ປາຖະກະຖາວັນສ້າງຕັ້ງກົມວິທະຍາສາດ-ປະຫວັດສາດການທະຫານ ຄົບຮອບ16 ປີ
ພົນຈັດຕະວາ ວຽງໄຊ ສົມວິຈິດ ເປັນປະທານປາຖະກະຖາວັນສ້າງຕັ້ງກົມວິທະຍາສາດ-ປະຫວັດສາດ ການທະຫານ ຄົບຮອບ 16 ປີ
ຕອນເຊົ້າຂອງວັນທີ 10 ມິຖຸນາ 2019 ນີ້, ກົມວິທະຍາສາດ-ປະຫວັດສາດ ການທະຫານ ໄດ້ຈັດປາຖະກະຖາໃນໂອກາດວັນສ້າງຕັ້ງກົມວິທະຍາສາດ-ປະຫວັດສາດ
ການທະຫານ ຄົບຮອບ 16 ປີ ແລະ ສະຫຼຸບຜົນງານຮອບດ້ານໃນ 6 ເດືອນຕົ້ນປີ ແລະ ວາງທິດທາງແຜນການ 6 ເດືອນທ້າຍປີ 2019 ຂຶ້ນ, ໂດຍການເປັນປະທານຂອງ
ສະຫາຍ ພົນຈັດຕະວາ ວຽງໄຊ ສົມວິຈິດ ຫົວໜ້າກົມວິທະຍາສາດ-ປະຫວັດສາດ ການທະຫານ ມີຄະນະພັກ, ຄະນະບັນຊາ, ພະແນກການ ແລະ ພະນັກງານ-ນັກຮົບພາຍ
ໃນກົມເຂົ້າຮ່ວມ.
ສະຫາຍ ພົນຈັດຕະວາ ວຽງໄຊ ສົມວິຈິດ ໄດ້ທົບທວນປະຫວັດມູນເຊື້ອຂອງກົມວິທະຍາສາດ-ປະຫວັດສາດ ການທະຫານ ຕະຫຼອດໄລຍະຜ່ານມາ, ເຊິ່ງກົມໄດ້ກຳ
ເນີດ ແລະ ເຕີບໃຫຍ່ຂະຫຍາຍຕົວມາເປັນເວລາ 16 ປີ ພາຍໃຕ້ການຊີ້ນຳໂດຍກົງຂອງກະຊວງປ້ອງກັນປະເທດໄດ້ເຕີບໃຫຍ່ ແລະ ປ່ຽນແປງຮູບແບບການຈັດຕັ້ງ 3 ຮຸ່ນ
ໃນເບື້ອງຕົ້ນເປັນພຽງພະແນກສະຫຼຸບສົງຄາມບັ້ນຮົບບັ້ນຕີ, ໄລຍະທີສອງມີສອງກົມແຍກຈາກກັນຄື: ກົມວິທະຍາສາດ ການທະຫານ ຂຶ້ນກັບກົມໃຫຍ່ເສນາທິການກອງ
ທັບກັບກົມຄົ້ນຄວ້າປະຫວັດສາດຂຶ້ນກັບກົມໃຫຍ່ການເມືອງກອງທັບ, ມາຮອດວັນທີ 10 ເດືອນມິຖຸນາ 2003 ກະຊວງປ້ອງກັນປະເທດໄດ້ລວມເອົາສອງກົມດັ່ງກ່າວເຂົ້າ
ກັນເປັນກົມດຽວ, ເອີ້ນວ່າ: ກົມວິທະຍາສາດ-ປະຫວັດສາດ ການທະຫານ, ເຊິ່ງປັດຈຸບັນມີອາຍຸຄົບຮອບ16 ປີ (10/6/2003-10/6/2019) ຕະຫຼອດໄລຍະ 16 ປີຜ່ານ
ມາ ໄດ້ເປັນເສນາທິການໃຫ້ກະຊວງປ້ອງກັນປະເທດເຮັດວຽກງານວິທະຍາສາດ-ປະຫວັດສາດ ກອງທັບ.
ໃນໂອກາດນີ້ ຍັງໄດ້ຜ່ານບົດສະຫຼຸບຜົນງານ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2019, ເຊິ່ງຍົກໃຫ້ເຫັນແຕ່ລະໜ້າວຽກທີ່ກົມກອງຍາດມາໄດ້
ໃນ 6 ເດືອນຜ່ານມາ ວຽກປະຫວັດສາດໄດ້ສຳເລັດການປັບປຸງ ແລະ ຈັດພິມປື້ມປະຫວັດສາດກອງທັບ 70 ປີ; ວຽກວິທະຍາສາດສຳເລັດການພິມປື້ມ ແລະ ມອບ-ຮັບ
ປຶ້ມວັດຈະນານຸກົມຄຳສັບການທະຫານລາວໃນກະຊວງປ້ອງກັນປະເທດ, ສຳເລັດກອງປະຊຸມຜ່ານສະພາວິທະຍາສາດຂັ້ນລ່າງ 2 ໂຄງການ: ໂຄງການໂດຼນ (Drone) ຕິດ
ອາວຸດ ແລະ ໂຄງການຫຸ່ນຍົນມອດໄຟ, ດຳເນີນການທົດລອງການຍິງສົ່ງລູກປືນໃຫຍ່ຫັດແອບ 122 T83 ປະເພດລູກປືນຍິງໂຄ້ງ, ເຮັດລູກປືນໃຫຍ່ຫັດແອບປະເພດຍິງ
ໂຄ້ງມອບໃຫ້ວິທະຍາຄານກົມມະດຳ, ໄປຕິດຕັ້ງປືນໃຫຍ່ຈຳລອງຢູ່ກອງພັນຍິງປືນສາກົນ 199, ເຂົ້າຮ່ວມຮັບໃຊ້ວຽກງານໄອທີໃຫ້ກອງປະຊຸມສຳມະນາບັ້ນຮົບປົດປ່ອຍ
ຕົວເມືອງທ່າແຂກ, ວຽກຍຸດທະສາດການທະຫານຮ່ວມມືກັບສະຖາບັນຍຸດທະສາດປ້ອງກັນຊາດ ສສ ຫວຽດນາມ, ຂຽນບົດນິພົນຍ່ອຍ 14 ຫົວຂໍ້, ຈັດຕັ້ງລົງເອົາຂໍ້ມູນ
ກັບກົມກອງອ້ອມຂ້າງຮັບໃຊ້ການຂຽນບົດນິພົນຮ່ວມກັບສະຖາບັນຍຸດທະສາດປ້ອງກັນຊາດ ສສ ຫວຽດນາມ, ວຽກງານຂໍ້ມູນ-ຂ່າວສານ, ວາລະສານ, ສະຫຼຸບຂ່າວປະ
ຈຳອາທິດຮັບໃຊ້ການນຳ, ຜະລິດ ແລະ ຈຳໜ່າຍວາລະສານວິທະຍາສາດ-ປະຫວັດສາດ ການທະຫານ ສະຫຼຸບ ແລະ ເກັບກຳຂໍ້ມູນ-ຂ່າວສານປະຈຳວັນລົງເວັບໄຊ້ກະຊວງ
ປ້ອງກັນປະເທດ ແລະ ອື່ນໆ.