ກອງປະຊຸມໃຫຍ່ ຄັ້ງທີ V ຂອງອົງຄະນະພັກກອງພັນໃຫຍ່ 605 ສຳເລັດຕາມຄາດໝາຍ
ປ່ອນບັດຄັດເລືອກເອົາຄະນະພັກຊຸດໃໝ່ຂອງອົງຄະນະພັກກອງພັນໃຫຍ່ 605
ກອງປະຊຸມໃຫຍ່ຄັ້ງທີ V ຂອງອົງຄະນະພັກກອງພັນໃຫຍ່ 605 ໄດ້ໄຂຂຶ້ນ ແລະ ອັດລົງດ້ວຍຜົນ ສຳເລັດໃນວັນທີ 4 ກໍລະກົດ 2019, ໂດຍການເຂົ້າຮ່ວມຂອງສະ
ຫາຍ ພົນຕີ ປອ ວົງຄຳ ພົມມະກອນ ກຳມະການຄະນະປະຈຳພັກກະຊວງປ້ອງກັນປະເທດ, ຫົວໜ້າກົມໃຫຍ່ພະລາທິການກອງທັບ, ມີສະຫາຍ ພົນຈັດຕະວາ ວໍລະສານ
ວິລັດດາວົງ ກຳມະການຄະນະພັກກະຊວງປ້ອງກັນປະເທດ, ຫົວໜ້າກົມຈັດຕັ້ງພັກ ກົມໃຫຍ່ການເມືອງກອງທັບ, ພ້ອມແຂກທີ່ຖືກເຊີນ ແລະ ຜູ້ແທນສົມບູນເຂົ້າຮ່ວມຢ່າງ
ພ້ອມພຽງ.
ໃນວາລະດຳເນີນກອງປະຊຸມ ສະຫາຍ ພັນເອກ ປະເສີດ ທ່ຽງທຳ ຮອງເລຂາຄະນະພັກ, ຫົວໜ້າການທະຫານກອງພັນໃຫຍ່ 605 ໄດ້ຂຶ້ນຜ່ານບົດລາຍງານການເມືອງ
ທັງ 2 ພາກ ໂດຍໄດ້ຊີ້ໃຫ້ເຫັນວ່າ: ໃນໄລຍະ 5 ປີຜ່ານມາ ອົງຄະນະພັກກອງພັນໃຫຍ່ 605 ໄດ້ເອົາໃຈໃສ່ຊີ້ນຳ-ນຳພາກົມກອງຂອງຕົນໂດຍຖືເອົາວຽກງານສຶກສາອົບຮົມ
ການເມືອງນຳພາແນວຄິດເປັນຫຼັກ, ເຜີຍແຜ່ເຊື່ອມຊຶມແນວທາງນະໂຍບາຍຂອງພັກ, ກົດໝາຍຂອງລັດ ແລະ ມະຕິຄຳສັ່ງຕ່າງໆຂອງກອງທັບ, ເອົາໃຈໃສ່ປັບປຸງກໍ່ສ້າງກົມ
ກອງໃນທຸກດ້ານຕາມ 4 ໜ້າທີ່ໃຫຍ່ 26 ແຜນງານ ທີ່ຄະນະພັກກະຊວງປ້ອງກັນປະເທດວາງອອກ, ເຊິ່ງມີຫຼາຍຂະບວນການທີ່ພົ້ນເດັ່ນ ກົມກອງໄດ້ເຮັດສຳເລັດໜ້າທີ່ຫຼາຍ
ຢ່າງ ເປັນຕົ້ນແມ່ນວຽກງານກໍ່ສ້າງພັກ, ກໍ່ສ້າງພະນັກງານ, ວຽກງານຫັນລົງກໍ່ສ້າງຮາກຖານການເມືອງເຮັດໃຫ້ສະພາບມີຄວາມສະຫງົບ, ການປັບປຸງກໍ່ສ້າງອົງການຈັດຕັ້ງ
ມະຫາຊົນໃຫ້ມີຄວາມເຂັ້ມແຂງ, ຂະບວນການປັບປຸງຮາກຖານ, ໜ່ວຍພັກໃຫ້ປອດໃສ, ເຂັ້ມແຂງ, ໜັກແໜ້ນ, ຂະບວນການເພີ່ມພູນປູກຝັງ-ລ້ຽງສັດ ແລະ ຂະບວນ
ການອື່ນໆຢ່າງຟົດຟື້ນ.
ອົງຄະນະພັກກອງພັນໃຫຍ່ 605 ມີຄະນະພັກຮາກຖານ 7 ສະຫາຍ ແລະ ມີ 1 ໜ່ວຍພັກຮາກຖານ, ມີ 27 ໜ່ວຍພັກທີ່ຂຶ້ນກັບ, ມີສະມາຊິກພັກແຂງ 463 ສະ
ຫາຍ, ກາງ 51 ສະຫາຍ, ໜ່ວຍພັກປອດໃສ, ເຂັ້ມແຂງ, ໜັກແໜ້ນມີ 24 ໜ່ວຍ, ກາງ 4 ໜ່ວຍ, ຮາກຖານພັກແຂງ 3 ໜ່ວຍ, ກາງ 4 ໜ່ວຍ. ຂະຫຍາຍສະມາຊິກພັກ
ໄດ້ 117 ສະຫາຍ, ເລື່ອນສະມາຊິກພັກສຳຮອງຂຶ້ນສົມບູນ 147 ສະຫາຍ. ຈາກນັ້ນ, ຜູ້ແທນໃນກອງປະຊຸມຍັງໄດ້ເປັນເອກະພາບກັບທິດທາງແຜນການໃນ 5 ປີຕໍ່ໜ້າ,
ພ້ອມທັງຍັງໄດ້ປ່ອນບັດຄັດເລືອກເອົາຄະນະພັກຊຸດໃໝ່ ແລະ ຜູ້ແທນສົມບູນ, ສຳຮອງໄປຮ່ວມກອງປະຊຸມໃຫຍ່ຄະນະພັກຂັ້ນເທິງໄດ້ຕາມຄາດໝາຍ ເຊິ່ງກອງປະຊຸມຄັ້ງ
ປະຖົມມະເລີກໄດ້ເລືອກເອົາ ສະຫາຍ ພັນເອກ ຄຳເພົ້າ ອິນທະວົງ ເປັນເລຂາຄະນະພັກອີກສະໄໝໜຶ່ງ, ເລືອກເອົາ ສະຫາຍ ພັນເອກ ປະເສີດ ທ່ຽງທຳ ເປັນຮອງເລຂາພັກ
ແລະ ເລືອກເອົາ ສະຫາຍ ພັນໂທ ບົວຄຳ ສາມາວົງ ເປັນຄະນະປະຈຳພັກ ທັງເປັນປະທານກວດກາພັກ ແລະ ເລືອກເອົາ 6 ສະຫາຍ ເປັນກຳ ມະການພັກເພື່ອຊີ້ນຳ-ນຳພາ
ກົມກອງຂອງຕົນຕໍ່ໄປ.
ໂອກາດນີ້, ສະຫາຍ ພົນຕີ ປອ ວົງຄຳ ພົມມະກອນ ຍັງໄດ້ກ່າວໂອ້ລົມ, ເຊິ່ງສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ອົງຄະນະພັກກອງພັນໃຫຍ່ 605
ຍາດມາໄດ້ໃນໄລຍະຜ່ານມາ, ພ້ອມທັງຮຽກຮ້ອງໃຫ້ຄະນະພັກທຸກຂັ້ນໂດຍສະເພາະແມ່ນຄະນະພັກຊຸດໃໝ່ນີ້, ຈົ່ງຍົກສູງຄວາມຮັບຜິດຊອບຂອງຕົນໃຫ້ດີຂຶ້ນກວ່າເກົ່າ
ເພີ່ມທະວີການຊີ້ນຳ-ນຳພາໃຫ້ແທດເໝາະກັບສະພາບຕົວຈິງ ສິ່ງສຳຄັນຕ້ອງມີຄວາມເປັນເອກະພາບໃນໝູ່ຄະນະເຮັດວຽກແບບລວມສູນ, ປະຊາທິປະໄຕ ແບ່ງໃຫ້ບຸກ
ຄົນຮັບຜິດຊອບ ພ້ອມກັນນຳເອົາຜົນສຳເລັດທິດທາງແຜນການ ແລະ ມະຕິຂອງກອງປະຊຸມໃຫຍ່ຄັ້ງນີ້ໄປຈັດຕັ້ງຜັນຂະຫຍາຍໃຫ້ເປັນອັນລະອຽດ ແລະ ມີຜົນສຳເລັດ
ຕາມລະດັບຄາດໝາຍ.