ສປປ ລາວ ກວດພົບຜູ້ຕິດເຊື້ອພະຍາດໂຄວິດ- 19 ເພີ່ມ 14 ກໍລະນີ

     ໃນວັນທີ 25 ມີຖຸນາ ປີ 2021 ທ່ານ ດຣ. ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່ ຈະມາຖະແຫຼງຂ່າວມື້ນີ້ ກ່ຽວກັບ
ສະພາບໂຄວິດ-19 ໃນ ສປປ ລາວ, ໃນໂລກ ແລະ ຂໍ້ແນະນຳ, ຕາງໜ້າກອງເລຂາ ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດ
ຂອງພະຍາດ COVID-19 ໄດ້ລາຍວ່າ: ໃນວັນທີ 24 ມິຖຸນາ 2021 ໄດ້ກວດວິເຄາະຫາເຊື້ອທັງໝົດ 1,159 ຄົນ, ໃນນັ້ນ ກວດພົບຜູ້ຕິດເຊື້ອທັງໝົດ
14 ຄົນ, ຈາກນະຄອນຫຼວງ 3 ຄົນ, ສະຫວັນນະເຂດ 3 ຄົນ ແລະ ຈຳປາສັກ 8 ຄົນ ເຊ່ິ່ງທັງໝົດ ແມ່ນເປັນກໍລະນີນຳເຂົ້າ. ສຳລັບ ແຂວງສະຫວັນນະເຂດ
3 ຄົນ ແລະ ແຂວງຈຳປາສັກ 8 ຄົນ ແມ່ນກວດພົບຈາກແຮງງານລາວ ທີ່ກັບມາຈາກປະເທດເພື່ອນບ້ານ ໂດຍຖືກຕ້ອງຕາມກົດໝາຍ.

     ສ່ວນ ນະຄອນຫຼວງວຽງຈັນ 3 ຄົນ ແມ່ນເປັນກໍລະນີນຳເຂົ້າ ຈາກຕ່າງປະເທດ, ປະຈຸບັນມີຜູ້ປີ່ນປົວຫາຍດີທັງໝົດ 1,968 ຄົນ ແລະ ຍັງສືບຕໍ່ປິ່ນປົວ
123 ຄົນ. + ລາຍລະອຽດ ກ່ຽວກັບ 3 ຄົນ ທີ່ຕິດເຊື້ອໃໝ່ ໃນນະຄອນຫຼວງວຽງຈັນ, ມີດັ່ງຕໍ່ໄປນີ້: - ຄົນທີ 1: ເພດຍິງ, ອາຍຸ: 35 ປີ, ສັນຊາດ ໂຄລຳ
ເບຍ, ອາຊີບ: ພະນັກງານບໍລິສັດ, ຜູ້ກ່ຽວມີອາການ ໄອ, ເຈັບຫົວ, ເມື່ອຍ ແລະ ປວດຕາມຕົນໂຕ, ເດີນທາງມາຈາກປະເທດການາດາ ຜ່ານ ສະໜາມບິນ
ກົວລາລຳເປີ, ປະເທດມາເລເຊຍ ມາ ສະໜາມບິນສາກົນວັດໄຕ ສປປ ລາວ ດ້ວຍຖ້ຽວບິນ AK7552 KUL-VTE (ນັ່ງຕັ່ງນ້ຳເບີ 21B) ໃນວັນທີ 24
ມິຖຸນາ 2021, ຖືກເກັບຕົວຢ່າງ ຢູ່ສະໜາມບິນສາກົນວັດໄຕ ແລະ ຜົນກວດພົບເຊື້ອ. - ຄົນທີ 2: ເພດຊາຍ, ອາຍຸ: 28 ປີ, ສັນຊາດລາວ, ຮຽນຈົບຈາກ
ສ ຣັດເຊຍ, ຜູ້ກ່ຽວບໍ່ມີອາການຫຍັງ, ເດີນທາງມາຈາກ ສ ຣັດເຊຍ ຜ່ານ ສະໜາມບິນກົວລາລຳເປີ, ປະເທດມາເລເຊຍ ມາ ສະໜາມບິນ ສາກົນ ວັດໄຕ
ສປປ ລາວ ດ້ວຍຖ້ຽວບິນ AK7552 KUL-VTE (ນັ່ງຕັ່ງນ້ຳເບີ 9A) ໃນວັນທີ 24 ມິຖຸນາ 2021, ຖືກເກັບຕົວຢ່າງ ຢູ່ສະໜາມບິນສາກົນວັດໄຕ ແລະ
ຜົນກວດພົບເຊື້ອ. - ຄົນທີ 3: ເພດຊາຍ, ອາຍຸ: 28 ປີ, ສັນຊາດລາວ, ຮຽນຈົບຈາກ ສ ຣັດເຊຍ, ຜູ້ກ່ຽວບໍ່ມີອາການຫຍັງ, ເດີນທາງມາຈາກ ສ ຣັດເຊຍ
ຜ່ານ ສະໜາມບິນກົວລາລຳເປີ, ປະເທດມາເລເຊຍ ມາ ສະ ໜາມບິນສາກົນວັດໄຕ ສປປ ລາວ ດ້ວຍຖ້ຽວບິນ AK7552 KUL-VTE (ນັ່ງຕັ່ງນ້ຳເບີ
43J) ໃນວັນທີ 24 ມິຖຸນາ 2021, ຖືກເກັບຕົວຢ່າງ ຢູ່ສະໜາມບິນສາກົນວັດໄຕ ແລະ ຜົນກວດພົບເຊື້ອ. - ໃນຖ້ຽວບິນນີ້ ມີຜູ້ໂດຍສານທັງໝົດ 113
ຄົນ, ໃນນັ້ນ ມີຜູ້ສຳຜັດໃກ້ຊິດກັບຜູ້ຕິດເຊື້ອ ຈຳນວນ 32 ຄົນ, ເຊິ່ງທັງໝົດໄດ້ເກັບຕົວຢ່າງ ແລະ ເຂົ້າໄປຈຳກັດບໍລິເວນຢູ່ສະຖານທີ່ ທີ່ຄະນະສະເພາະກິດ
ກຳນົດໄວ້. (ປະຈຸບັນ ຈຳນວນບ້ານແດງ ໃນນະຄອນຫຼວງວຽງຈັນ ແມ່ນມີ 13 ບ້ານ ໃນ 04 ເມືອງ ແລະ ບ້ານໃໝ່ທີ່ຖືກກຳນົດເປັນເຂດແດງ ມີ 1 ບ້ານ
ຄື: ບ້ານນາສ້າງໄພ, ເມືອງໄຊເສດຖາ).

ແຫຼ່ງທີ່ມາ: ໜັງສືພິມກອງທັບ
ວັນທີ 25/06/2021