ທ່ານ ພົນເອກ ຈັນສະໝອນ ຈັນຍາລາດ
ເຂົ້າຮ່ວມກອງປະຊຸມຄວາມໝັ້ນຄົງສາກົນມົດສະກູ ຄັ້ງທີ X
ທ່ານ ພົນເອກ ຈັນສະໝອນ ຈັນຍາລາດ ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ ແຫ່ງ ສາທາລະນະລັດ ປະຊາທິປະໄຕ ປະຊາ
ຊົນລາວ ພ້ອມດ້ວຍຄະນະ ໄດ້ເຂົ້າຮ່ວມກອງປະຊຸມຄວາມໝັ້ນຄົງສາກົນມົດສະກູ ຄັ້ງທີ X ທີ່ນະຄອນຫຼວງມົດສະກູ ສະຫະພັນຣັດເຊຍ ເຊິ່ງກອງປະຊຸມ
ໄດ້ໄຂຂຶ້ນ ແລະ ປິດລົງດ້ວຍຜົນສຳເລັດອັນຈົບງາມໃນວັນທີ 16 ສິງຫາ 2022 ນີ້.
ໃນພິທີເປີດກອງປະຊຸມຢ່າງເປັນທາງການ, ທ່ານ ວາລາດີເມຍ ປູຕິນ ປະທານາທິບໍດີແຫ່ງສະຫະ ພັນຣັດເຊຍ ໄດ້ກ່າວຄຳປາໃສໂດຍຜ່ານວີດີໂອ ເຊິ່ງ
ເນື້ອໃນ ບາງຕອນທ່ານກ່າວວ່າ: ກອງປະຊຸມຄວາມໝັ້ນຄົງມົດສະກູເປັນກອງປະຊຸມເພື່ອເປີດໂອກາດໃຫ້ຜູ້ເຂົ້າຮ່ວມໄດ້ແລກປ່ຽນຄວາມຄິດ-ຄວາມເຫັນ
ກ່ຽວກັບບັນຫາຄວາມໝັ້ນຄົງໃນປັດຈຸບັນ ແລະ ໃນເວລາດຽວກັນກໍ່ເພື່ອເປັນການປຶກສາຫາລືກ່ຽວກັບການຮ່ວມມືວຽກງານທາງດ້ານການທະຫານ ເພື່ອ
ຮັບປະກັນທາງດ້ານຄວາມໝັ້ນຄົງຂອງພາກພື້ນ ແລະ ສາກົນ ບົນພື້ນຖານການເຄົາລົບເຊິ່ງກັນ ແລະ ກັນ, ຕ່າງຝ່າຍຕ່າງມີຜົນປະໂຫຍດ.
ໂອກາດດຽວກັນນີ້, ທ່ານ ພົນເອກ ເຊີເກ ໂຊຍກູ ລັດຖະມົນຕີກະຊວງປ້ອງກັນປະເທດ ແຫ່ງ ສະຫະພັນຣັດເຊຍ ກໍໄດ້ກ່າວຄຳເຫັນຕໍ່ກອງປະຊຸມ ເຊິ່ງ
ທ່ານໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ບັນດາທ່ານລັດຖະມົນຕີປ້ອງກັນປະເທດ, ຜູ້ຕາງໜ້າຈາກກອງທັບປະເທດຕ່າງໆ ແລະ ອົງການຈັດຕັ້ງ
ຕ່າງໆທີ່ໄດ້ເດີນທາງມາເຂົ້າຮ່ວມກອງປະຊຸມຄວາມໝັ້ນຄົງສາກົນ ຄັ້ງທີ X. ທ່ານລັດຖະມົນຕີກະຊວງປ້ອງກັນປະເທດ ສະຫະພັນຣັດເຊຍ ຍັງໄດ້ຕີລາຄາ
ເຖິງສະພາບຄວາມໝັ້ນຄົງທີ່ກຳລັງເກີດຂຶ້ນຢູ່ໃນຫຼາຍຂົງເຂດໃນທົ່ວໂລກ ເຊິ່ງເປັນສິ່ງທ້າທ້າຍຕໍ່ຄວາມໝັ້ນຄົງຂອງພາກພື້ນ ແລະ ໃນໂລກ. ຕໍ່ສະພາບ
ການທີ່ເກີດຂຶ້ນມັນໄດ້ຮຽກຮ້ອງໃຫ້ບັນດາປະເທດຈົ່ງຮ່ວມມືກັນແກ້ໄຂເພື່ອສົ່ງເສີມສັນຕິພາບ, ສະຖຽນລະພາບ, ຄວາມໝັ້ນຄົງ ແລະ ຄວາມຈະເລີນ
ຮຸ່ງເຮືອງ.
ໃນກອງປະຊຸມ ທ່ານ ພົນເອກ ຈັນສະໝອນ ຈັນຍາລາດ ໄດ້ປະກອບຄຳເຫັນຕໍ່ກອງປະຊຸມໃນຫົວຂໍ້: ທິດທາງຂອງຄວາມໝັ້ນຄົງໃນພາກພື້ນອາຊີ-ປາ
ຊີຟິກ ເຊິ່ງທ່ານໄດ້ເນັ້ນເຖິງຄວາມສຳຄັນຂອງການຮ່ວມມືຫຼາຍຝ່າຍ ເຊິ່ງເປັນປັດໄຈພື້ນຖານສຳຄັນເຮັດໃຫ້ບັນດາປະເທດ ສາມາດກ້າວໄປຂ້າງໜ້າພ້ອມ
ກັນ ແລະ ໃຫ້ສາມາດຮັບມືກັບບັນດາສິ່ງທ້າທາຍທາງດ້ານຄວາມໝັ້ນຄົງທີ່ສະຫຼັບຊັບຊ້ອນ, ທັງເປັນການສ້າງສະພາບແວດລ້ອມທີ່ເອື້ອອຳນວຍ ໃຫ້ແກ່
ການປົກປັກຮັກສາ ແລະ ສົ່ງເສີມສັນຕິພາບ, ສະຖຽນລະພາບ, ຄວາມໝັ້ນຄົງ ແລະ ຄວາມຈະເລີນຮຸ່ງເຮືອງຂອງພາກພື້ນ ແລະ ໃນໂລກ.
ຂ່າວຍັງໃຫ້ຮູ້ຕື່ມອີກວ່າ: ໃນໂອກາດທີ່ເດີນທາງໄປເຂົ້າຮ່ວມ ກອງປະຊຸມຄວາມໝັ້ນຄົງສາກົນມົດສະກູ ຄັ້ງທີ X ທີ່ສະຫະພັນຣັດເຊຍ, ທ່ານ ພົນເອກ
ຈັນສະໝອນ ຈັນຍາລາດ ຮອງນາຍົກ ລັດຖະ ມົນຕີ ລັດຖະມົນຕີກະຊວງປ້ອງກັນປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ພ້ອມດ້ວຍ
ຄະນະ ໄດ້ເຂົ້າຮ່ວມພິທີເປີດງານການແຂ່ງຂັນກິລາການທະຫານສາກົນ ແລະ ງານວາງສະແດງອຸ ປະກອນເຕັກນິກການທະຫານສາກົນ ປະຈຳປີ 2022 ໃນ
ວັນທີ 15 ສິງຫາ 2022 ນີ້ ພ້ອມກັນນີ້, ທ່ານຍັງໄດ້ເນັ້ນໜັກໃຫ້ຄະນະຊີ້ນຳ ແລະ ນັກກີລາ ຈົ່ງພ້ອມກັນຫ້າວຫັນເຝິກຊ້ອມ, ສຸມທຸກສະຕິປັນຍາ ຄວາມ
ຮູ້-ຄວາມສາມາດ ແລະ ປະສົບການທີ່ມີເຂົ້າໃນການແຂ່ງຂັນໃນຄັ້ງນີ້ໃຫ້ໄດ້ຮັບໝາກຜົນສູງ. ການແຂ່ງຂັນກີລາການທະຫານຄັ້ງນີ້, ກອງທັບປະຊາຊົນລາວ
ໄດ້ສົ່ງທີມນັກກີລາລົດຕັງເຂົ້າຮ່ວມການແຂ່ງຂັນ ເຊິ່ງທີມລົດຕັງກອງທັບປະຊາຊົນລາວແມ່ນນອນຢູ່ສາຍ B ລວມມີ 11 ປະເທດຄື: ລາວ, ອາເມເນຍ, ຊີ
ເລຍ, ອີລານ, ປາກິສະຖານ, ອາຊີເຈຍໃຕ້, ອັບຄາເຊຍ, ມຽນມາ, ຊິມບັບເວ, ຊູດານ ແລະ ມາລີ ໂດຍການແຂ່ງຂັນຈະໄດ້ປິດລົງຢ່າງເປັນທາງການໃນວັນ
ທີ 27 ສິງຫາ 2022.
ແຫຼ່ງທີ່ມາ: ໜັງສືພິມກອງທັບ
ວັນທີ 23/08/2022