ພາກສ່ວນຕ່າງໆ ສືບຕໍ່ມອບເງິນຊຸກຍູ້ນັກກິລາກະຊວງປ້ອງກັນປະເທດ
ວັນທີ 17 ຕຸລາ 2022 ນີ້, ພາກສ່ວນຕ່າງໆ ໄດ້ສືບຕໍ່ມອບເງິນອຸປະຖຳ ນັກກິລາກະ ຊວງປ້ອງກັນປະເທດ ທີ່ຈະເຂົ້າຮ່ວມການແຂ່ງຂັນງານມະ ຫະກຳກິລາແຫ່ງຊາດ ຄັ້ງທີ XI ທີ່ແຂວງຊຽງຂວາງ, ຕາງໜ້າໃຫ້ກະຊວງປ້ອງກັນປະເທດກ່າວຮັບໂດຍ ສະຫາຍ ພົນຈັດຕະວາ ຄຳມ່ວນ ເລືອງວັນຫຼ້າ ຮອງຫົວໜ້າຫ້ອງວ່າການກະຊວງປ້ອງກັນປະເທດ, ຫົວໜ້າຄະນະຮັບຜິດຊອບວຽກງານລະດົມທຶນຊຸກຍູ້ນັກກິລາກະຊວງປ້ອງກັນປະເທດ, ພ້ອມດ້ວຍ ຄະນະຮັບຜິດຊອບນັກກິລາເຂົ້າຮ່ວມ. ພາກສ່ວນທີ່ອຸປະຖຳໃນຄັ້ງນີ້ລວມມີ: ບໍລິສັດ ອຸດົມຊັບ ພັດທະນາບໍ່ແຮ່ຈຳກັດ ມອບເງິນຈຳນວນ 100.000.000 ກີບ, ຕາງໜ້າກ່າວມອບໂດຍທ່ານ ອິນ ສີວົງໄຊ ຮອງຜູ້ອຳນວຍການ ບໍລິສັດ ອຸດົມຊັບ ພັດທະນາບໍ່ແຮ່ຈຳກັດ ພ້ອມຄະນະ, ບໍລິສັດ ເອເຊຍ ລົງທຶນພັດທະນາ ແລະ ກໍ່ສ້າງຈຳກັດຜູ້ດຽວ (AIDC) ມອບເງິນ 20.000.000 ກີບ, ຕາງໜ້າກ່າວມອບໂດຍ ທ່ານ ນາງ ວຽງວິໄລ ກິ່ງແກ້ວ ເລຂາ ບໍລິສັດ ເອເຊຍ ລົງທຶນພັດທະນາ ແລະ ກໍ່ສ້າງຈຳກັດຜູ້ດຽວພ້ອມຄະນະ ແລະ ບໍລິສັດ ເອສທີກຸບ ຈຳກັດຜູ້ດຽວ ມອບເງິນ 30.000.000 ກີບ, ຕາງໜ້າ ກ່າວມອບໂດຍ ທ່ານ ອາລຸນ ຢາການາກິ ຫົວໜ້າຫ້ອງການບໍລິສັດ ດັ່ງກ່າວພ້ອມຄະນະ. ໂອກາດນີ້, ສະຫາຍ ພົນຈັດຕະວາ ຄຳມ່ວນ ເລືອງວັນຫຼ້າ ໄດ້ຕາງໜ້າໃຫ້ຄະນະນຳກະຊວງປ້ອງກັນປະເທດ ກໍຄືຕາງໜ້າຄະນະຊີ້ນຳນັກກິລາສະແດງຄວາມຂອບໃຈນຳແຕ່ລະພາກ ສ່ວນທີ່ເຫັນໄດ້ຄວາມ ຈຳເປັນ ແລະ ຄວາມສຳຄັນວຽກງານກິ ລາຂອງກະຊວງປ້ອງກັນປະເທດ ຈຶ່ງໄດ້ນຳເອົາວັດຖຸປັດໄຈມາມອບໃນຄັ້ງນີ້, ເຊິ່ງເປັນການປະກອບສ່ວນສຳຄັນໃນ ການຊຸກຍູ້ສົ່ງເສີມນັກກິລາຂອງກະຊວງປ້ອງກັນປະເທດ ໃຫ້ມີກຳ ລັງໃຈເຂົ້າຮ່ວມການແຂ່ງຂັນໃນງານມະຫະກຳກິລາແຫ່ງຊາດ ຄັ້ງທີ XI ທີ່ແຂວງຊຽງ ຂວາງເປັນເຈົ້າພາບ ເພື່ອຍາດເອົາຜົນງານທີ່ດີເດັ່ນມາສູ່ກອງທັບເຮົາ ແລະ ກ່າວຢືນຢັນວ່າ ຈະນຳເອົາວັດຖຸປັດໄຈຈຳນວນດັ່ງກ່າວນີ້ ໄປນຳໃຊ້ໃຫ້ເກີດປະ ໂຫຍດສູງສຸດ. ພ້ອມດຽວກັນນັ້ນ, ກໍໄດ້ມອບໃບກຽດຕິຄຸນຂອງກະຊວງປ້ອງກັນປະເທດ ໃຫ້ແຕ່ລະພາກສ່ວນທີ່ເຂົ້າມາອຸປະຖຳໃນຄັ້ງນີ້ອີກດ້ວຍ. ຂ່າວໃຫ້ຮູ້ຕື່ມອີກວ່າ: ກ່ອນໜ້ານີ້, ບໍລິສັດ ຂຸດຄົ້ນແຮ່ເຫຼັກ ໂກເອໂກ ຈຳກັດ ກໍໄດ້ມອບເງິນອຸປະຖຳຈຳນວນ 10.000.000 ກີບ ແລະ ສະຖາບັນການຢາ-ການແພດພື້ນເມືອງກອງທັບມອບເງິນ 2.000.000 ກີບ.ໂດຍການກ່າວຮັບຂອງສະຫາຍ ພັນເອກ ສີປະເສີດ ບຸນປະກອບ ຫົວໜ້າກົມອົບຮົມ ກົມໃຫຍ ່ເສນາທິການກອງທັບ, ຄະນະຊີ້ນຳນັກກິລາກະຊວງປ້ອງກັນປະເທດ ພ້ອມດ້ວຍຄະນະ.
ແຫຼ່ງທີ່ມາ: ໂດຍ: ນາງ ຍ້ອມເພັດ
ວັນທີ 18/10/2022