ພິທີມອບນາມມະຍົດໜ່ວຍພັກປອດໃສ, ເຂັ້ມແຂງ, ໜັກແໜ້ນ ໃຫ້ບັນດາໜ່ວຍພັກ
ທີ່ຂຶ້ນກັບຄະນະພັກຮາກຖານ ກົມ ວິທະຍາສາດ-ປະຫວັດສາດ ການທະຫານ
ວັນທີ 16 ກຸມພາ 2022 ນີ້ຢູ່ທີ່ ກົມ ວິທະຍາສາດ-ປະຫວັດສາດ ການທະຫານ ກະຊວງປ້ອງກັນປະເທດ ໄດ້ຈັດຕັ້ງພິທີມອບນາມມະຍົດ ໜ່ວຍພັກ
ປອດໃສ, ເຂັ້ມແຂງ, ໜັກແໜ້ນຂຶ້ນໂດຍພາຍໃຕ້ການເປັນປະທານຂອງ ສະຫາຍ ພົນຈັດຕະວາ ວຽງໄຊ ສົມວິຈິດ ເລຂາຄະນະພັກຮາກຖານ ຫົວໜ້າກົມ
ວິທະຍາສາດ-ປະຫວັດສາດ ການທະຫານ, ມີຄະນະພັກ-ຄະນະບັນຊາ, ມີບັນດາສະຫາຍຄະນະໜ່ວຍພັກ 8 ໜ່ວຍພັກ, ຄະນະພະແນກ ແລະ 8 ພະແນກ
ຕົວແທນຈາກອົງການຈັດຕັ້ງມະຫາຊົນ ເຂົ້າຮ່ວມຢ່າງພຽງໜ້າ.
ໃນພິທີສະຫາຍ ພັນໂທ ອຸເທບ ພົມມະເທດ ຄະນະພັກຮາກຖານ, ຫົວໜ້າພະແນກການເມືອງໄດ້ຂຶ້ນຜ່ານບົດສະຫຼຸບ ແລະ ທິດທາງແຜນການ ໃນການ
ຈັດຕັ້ງປະຕິບັດວຽກງານກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ໃນປີຜ່ານມາຢູ່ພາຍໃນ ກົມວິທະຍາສາດ-ປະຫວັດສາດ ການທະຫານ ໂດຍປະ
ຕິບັດຕາມຄຳສັ່ງແນະນຳຂອງຄະນະພັກກະຊວງປ້ອງກັນປະເທດ ແລະ ປະຕິບັດຕາມ ມະຕິ ກອງປະຊຸມໃຫຍ່ຄັ້ງທີ 5 ຂອງຄະນະພັກກະຊວງປ້ອງກັນປະເທດ
ວ່າດ້ວຍ ການກໍ່ສ້າງກົມກອງ ພັກປອດໃສ, ເຂັ້ມແຂງ, ໜັກແໜ້ນ ຕາມ 5 ເນື້ອໃນ ເຊິ່ງຕ້ອງປະກອບມີດັ່ງນີ້: ນຳພາຄຸນທາດການເມືອງ, ນຳພາດ້ານແນວ
ຄິດ, ນຳພາດ້ານການຈັດຕັ້ງ, ນຳພາແບບແຜນວິທີການເຮັດວຽກ ແລະ ນຳພາປະຕິບັດໜ້າທີ່ການເມືອງ, ຜ່ານການຈັດຕັ້ງປະຕິບັດຕົວຈິງ ຕະຫຼອດໄລຍະ 1
ປີ ຜ່ານມາ, ສາມາດຕີລາຄາຢັ້ງຢືນເປັນຜົນງານຕໍ່ຄະນະພັກຂັ້ນເທິງໄດ້ຢ່າງເປັນຮູບປະທຳ, ດັ່ງນັ້ນ ຄະນະພັກກະຊວງປ້ອງກັນປະເທດ ຈຶ່ງໄດ້ອອກມະຕິ ຕົກ
ລົງສະບັບ ເລກທີ 58/ຄພກປທ ລົງວັນທີ 7/2/2022 ວ່າດ້ວຍການຮັບຮອງເອົາໜ່ວຍພັກປອດໃສ, ເຂັ້ມແຂງ, ໜັກແໜ້ນທີ່ຂຶ້ນກັບຄະນະພັກຮາກຖານ
ກົມ ວິທະຍາສາດ-ປະຫວັດສາດ ການທະຫານ ປະຈຳປີ 2021 ປະກອບມີໜ່ວຍພັກພະແນກວິທະຍາສາດເຕັກໂນໂລຢີ ແລະ ສິ່ງແວດລ້ອມ, ໜ່ວຍພັກພະ
ແນກປະຫວັດສາດ, ໜ່ວຍພັກພະແນກຍຸດທະສາດ, ໜ່ວຍພັກຂໍ້ມູນ-ຂ່າວສານ, ໜ່ວຍພັກພະແນກການເມືອງ, ໜ່ວຍພັກຫ້ອງການ, ໜ່ວຍພັກພະແນກ
ບໍລິຫານ ແລະ ໜ່ວຍພັກພະແນກການເງິນ ທັງໝົດແມ່ນຮັບຮອງເປັນ ຄັ້ງທີ 3 ໂອກາດນີ້ທ່ານປະທານກອງປະຊຸມໃນນາມເລຂາຄະນະພັກຮາກຖານ ກົມ
ວິທະຍາສາດ-ປະຫວັດສາດ ການທະຫານ ເປັນກຽດມອບນາມມະຍົດ ໃຫ້ບັນດາໜ່ວຍພັກ ພ້ອມທັງໂອ້ລົມຕໍ່ກອງປະຊຸມ ເຊິ່ງສະຫາຍໄດ້ສະແດງຄວາມ
ຍ້ອງຍໍຊົມເຊີຍຕໍ່ຜົນງານ ທີ່ບັນດາໜ່ວຍພັກ ຍາດມາໄດ້ ພ້ອມທັງເນັ້ນໜັກ ໃຫ້ສຶບຕໍ່ຮັກສາມູນເຊື້ອ ແລະ ຜົນງານທີ່ຍາດມາໄດ້ ໃນຊຸມປີຜ່ານມາ ແລະ
ພ້ອມກັນເຊື່ອມຊືມເນື້ອໃນ ກົດລະບຽບຂອງພັກ ໂດຍສະເພາະການກໍ່ສ້າງພັກ-ພະນັກງານ ຕ້ອງເປັນເຈົ້າການ ເປັນເອກະພາບກັນ ໂດຍຜ່ານການດຳເນີນ
ຊີວິດການເມືອງ ຂອງໜ່ວຍພັກ, ຈຸພັກໃຫ້ໄດ້ເປັນປົກກະຕິ ການປັບປຸງແບບແຜນວິທີເຮັດວຽກ ແບບແຜນດຳລົງຊີວິດ ຂອງຄະນະພັກ-ບັນຊາ ຕ້ອງມີ
ຄວາມເປັນເອກະພາບ ແລະ ຮັດກຸມ ເຮັດວຽກເປັນໝູ່ຄະນະ ແບ່ງປັນຄວາມຮັບຜິດຊອບ ໃຫ້ລະອຽດ ຈະແຈ້ງ ຕີຖອຍບັນດາປາກົດຫຍໍ້ທໍ້ ພາຍໃນ ໃຫ້
ໝົດໄປ, ທັງເຮັດທັງສະຫຼຸບຖອດຖອນບົດຮຽນ ຕີລາຄາເປັນ ໃຫ້ປົກກະຕິ ພ້ອມກັນສືບຕໍ່ສູ້ຊົນປະຕິບັດແຜນການ, ປີຕໍ່ໄປ ໃຫ້ບັນລຸຕາມລະດັບຄາດໝາຍ
ທີ່ວ່າງໄວ້.
ແຫຼ່ງທີ່ມາ: ໜັງສືພິມກອງທັບ
ວັນທີ 17/02/2022