ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ຮອງລັດຖະມົນຕີກະຊວງປ້ອງກັນປະເທດ ເຂົ້າຮ່ວມພົບປະສອງຝ່າຍທາງໄກ ກັບ
ຜູ້ບັນຊາການທະຫານສູງສຸດ ແຫ່ງ ຣາຊະອານາຈັກ ກຳປູເຈຍ


     ວັນທີ 9 ທັນວາ 2021 ນີ້, ຄະນະຜູ້ແທນກອງທັບປະຊາຊົນ ລາວ ນຳໂດຍ ສະຫາຍ ພົນຕີ ຈັນທອງ ສອນຕະອາດ ຮອງລັດຖະມົນຕີກະຊວງປ້ອງກັນ
ປະເທດ ວ່າການຫົວໜ້າກົມໃຫຍ່ເສນາທິການກອງທັບ ພ້ອມຄະນະຜູ້ແທນ ຂັ້ນສູງຂອງກະຊວງປ້ອງກັນປະເທດ ແຫ່ງ ສປປ ລາວ ໄດ້ເຂົ້າ ຮ່ວມພົບປະ
ສອງຝ່າຍ ໃນຮູບແບບທາງໄກກັບ ສະຫາຍ ພົນເອກ ວົງປີເຊັນ, ຜູ້ບັນຊາການທະຫານສູງສຸດ ແຫ່ງຣາຊະອານາຈັກກຳປູເຈຍ ທີ່ກະຊວງປ້ອງກັນປະເທດ.

     ໃນກອງປະຊຸມຄັ້ງນີ້, ສອງຝ່າຍໄດ້ແລກປ່ຽນຄໍາຄິດຄໍາເຫັນ ກ່ຽວກັບການພົວພັນຮ່ວມມືທາງດ້ານວຽກງານປ້ອງກັນຊາດ ລະຫວ່າງສອງກອງທັບ ໃນ
ໄລຍະຜ່ານມາ ແລະ ໄດ້ແລກປ່ຽນກ່ຽວກັບ ປະສົບການ ໃນການຮັບມືກັບ ພະຍາດລະບາດໂຄວິດ-19. ນອກຈາກນີ້, ສະຫາຍ ພົນເອກ ວົງປີເຊັນ ຍັງໄດ້
ແຈ້ງໃຫ້ຮູ້ວ່າ: ກອງທັບແຫ່ງຣາຊະອານາຈັກກໍາປູເຈຍ ຈະໄດ້ເປັນເຈົ້າພາບຈັດກອງປະຊຸມຜູ້ບັນຊາການທະຫານສູງສຸດ ອາຊຽນ ຄັ້ງທີ 19 ແລະ ກອງ ປະຊຸມ
ປິ່ນອ້ອມ ໃນປີ 2022 ແລະ ສະຫາຍ ກໍໄດ້ເຊື້ອເຊີນກອງທັບ ປະຊາຊົນລາວ ເຂົ້າຮ່ວມ ໃນບັນດາກອງປະຊຸມດັ່ງກ່າວ.

     ໃນໂອກາດນີ້, ຕາງໜ້າກອງທັບ ປະຊາຊົນລາວ ສະຫາຍ ພົນຕີ ຈັນທອງ ສອນຕະອາດ ໄດ້ສະແດງຄວາມຍິນດີທີ່ກອງທັບແຫ່ງ ຣາຊະອານາຈັກກໍາປູ
ເຈຍ ຈະເປັນ ເຈົ້າພາບ ແລະ ປະທານຈັດກອງປະຊຸມຜູ້ບັນຊາການທະຫານສູງສຸດ ອາຊຽນ ຄັ້ງທີ 19 ແລະ ກອງປະຊຸມປິ່ນອ້ອມ ໃນປີ 2022 ແລະ ຢືນຢັນ
ວ່າກອງທັບປະຊາຊົນລາວ ຈະສະໜັບສະໜູນ ແລະ ຈະເຂົ້າຮ່ວມບັນດາກອງປະຊຸມ ຕາມການເຊື້ອເຊີນ. ນອກຈາກ ນີ້, ສະຫາຍ ພົນຕີ ຈັນທອງ ສອນຕະ
ອາດ ຍັງໄດ້ກ່າວຂອບໃຈ ຕໍ່ຝ່າຍກໍາປູເຈຍ ສໍາລັບການຊ່ວຍເຫຼືອແກ່ ສປປ ລາວ ໃນ ວຽກງານການຮັບມືກັບ ພະຍາດໂຄວິດ-19 ໃນໄລຍະຜ່ານມາ.

ແຫຼ່ງທີ່ມາ: ໜັງສືພິມກອງທັບ
ວັນທີ 13/12/2021