ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ໂຮງຮຽນທິດສະດີການເມືອງກອງທັບ ເປີດຊຸດອົບຮົມ
ບຳລຸງ-ກໍ່ສ້າງນາຍທະຫານການເມືອງ


     ພິທີ​ເປີດ​ຊຸດ​ອົບຮົມ​ບຳລຸງ-ກໍ່ສ້າງ​ນາຍ​ທະຫານ​ການເມືອງ​ສົກຮຽນ 2022-2023 ຂອງ​ໂຮງ ຮຽນ​ທິດ​ສະ​ດີ​ການເມືອງ​ກອງທັບ ໄດ້​ໄຂ​ຂຶ້ນ​ໃນ​ວັນ​ທີ 1 ກັນຍາ 2022 ນີ , ໂດຍ​ການ​ເປັນ​ປະທານຂອງ​ ສະຫາຍ ພົນ​ໂທ ​ປອ ທອງ​ລອຍ ສີ​ລິ​ວົງ ກຳມະການ​ສູນ​ກາງ​ພັກ, ຮອງ​ລັດຖະມົນຕີ​ກະຊວງ​ປ້ອງ​ກັນ​ປະເທດ, ຫົວໜ້າ​ກົມ​ໃຫຍ່​ການເມືອງ​ກອງ ທັບ, ມີ​ຜູ້ຕາງໜ້າ​ບັນດາ​ກົມ, ຄະນະ​ພັກ-ຄະນະ​ບັນຊາ ໂຮງຮຽນ ແຂກ​ທີ່​ຖືກ​ເຊີນ, ພ້ອມ​ດ້ວຍ ຄູ-ອາຈານ ພະນັກງານ​ຫຼັກ​ແຫຼ່ງ ຕະຫຼອດ​ຮອດ​ນັກ​ສຶກ​ສາ​ທຸກ​ລະບົບ​ໃນ​ທົ່ວ ​ໂຮງຮຽນ​ເຂົ້າ​ຮ່ວມ.

     ສະຫາຍ ພັນ​ເອກ ​ປອ ບຸນ​ທັນ ຈັນທະ​ລີ​ມາ ຮອງ​ຫົວໜ້າການທະຫານ ຫົວໜ້າ​ຫ້ອງ​ອົບຮົມ-ກໍ່ ສ້າງໂຮງຮຽນ​ທິດ​ສະ​ດີ​ການເມືອງກອງທັບ ໄດ້​ຂຶ້ນ​ຜ່ານຂໍ້​ຕົກລົງຂອງ​ກະ ຊວງ​ປ້ອງ​ກັນ​ປະເທດ ວ່າ​ດ້ວຍ​ທີ່​ຕັ້ງ, ພາລະ​ບົດບາດ, ຂອບ​ເຂດ​ສິດ, ໜ້າ​ທີ່ການ​ເຄື່ອນ​ໄຫວຂອງ​ໂຮງຮຽນ​ທິດ​ສະ​ດີ​ການເມືອງ​ກອງ ທັບ ແລະ ຂໍ້​ຕົກລົງ ວ່າ​ດ້ວຍ​ການ​ເປີດ ​ ອົບຮົມ​ບຳລຸງ-ກໍ່ສ້າງ​ນາຍ​ທະຫານ​ກອງທັບ​ປະຊາຊົນ​ລາວ ປະຈຳ​ສົກຮຽນ 2022-2023 ຢູ່​ໂຮງຮຽນ​ທິດ​ສະ​ດີ​ການເມືອງ​ກອງທັບ. ເຊິ່ງ​ໃນ​ການ​ເປີດ​ຊຸດ​ອົບຮົມ​ບຳລຸງ- ກໍ່ ສ້າງ​ໃນ​ຄັ້ງ​ນີ້ ມີ​ນັກຮຽນ 237 ສະຫາຍ, ປະກອບ​ມີ​ທັງ​ໝົດ 9 ເປົ້າ​ໝາຍ​ການ​ຮຽນ​ຄື: ກໍ່ສ້າງ​ປະລິນ ຍາ​ຕີ​ນາຍ​ທະຫານ​ການເມືອງ​ຂັ້ນກອງພັນ​ໃຫຍ່, ກອງ​ພົນ, ລະບົບ 3 ປີ ມີ​ນັກຮຽນ​ຈຳນວນ 25 ສະ ຫາຍ, ກໍ່ສ້າງ​ເລັ່ງ​ລັດອະນຸ​ປະລິນຍາ​ທິດ​ສະ​ດີ​ມາກ-ເລ​ນິນ ລະບົບ 1 ປີ ຈຳນວນ 30 ສະຫາຍ, ກໍ່ສ້າງ​ເລັ່ງລັດນາຍ​ທະຫານ​ການເມືອງ​ຂັ້ນກອງ ພັນ​ໃຫຍ່ ລະບົບ 1 ປີ ຈຳນວນ 15 ສະຫາຍ, ກໍ່ສ້າງ​ເລັ່ງ​ລັດນາຍ​ທະຫານ​ການເມືອງຂັ້ນກອງພັນ​ນ້ອຍ ລະບົບ 1 ປີ ຈຳນວນ 15 ສະຫາຍ, ບຳລຸງທິດ​ສະ​ດີ​ມາກ-ເລ​ນິນ ລະ ບົບ​ຊັ້ນສູງ 5 ເດືອນ ຈຳນວນ 32 ສະຫາຍ, ບຳລຸງ​ວຽກ​ງານ​ປ້ອງ​ກັນພາຍ​ໃນລະບົບ​ຊັ້ນ​ສູງ 5 ເດືອນ ຈຳນວນ 30 ສະຫາຍ, ບຳລຸງ​ວຽກ​ງານ​ໄອ​ຍະ​ການ​ທະຫານ ລະບົບ 03 ເດືອນ ຈຳນວນ 30 ສະ ຫາຍ, ບຳລຸງ​ວຽກ​ງານ​ກໍ່ສ້າງ​ຮາກ​ຖານ​ການເມືອງ ລະບົບ 3 ເດືອນ ຈຳນວນ 30 ສະຫາຍ ແລະ ບຳລຸງ​ວຽກ​ງານ​ຄູ​ການເມືອງ ລະບົບ 3ເດືອນ ຈຳນວນ 30 ສະຫາຍ, ໃນ 09 ເປົ້າ​ໝາຍ​ນີ້​ຈະ​ໄດ້​ແບ່ງ​ອອກ​ເປັນ 2 ຊຸດ​ຮຽນ​ຄື: ຊຸດ​ທີ 1 ມີ 7 ເປົ້າ​ໝາຍ ແລະ ຊຸດ​ທີ 2 ມີ 2 ເປົ້າ​ໝາຍ. ທັງ​ນີ້​ກໍ​ເພື່ອ​ເປັນ​ການ​ຍົກ​ລະດັບ​ ຄວາມ​ຮັບ​ຮູ້ຄວາມ​ເຂົ້າໃຈ​ຕໍ່​ທັດສະນະ, ແນວ​ຄິດ ແລະ ບັນຫາ​ພື້ນຖານ​ທິດ​ສະ​ດີ, ຫຼັກ​ມູນ​ວິທະ ຍາສາດ​ດ້ານ​ຕ່າງໆ​ຂອງ​ລັດທິ​ມາກ-ເລ​ນິນ, ແນວທາງ​ແຜນ​ນະໂຍບາຍ​ ຂອງ​ພັກ, ໃຫ້​ບັນດາ​ພະນັກງານ​ຂັ້ນ​ນຳພາ-ບັນຊາ​ທາງ​ດ້ານ​ການເມືອງ ແລະ ທັງ​ເປັນ​ການ​ຍົກ​ສູງ​ລະດັບ​ທິດ​ສະ​ດີ​ຫຼັກການ​ພື້ນຖານ ການເຄື່ອນໄຫວ​ວຽກ​ງານ​ພັກ​- ວຽກ ງານ​ການເມືອງ, ສ້າງ​ຄວາມ​ເປັນ​ເອກະ​ພາບ​ທາງ​ດ້ານ​ເນື້ອ​ໃນ, ຮູບ​ການ, ບາດກ້າວ ແລະ ວິທີ​ການເຄື່ອນໄຫວ​ວຽກ​ງານ​ການເມືອງ​ຢູ່​ໃນທົ່ວກອງທັບ, ປັບປຸງ​ແບບແຜນ​ວິ ທີ​ນຳພາ-ບັນຊາ, ແບບແຜນດຳລົງຊີວິດ, ເຝິກຝົນ​ຫຼໍ່​ຫຼອມ​ຄຸນສົມບັດ, ສິນ​ທຳ​ປະຕິວັດ, ສະຕິ​ຕື່ນ​ຕົວ​ປະ ຕິບັດ​ຂໍ້​ກຳນົດ, ກົດ​ລະບຽບ ແລະ ກົດໝາຍ​ຂອງ​ລັດ​ໃຫ້​ສູງ​ຂຶ້ນ. ໂອກາດ​ນີ້​, ສະຫາຍ ພົນ​ໂທ ​ປອ ທອງ​ລອຍ ສີ​ລິ​ວົງ ໄດ້​ມີ​ຄຳເຫັນ​ໂອ້​ລົມ ແລະ ເນັ້ນ​ໜັ້ກໃຫ້​ນັກ​ສຶກ​ສາຕ້ອງ​ຕັ້ງໜ້າ​ໃນ​ການ​ຄົ້ນຄວ້າ​ຮໍ່າຮຽນ, ກຳ​ແໜ້ນ​ບົດຮຽນ​ທີ່ຄູ- ອາ ຈານ​ຖ່າຍ​ທອດ​ໃຫ້ ເພື່ອ​ນຳ​​ໄປ​ໝູນ​ໃຊ້​ຢູ່​ໃນ​ກົມກອງຂອງ​ຕົນ​ໃຫ້​ມີຜົນສຳເລັດ ແລະ ພ້ອມ​ກັນ​ອອກແຮງ​ແຂ່ງຂັນ​ກັນ​ຍາດ​ເອົາ​ຄະ ແນນ​ດີ, ຄະແນນ​ເກັ່ງ, ເດັດດ່ຽວ​ຕ້ານ​ຄະ ແນນຫຼຸດ​ຄາດໝາຍ, ອອກແຮງ​ເຝິກຝົນ​ຫຼໍ່​ຫຼອມ​ຕົນ​ເອງ​ທຸກ​ດ້ານ​ໃນ​ມາດຖານ​ເງື່ອນໄຂ​ທີ່​ທາງ​ກະຊວງ​ກໍ່​ຄື​ໂຮງຮຽນ​ວາງ​ອອກ, ເປັນຕົ້ນ​ແມ່ນ​ດ້ານ​ຄຸນສົມບັດ​ສິນ​ທຳ​ປະຕິ ວັດ,ຂໍ້​ກຳນົດ​ກົດ​ລະບຽບ​ຕ່າງໆ​ຂອງ​ກອງທັບ, ເອົາໃຈໃສ່​ຮັກສາ​ຄວາມ​ສາມັກຄີ​ພາຍ​ໃນ ແລະ ພາຍ​ນອກ​ໃຫ້​ດີ, ຕັ້ງໜ້າ​ເຮັດ​ຫຼ້ອນ​ໜ້າທີ່ທີ່​ພັກ-ລັດ ແລະ ການຈັດຕັ້ງ​ຂັ້ນ ​ເທິງ​ມອບ​ໝາຍ​ໃຫ້.