ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ປະກາດ​ການ​ແຕ່ງຕັ້ງ​ຂັ້ນ​ຫົວໜ້າ​ພະ​ແນກ ​ຫ້ອງ​ການເມືອງ​ກົມ​ໃຫຍ່​ພະລາທິການ​ກອງທັບ

 



ໃນ​ວັນ​ທີ 17 ຕຸລາ 2022 ນີ້, ຫ້ອງ​ການເມືອງ​ກົມ​ໃຫຍ່​ພະລາທິການ​ກອງທັບ, ໄດ້​ຈັດ​ພິທີ​ປະກາດ​ການ​ແຕ່ງຕັ້ງ​ຂັ້ນ​ຫົວໜ້າ​ພະ​ແນກ​ຂອງ​ຫ້ອງ​ການ ເມືອງ​ກົມ​ໃຫຍ່​ພະລາທິການ​ກອງທັບ, ໂດຍ​ການ​ເປັນ​ປະທານ​ຂອງ ສະຫາຍ ພົນ​ຈັດຕະວາ ບົວ​ສິງ ອິນ​ທະ​ວົງ ຮອງ​ຫົວໜ້າ​ ກົມ​ໃຫຍ່​ພະລາທິການ​ກອງທັບ, ມີ​ ຄະນະ​ພັກ-ຄະນະ​ບັນຊາ ແລະ ພະນັກງານ​ຫຼັກ​ແຫຼ່ງ​ພາຍ​ໃນ​ຫ້ອງ​ການເມືອງ​ເຂົ້າ​ຮ່ວມ. ສະຫາຍ ພັນ​ໂທ ທອງ​ອ້ວນ ຄຳ​ວັນ​ທອງ ຮອງ​ຫົວໜ້າ​ຫ້ອງ ການເມືອງ​ກົມ​ໃຫຍ່​ພະລາທິການ​ກອງທັບ, ໄດ້​ຂຶ້ນ​ຜ່ານ​ຂໍ້​ຕົກລົງ​ຂອງ​ກົມ​ໃຫຍ່​ການເມືອງ​ກອງທັບ ວ່າ​ດ້ວຍ​ການ​ແຕ່ງຕັ້ງ​ຂັ້ນ​ພະແນກການ​ຂອງ​ຫ້ອງ​ການ ເມືອງ​ກົມ​ໃຫຍ່​ພະລາທິການ​ກອງທັບ, ອີງ​ຕາມກົດໝາຍນາຍ​ ທະຫານ​ກອງທັບ​ປະຊາຊົນລາວ (ສະບັບ​ປັບປຸງ) ວ່າ​ດ້ວຍ​ການ ​ແຕ່ງຕັ້ງ, ຍົກຍ້າຍ​ນາຍທະ ຫານ, ອີງ​ຕາມທິດທາງແຜນ​​ການ​ປັບປຸງ​ບູລະນະ​ກົງຈັກ​ການຈັດຕັ້ງ​ນຳພາ-ບັນຊາ ໃນ​ກຳລັງ​ປະກອບ​ອາວຸດ​ໃຫ້​ເຂັ້ມແຂງ, ໜັກ​ແໜ້ນ​ຮອບດ້ານ ເພື່ອ ເຮັດສຳເລັດ ​ໜ້າທີ່​ປົກ​ປັກ​ຮັກສາພັດທະນາ​ປະເທດ​ຊາດ ແລະ ອີງ​ຕາມ ການ​ສະເໜີ​ຂອງ​ກົມ​ໃຫຍ່​ພະລາ ທິການ​ກອງທັບ, ອີງ​ຕາມການ​ຄົ້ນຄວ້າ ນຳ​ສະເໜີ​ຂອງ​ກົມ​ພະນັກງານ, ກົມ​ໃຫຍ່​ການເມືອງ​ກອງທັບ​ຕົກລົງ, ແຕ່ງຕັ້ງ ສະຫາຍ ພັນ​ໂທ ສຸດ​ຖາວອນ ພົງພັນ ເປັນ​ຫົວໜ້າ​ພະ​ແນກ​ປ້ອງ​ກັນ​ ພາຍ​ໃນ ແລະ ສະຫາຍ ພັນ​ໂທ ພູ​ວັນ ອຸດ​ທອງຄຳ ເປັນ​ຫົວໜ້າ​ພະ​ແນກ​ນະໂຍບາຍ​ຫ້ອງ​ການເມືອງ​ກົມ​ໃຫຍ່​ພະລາທິການ​ກອງທັບ. ໂອກາດ​ນີ້, ສະຫາຍ ພົນຈັດຕະວາ ບົວ​ສິງ ອິນ​ທະ​ວົງ ໄດ້ ໃຫ້​ກຽດ​ໂອ້​ລົມ ແລະ ຮຽກຮ້ອງ​ໃຫ້​ທຸກ​ສະຫາຍ​ທີ​ໄດ້​ຮັບ​ມອບ​ໝາຍ​ໜ້າທີ່​ໃໝ່​ຈົ່ງ ​ເອົາໃຈໃສ່​ຍົກ​ສູງ​ຄວາມຮັບຜິດ ຊອບຕໍ່ໜ້າ​ ທີ່​ວຽກ​ງານ​ວິຊາ​ສະເພາະ​ຂອງ​ຕົນ​ເອງ​ຕາມ​ການຈັດຕັ້ງ​ຂັ້ນ​ເທິງ​ມອບ​ໝາຍ​ໃຫ້, ເພີ່ມ​ທະວີ​ຄວາມ​ສາມັກຄີພາຍ​ໃນ​ພາຍ​ນອກ​ຢ່າງ​ແໜ້ນ​ແຟ້ນ, ປະຕິບັດ​ໜ້າທີ່​ວຽກງານບົນ​ພື້ນຖານ​ຫຼັກ​​ການ​ລວມ​ສູນປະຊາທິ​ໄຕ ແລະ ພ້ອມ​ທັງ​ເປັນເສນາ​ທິ​ການ​ຂົງເຂດ​ວຽກງານ​ການເມືອງ​ໃຫ້​ແກ່ກົມໃຫຍ່ພະລາທິ ການ​ກອງທັບ ກໍຄື​ການຈັດຕັ້ງ​ຂັ້ນ​ເທິງ​ໃຫ້​ມີ​ຜົນສຳເລັດ​ຕະຫຼອດ​ໄປ.                     

ແຫຼ່ງທີ່ມາ: ໂດຍ: ຄຳ​ປະສົງ ລາດ​ຊະ​ວົງ
ວັນທີ 18/10/2022