ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ຮອງ​ຫົວໜ້າ​ກົມ​ໃຫຍ່​ເສນາ​ທິ​ການ​ກອງທັບ
ໂອ້​ລົມ​ຄະນະ​ນັກ​ກິລາ​ ທີ່​ເຂົ້າ​ຮ່ວມ​ແຂ່ງຂັນ​ກິລາ​ແຫ່ງ​ຊາດ ຄັ້ງ​ທີ XI



     ວັນ​ທີ 14 ຕຸລາ 2022 ນີ້, ສະຫາຍ ພົນ​ຕີ ພັນແສງ ບຸນ​ພັນ ຮອງ​ຫົວໜ້າ​ກົມ​ໃຫຍ່​ເສນາ​ທິ​ການ​ກອງທັບ, ຫົວໜ້າ​ຄະນະ​ຊີ້​ນຳ​ທິມ​ນັກ​ກິລາ​ກອງທັບ ໄດ້​ພົບ​ປະ​ໂອ້​ລົມ​ຄະນະ​ຮັບຜິດຊອບ, ຄູ​ເຝິກ ແລະ ນັກ​ກິລາ​ກອງທັບ ທີ່​ກະກຽມ​ເຂົ້າ​ຮ່ວມ​ແຂ່ງຂັນ​ໃນ​ງານ​ມະ​ຫະ​ກຳ​ກິລາ​ແຫ່ງ​ຊາດ ຄັ້ງ​ທີ XI ຢູ່​ແຂວງ​ຊຽງ ​ຂວາງ​ເປັນ​ເຈົ້າພາບ. ໂອກາດ​ນີ້, ສະຫາຍ ພົນ​ຕີ ພັນແສງ ບຸນ​ພັນ ໄດ້​ກ່າວ​ວ່າ: ການ​ເຂົ້າ​ຮ່ວມ​ງານ​ມະ​ຫະ​ກຳ​ກິລາ​ແຫ່ງ​ຊາດ ຄັ້ງ​ທີ XI ຢູ່​ທີ່​ແຂວງ​ຊຽງ​ຂວາງ ​ເປັນ​ເຈົ້າພາບ​ໃນ​ຄັ້ງ​ນີ້ ແມ່ນ​ມີ​ຄວາມ​ໝາຍ​ຄວາມ​ສຳຄັນ ແລະ ເປັນ​ວຽກການເມືອງ​ອັນ​ໜຶ່ງ​ໃນ​ປະເທດ​ຂອງ​ພວກ​ເຮົາ ເວົ້າ​ສະເພາະຢູ່​ໃນ​ກອງທັບ ປະຊາ ຊົນ​ລາວ ດັ່ງນັ້ນ, ຈຶ່ງ​ຮຽກຮ້ອງ​ໃຫ້​ຄະນະ​ຮັບຜິດຊອບ​ແຕ່​ລະ​ຂັ້ນຕ້ອງ​ເອົາໃຈໃສ່​ເພີ່ມ​ທະວີ​ຄວາມ​ຮັບ ຜິດຊອບ​ຕໍ່ໜ້າ​ທີ່​ການເມືອງ​ຂອງ​ຕົນນຳພາ​ທີມ​ນັກກ ີລາ​ແຕ່​ລະ​ປະເພດ​​ເຝິກຊ້ອມ, ເປັນ​ເສນາ​ທິ​ການ​ໃຫ້​ຄະນະ​ຊີ້​ນຳ​ເຕົ້າໂຮມ​ຄວາມ​ສາມັກຄີ​ພາຍ​ໃນ, ເອົາໃຈໃສ່​ຮັບປະກັນ​ບັນດາ​ວຽກ​ຕ່າງໆ​ທີ່​ເກີດ​ຂຶ້ນ​ຕະຫຼອດ ​ໄລຍະ​ການ​ເຝິກຊ້ອມ​ຈົນ​ສຳເລັດ​ການ​ແຂ່ງຂັນເຮັດ​ໃຫ້​ນັກ​ກິລາ​ມີ​ຄວາມ​ປອດ​ໄພ ແລະ ຍາດ​ໄດ້​ໄຊຊະນະ.ສຳລັບ​ຄູ​ເຝິກ​ຕ້ອງ​ຊີ້​ນຳ​ປັບປຸງ​ທີມ​ນັກ​ກິລາ​ເຂົ້າ ​ສູ່​ລະບຽບ​ແບບແຜນ, ປະຕິບັດ​ຕາມ​ແຜນການ​ເຝິກຊ້ອມ​ເປັນ​ປົກກະຕິ, ເຂັ້ມ​ງວດ, ເດັດຂາດ ແລະ ມີ​ວິທະຍາສາດ, ເຕົ້າໂຮມ​ຄວາມ​ສາມັກຄີ​ເປັນ​ຈິດ​ໜຶ່ງ​ ໃຈ​ດຽວ, ສຶກ​ສາ​ອົບຮົມ​ການເມືອງ-ນຳພາ​ແນວ​ຄິດ​ໃຫ້​ອ້າຍ​ນ້ອງ​ນັກ​ກິລາ, ການ​ສິດສອນ​ຕ້ອງ​ຕິດ​ພັນ​ກັບ​ລະບຽບ​ຫຼັກການ​ຂອງ​ການ​ແຂ່ງຂັນ ແລະ ສຳລັບ ​ນັກກີລາ​ກໍ​ຕ້ອງ​ມີ​ຄວາມ​ຮັບຜິດຊອບ​ສູງ​ຕໍ່ໜ້າ​ທີ່​ການເມືອງ​ຂອງ​ຕົນອົດ​ທົດ​ຜ່ານ​ຜ່າ​ທຸກ​ຄວາມ​ຫຍຸ້ງຍາກ, ຮູ້​ເສຍສະຫຼະ, ມີ​ຄວາມ​ສາມັກຄີ, ມີ​ນ້ຳໃຈ​ນັກ​ກ ິລາ, ຮັກສາ​ຈັນ​ຍາ​ບັນ​ຂອງ​ນັກ​ກິລາ​ຮູ້​ແພ້​ຮູ້​ຊະນະ, ປະຕິບັດ​ຕາມ​ລະບຽບ​ການ​ແຂ່ງຂັນ​ໃຫ້​ເຂັ້ມ​ງວດ ແລະ ພ້ອມ​ກັນ​ຍາດ​ເອົາ​ຫຼຽນ​ລາງ ວັນ​ມາສູ່​ກອງທັບ. ໃນ​ພີ​ທິ, ປະທານ​ບໍລິສັດ​ຄູນຄຳ​ອຸດສາຫະກຳ​ບໍ່​ແຮ່ຈຳກັດ​ຜູ້​ດຽວ ແລະ ສະໜາມ​ຍິງ​ປືນ 20 ມັງກອນ ໄດ້​ມອບ​ເງິນ​ອຸປະຖຳ​ໃຫ້​ທີມ​ນັກ​ກິລາ​ກອງທັບ ລວມ ​ເປັນ​ເງິນ​ຈຳນວນ 40 ລ້ານ​ກີບ.