພົນຈັດຕະວາ ວຽງໄຊ
ສົມວິຈິດ ຫົວໜ້າກົມວິທະຍາສາດ-ປະຫວັດສາດ ການທະຫານ, ມີກົມກໍ່ສ້າງ, ກົມຊ່າງແສງ, ກົມກວດກາ, ກົມການເງິນ ແລະ ວິຊາການກ່ຽວຂ້ອງ
ເຂົ້າຮ່ວມ.
ໃນພິທີ ສະຫາຍ ພັນເອກ ສຸລິວັນ ແສງຈັນ ຮອງຫົວໜ້າກົມ ວິທະຍາສາດ-ປະຫວັດສາດ ການທະຫານ ໄດ້ເລົ່າຄືນຈຸດປະສົງ ແລະ ຄາດໝາຍຂອງ
ສູນກາງພັກ, ພະນັກງານປະຕິວັດ ແລະ ທິດຊີ້ນຳຂອງບັນດາທ່ານອະດີດການນຳ ເຫັນດີໃຫ້ພັກ-ລັດ, ກະຊວງປ້ອງກັນປະເທດ ຫວນຄືນມູນເຊື້ອຄວາມ
ໝາຍຄວາມສຳຄັນ ຂອງກອງໄຊຈັກກະພັດ ເພື່ອກໍ່ສ້າງຈຳລອງຄືນເປັນອານຸສອນສະຖານ ໃຫ້ຄົນລຸ້ນໃໝ່ ໄດ້ສຶກສາຄົ້ນຄວ້າຮໍ່າຮຽນ ເອົາປະຫວັດສາດ
ຂອງກອງທັບປະຊາຊົນລາວ ເຊິ່ງກອງດັ່ງກ່າວເຄື່ອນໄຫວຢູ່ພາກໃຕ້ຂອງລາວ, ໃນນັ້ນໜ້າວຽກຕົ້ນຕໍຕາມທິດຊີ້ນຳຂອງສູນກາງພັກ ແມ່ນເລັ່ງເປີດເສັ້ນ
ທາງເຂົ້າທີ່ຈະສ້າງປະມານ 5-7km, ແລ່ນຕາຄ່າຍໄຟຟ້າ, ສ້າງສະຖານທີ່ຈຳລອງບ່ອນກໍ່ຕັ້ງຄ້າຍກອງໄຊຈັກກະພັດ, ສ້າງຮົ້ວອ້ອມເຂດແດນ ແລະ ສະຖານ
ທີ່ອຳນວຍຄວາມສະດວກຕ່າງໆ ເພື່ອເປັນບ່ອນເກັບມ້ຽນວັດຖຸພັນ, ສ້າງຮູບຮອຍໂຕຂອງບັນດາທ່ານທີ່ເຄີຍເຂົ້າຮ່ວມ ໃນກອງໄຊຈັກກະພັດ ໄລຍະທຳອິດ
ໂດຍແມ່ນ ປະທານ ສຸພານຸວົງ ເປັນຜູ້ປະກາດສ້າງຕັ້ງ.
ໃນໂອກາດນີ້ທ່ານປະທານ ກອງປະຊຸມໄດ້ເນັ້ນໜັກຕື່ມ ໃຫ້ເຈົ້າຂອງໂຄງການໂດຍສະເພາະ ກົມວິທະຍາສາດ-ປະຫວັດສາດ ການທະຫານ ຖອດຖອນ
ບົດຮຽນຕື່ມກັບບັນດາໂຄງການທີ່ເຮັດສຳເລັດໃນໄລຍະຜ່ານມາ ເພື່ອໃຫ້ໂຄງການນີ້ມີຄວາມສະດວກດີພ້ອມຮຽກຮ້ອງໃຫ້ວິຊາການບັນດາກົມກອງກ່ຽວ
ຂ້ອງຕ້ອງອອກແຮງຮ່ວມມືກັນເຮັດໃຫ້ຖືກຕ້ອງຕາມນິຕິກຳ ແລະ ລະບຽບກົດໝາຍ ພ້ອມຄັດເລືອກບໍລິສັດທີ່ຈະມາລົງມືກໍ່ສ້າງໃຫ້ເຫັນໄດ້ຄວາມໝາຍ
ຄວາມສຳຄັນຂອງໜ້າວຽກຕ້ອງແມ່ນບໍລິສັດທີ່ມີເຈດຈຳນົງທີ່ດີ, ຖານະທາງດ້ານເສດຖະກິດຈະເເຈ້ງ, ມີທະບຽນວິສາຫະກິດຖືກຕ້ອງຕາມລະບຽບການ
ແລະ ມີຜົນງານອັນດີເດັ່ນໃນການຮັບເໝົາກໍ່ສ້າງປະກອບສ່ວນສ້າງສາພັດທະນາປະເທດຊາດຜ່ານມາ ພ້ອມນີ້ຕ້ອງເຫັນໄດ້ຄວາມຫຍຸ້ງຍາກສັບສົນດ້ານງົບ
ປະມານ ໃນການກໍ່ສ້າງຂອງພັກ- ລັດຖະບານເຮົາໃນສະພາບປັດຈຸບັນຖ້າກຳໄດ້ຈຸດພິເສດດັ່ງ ກ່າວໂຄງການນີ້ ຈິ່ງສາມາດລົງມືຈັດຕັ້ງປະຕິບັດໄດ້ ແລະ ສຳ
ເລັດຕາມຄາດໝາຍຢ່າງຈົບງາມ.
ແຫຼ່ງທີ່ມາ: ໜັງສືພິມກອງທັບ
ວັນທີ 26/08/2021