ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ພົນເອກ ຈັນສະໝອນ ຈັນຍາລາດ ຕ້ອນຮັບ ເອກອັກຄະຣາຊະທູດ ແຫ່ງ ຣາຊະອານາຈັກໄທ


     ໃນ​ວັນ​ທີ 8 ກັນຍາ 2022 ນີ້, ທ່ານ ພົນ​ເອກ ຈັນ​ສະໝອນ ຈັນ​ຍາ​ລາດ ຮອງ​ນາຍົກລັດຖະ ມົນຕີ ລັດຖະມົນຕີກະຊວງ​ປ້ອງ​ກັນ​ປະເທດ ແຫ່ງ ​ສປປ ລາວ ໄດ້​ໃຫ້ການ​ ຕ້ອນຮັບ​ການ​ເຂົ້າ​ຢ້ຽມ​ຂໍ່ານັບ​ອຳ​ລາ​ຂອງ ທ່ານ ເຈດ​ສະດາ ກະ​ຕະ​ເວ​ທິນ ເອກ​ອັກ​ຄະ​ຣາ​ຊະ​ທູດ​ຜູ້​ມີ​ອຳນາດ​ເຕັມແຫ່ງ​ ຣາ​ຊະ​ອານາຈັກ​ໄທ ໃນ​ໂອກາດ​ສິ້ນ​ສຸດ​ວາລະ​ການ​ປະ ຕິບັດ​ໜ້າທີ່​ການ​ທູດ ຢູ່ ​ສປປ ລາວ.

    ໂອກາດ​ນີ້, ທ່ານ ລັດຖະມົນຕີກະຊວງ​ປ້ອງ​ກັນ​ປະເທດ ໄດ້​ຕີ​ລາຄາ​ສູງ​ຕໍ່​ຜົນສຳເລັດ​ໃນ​ການ​ປະຕິ ບັດ​ໜ້າທີ່​ທາງ​ການ​ທູດ​ຂອງ ທ່ານ ເຈດ​ສະ​ດາ ກະ​ຕະ​ເວ​ທິນ ຕະຫຼອດ ​ໄລຍະ​ທີ່​ຜ່ານ​ມາ ເຊິ່ງ​ເປັນ​ການ​ປະ ກອບສ່ວນ​ອັນ​ສຳຄັນ​ເຂົ້າ​ໃນ​ການ​ເພີ່ມ​ທະວີ​ເສີມ​ສ້າງ​ສາຍ​ພົວພັນ​ມິດຕະພາບ​ອັນ​ດີ​ລະຫວ່າງ​ສອງ​ຊາດ ລາວ-ໄທ ໃນ​ຂົງເຂດ​ການ​ຮ່ວມ​ ມື​ດ້ານ​ຕ່າງໆ, ເສີມສ້າງການ​ໄປມາຫາສູ່​ຖານ​ບ້ານ​ໃກ້​ເຮືອນ​ຄຽງ​ທີ່​ດີ​ຕໍ່​ກັນ​ລະຫວ່າງປະຊາຊົນ​ສອງ​ຊາດ​ ລາວ-ໄທ ໃຫ້​ນັບ​ມື້​ແໜ້ນ​ແຟ້ນ​ຍິ່ງໆ​ຂຶ້ນ, ປະກອບສ່ວນ​ສົ່ງເສີມ​ ການ​ພັດທະນາ​ເສດຖະກິດ-ສັງຄົມຂອງ​ສອງ​ປະເທດ​ໃຫ້​ຈະເລີນ​ຮຸ່ງເຮືອງ​ກ້າວ​ຂຶ້ນ​ຢ່າງ​ບໍ່​ຢຸດ​ຢັ້ງ.

     ທ່ານ ເອກ​ອັກ​ຄະ​ຣາ​ຊະ​ທູດ​ໄທ ໄດ້​ສະແດງ​ຄວາມ​ຂອບໃຈ​ເປັນ​ຢ່າງ​ສູງ​ຕໍ່​ການ​ຕ້ອນຮັບຢ່າງ​ອົບ​ອຸ່ນ​ແບບ​ໄມຕີ​ຈິດ​ມິດຕະພາບ​ອັນ​ດີ​ຂອງ ທ່ານ ລັດຖະມົນຕີກະຊວງ​ປ້ອງ ​ກັນ​ປະເທດ​ແຫ່ງ ​ສປປ ລາວ ພ້ອມ​ທັງ​ສະແດງຄວາມຊົມເຊີຍຕໍ່​ສາຍ​ພົວພັນ​ມິດຕະພາບ ແລະ ການ​ຮ່ວມ​ມື​ລະຫວ່າງສອງ​ປະເທດນັບ​ມື້​ໄດ້​ຮັບ​ການ​ເສີມຂະຫຍາຍ​ໃນ​ຫຼາຍ​ ດ້ານ ເພື່ອ​ປະກອບສ່ວນ​ຊຸກຍູ້ສົ່ງເສີມ​ການ​ພົວພັນຮ່ວມ​ມື​ທີ່​ດີງາມລະຫວ່າງລັດຖະບານ ກໍ​ຄືປະຊາຊົນ​ສອງ​ຊາດ ໄທ-ລາວ ໃຫ້​ແໜ້ນ​ແຟ້ນ​ຍິ່ງໆຂຶ້ນ.