ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ສະຫະພັນ​ນັກຮົບ​ເກົ່າ​ແຂວງ​ວຽງ​ຈັນ ສະເຫຼີມສະຫຼອງວັນ​ສ້າງຕັ້ງ​ສະຫະພັນ​ນັກຮົບ​ເກົ່າ​ແຫ່ງ​ຊາດ

     


     ວັນ​ທີ 6 ກັນຍາ 2022 ນີ້, ສະຫະພັນ​ນັກຮົບ​ເກົ່າແຂວງ​ວຽງ​ຈັນ ໄດ້​ຈັດ​ຕັ້ງ​ສະເຫຼີມສະຫຼອງ​ວັນ​ສ້າງຕັ້ງ​ສະຫະພັນ​ນັກຮົບ​ເກົ່າ​ແຫ່ງ​ຊາດ​ລາວ​ຄົບຮອບ 20 ປີ (9 ກັນຍາ 2002-9 ກັນຍາ 2022)ໂດຍ​ການ​ເຂົ້າ​ຮ່ວມ​ເປັນ​ປະທານ​ຂອງ ​ສະຫາຍ ພົນ​ໂທ ແສງ​ນວນ ໄຊ​ຍະ​ລາດ ປະທານ​ສະຫະພັນ​ນັກຮົບ​ເກົ່າ​ແຫ່ງ​ຊາດ​ລາວ, ມີ​ສະຫາຍ ຄຳ​ພັນ ສິດທິ​ດຳ​ພາ ກຳມະການ​ສູນ​ກາງ​ພັກ ເຈົ້າແຂວງແຂວງ​ວຽງ​ຈັນ, ມີ​ບັນດາ​ສະຫາຍ​ກຳມະການ​ຄະນະ​ປະຈຳ​ພັກ​ແຂວງ, ກຳມະການ​ພັກ​ແຂວງ, ພະນັກງານ​ປະຕິວັດ​ອາວຸໂສ​ ບຳນານ, ກຳລັງ​ປ້ອງ​ກັນ​ຊາດ-ປ້ອງ​ກັນ​ຄວາມ​ສະຫງົບ, ພະແນກການ​ອ້ອມ​ຂ້າງ​ແຂວງ ແລະ ອົງການຈັດ​ຕັ້ງ​ມະຫາຊົນເຂົ້າ​ຮ່ວມ.

     ໃນ​ພິທີໄດ້​ຮັບ​ຊົມ​ການສະແດງ​ສິລະ​ປະຂອງ​ໜ່ວຍ​ສິລະ​ປະ​ສະໝັກ​ຫຼິ້ນ​ກອງ​ບັນຊາ​ການ​ທະຫານ​ແຂວງ​ວຽງ​ຈັນ, ເພື່ອ​ເຮັດ​ໃຫ້​ງານ​ສະເຫຼີມສະຫຼອງ​ວັນດັ່ງກ່າວ​ມີ​ບັນຍາ ກາດ​ຟົດຟື້ນ ແລະ ມີ​ເນື້ອ​ໃນ​ຄວາມ​ໝາຍ​ຢ່າງເລິກເຊິ່ງ, ໄດ້​ຮັບ​ຟັງ​ລາຍ​ງານ​ການ​ເຕີບ​ໃຫຍ່​ຂະຫຍາຍຕົວ​ຂອງ​ສະຫະພັນ​ນັກຮົບ​ເກົ່າ​ແຂວງ​ວຽງ​ຈັນ​ໃນ​ໄລຍະ​ຜ່ານ​ມາ, ຈາກ​ ນັ້ນ, ສະຫາຍ ປະທານ​ສະຫະພັນ​ນັກຮົບ​ເກົ່າ​ແຫ່ງ​ຊາດ​ລາວ ໄດ້​ຍົກໃຫ້​ເຫັນ​ມູນເຊື້ອ​ການ​ກຳເນີດເຕີບໃຫຍ່​ຂະຫຍາຍຕົວ, ລວມ​ທັງ​ຜົນງານ​ທີ່​ອົງ​ການຈັດຕັ້ງ​ສະຫະພັນ​ນັກ ຮົບ​ເກົ່າ​ແຫ່ງ​ຊາດ​ລາວ​ຍາດ​ມາ​ໄດ້​ໃນ​ໄລຍະ 20 ປີຜ່ານມາ, ຍົກ​ໃຫ້​ເຫັນ​ຄວາມ​ໝາຍ​ຄວາມ​ສຳຄັນ​ຂອງ​ນັກຮົບ​ເກົ່າ ເຊິ່ງ​ແມ່ນນາຍ​ທະຫານ, ນາຍ​ຕຳຫຼວດກຳລັງ​ປະກອບ​ ອາວຸດ​ທີ່​ພັກຜ່ອນ​ບຳນານ, ບຳ​ເນັດ ແມ່ນ​ຜູ້​ທີ່​ໄດ້​ຜ່ານ​ການ​ປະຕິບັດ​ໜ້າທີ່​ເປັນ​ນັກຮົບ​ປ້ອງ​ກັນ​ຊາດ-ປ້ອງ​ກັນ​ຄວາມ​ສະຫງົບ ແລະ ຜ່ານ​ການ​ທົດ​ສອບ​ໃນ​ແປວໄຟ​ສົງຄາມ ​ແຫ່ງ​ການຕໍ່ສູ້​ກູ້​ຊາດ, ນຳ​ເອົາ​ເອກະລາດ ແລະ ຄວາມ​ຢູ່​ເຢັນ​ເປັນ​ສຸກ​ມາ​ໃຫ້​ປະຊາຊົນ​ລາວ​ບັນດາເຜົ່າ, ເປັນ​ຜູ້​ມີ​ບົດຮຽນ​ໃນ​ການ​ຊີ້​ນຳ-ບັນຊາ​ສູ້​ຮົບ, ການ​ກໍ່ສ້າງ​ຮາກ​ຖານ​ ການເມືອງ, ປຸກລະດົມ​ຂົນຂວາຍ​ປະຊາຊົນ ແລະ ມີ​ຄວາມ​ຊຳນານໃນ​ການ​ປັບປຸງ​ກໍ່ສ້າງ​ກຳລັງ, ເປັນ​ຜູ້​ທີ່​ຊື່ສັດ​ບໍລິສຸດ ແລະ ຈົງ​ຮັກ​ພັກດີ​ຕໍ່​ພັກ, ຕໍ່​ປະເທດ​ຊາດ ແລະ ຕໍ່ປະ ຊາຊົນ, ອັນ​ນີ້​ແມ່ນ​ຈຸດ​ພິເສດອັນ ໂດດ​ເດັ່ນ​ຂອງ​ນັກຮົບ​ເກົ່າ​ແຫ່ງ​ຊາດ​ລາວ, ປັດຈຸບັນສະຫະພັນນັກຮົບ​ເກົ່າ​ມີພາລະ​ບົດບາດ​ເປັນ​ເສນາ​ທິ​ການ​ໃຫ້​ສູນ​ກາງ​ພັກ ແລະ ລັດຖະ ບານ​ໃນ​ການຂົນຂວາຍ​ເຕົ້າໂຮມ, ຈັດ​ຕັ້ງ ແລະ ສຶກສາອົບຮົມ​ນັກຮົບ​ເກົ່າ​ໃຫ້​ປົກປັກຮັກສາ ແລະ ເສີມຂະຫຍາຍ​ທາດແທ້ມູນເຊື້ອ​ປະຕິວັດ, ສຶກສາອົບຮົມ​ລູກ​ຫຼານ​ຮຸ່ນ​ສືບ ​ທອດໃຫ້ປະກອບສ່ວນ​ເຂົ້າ​ໃນ​ການ​ຄຸ້ມ​ຄອງລັດ, ຄຸ້ມ​ຄອງ​ສັງຄົມ, ປົກ​ປັກຮັກສາ ແລະ ພັດທະນາ​ປະ ເທດຊາດ, ມີໜ້າ​ທີ່​ຄົ້ນຄວ້າ​ເຊື່ອມຊຶມ ແລະ ກຳ​ແໜ້ນ​ແນວທາງ​ນະໂຍ ບາຍ​ຂອງ​ພັກ, ກົດໝາຍຂອງລັດເພື່ອຫັນເປັນ​ແຜນ​ງານ, ໂຄງການ​ລະອຽດ ແລະ ຈັດ​ຕັ້ງ​ປະຕິບັດ​ຢ່າງ​ມີ​ປະ​ສິດທິ​ຜົນ, ປະກອບສ່ວນ​ເຂົ້າ​ໃນ​ການ​ກໍ່ສ້າງ​ພັກ, ກໍ່ສ້າງລັດໃຫ້​ ມີຄວາມ​ເຂັ້ມແຂງ, ສ້າງພື້ນຖານ​ປ້ອງ​ກັນ​ຊາດ-ປ້ອງ​ກັນ​ຄວາມສະ ຫງົບທົ່ວ​ປວງ​ຊົນໃຫ້​ໜັກ​ແໜ້ນ, ແນ່ໃສ່​ເພື່ອ​ປົກ​ປ້ອງ​ອຸດົມ​ການ​ຂອງພັກ, ປົກ​ປັກ​ຮັກສາ​ໝາກຜົນ​ຂອງ ​ການ​ປະຕິວັດ ແລະ ລະບອບ​ປະຊາທິປະໄຕ​ປະຊາຊົນ​ລາວ​ໄວ້​ໃຫ້​ໝັ້ນຄົງ.