ລົງ​ກວດກາ​ໂຄງການ​ກໍ່ສ້າງ​ອະນຸສາວະລີ​ນັກ​ບິນທະຫານ​ອະ​ດິດສະຫະພາບ​ໂຊ​ຫວຽດ

     ໃນວັນທີ 3 ພະຈິກ ນີ້, ພົນຈັດຕະວາ ຄຳມ່ວນ ເລືອງວັນຫຼ້າ ຮອງຫົວໜ້າ ຫ້ອງວ່າການກະຊວງປ້ອງກັນປະເທດ ພ້ອມດ້ວຍ ຄະນະ ໄດ້ລົງກວດກາ
ໂຄງການກໍ່ສ້າງ ອະນຸສາວະລີນັກບິນທະຫານ ອະດີດສະຫະພາບໂຊວຽດ ຢູ່ບ້ານ ໂພນຄຳ ເມືອງແປກ ແຂວງ ຊຽງຂວາງ.

     ໂດຍປະຕິບັດຕາມຂໍ້ຕົກລົງ ຂອງລັດຖະມົນຕີກະຊວງປ້ອງກັນປະເທດ ອະນຸມັດໃຫ້ ບໍລິສັດ ສຸພັດທອນ ທີ່ປຶກສາ ແລະ ບໍລິການ ຄົບວົງຈອນຈຳກັດ
(SCS) ເປັນຜູ້ຮັບເໝົາກໍ່ສ້າງ ອະນຸສາວະລີ ນັກບິນທະຫານອະດີດສະຫະພາບໂຊວຽດ ຢູ່ນະຄອນຫຼວງວຽງຈັນ ແລະ ຊຽງຂວາງ ໄລຍະການກໍ່ສ້າງໂຄງການ
ດັ່ງກ່າວເລີ່ມ ແຕ່ວັນທີ 5/6/2020 ຫາ 30/10/2020 ລວມໄລຍະການກໍ່ສ້າງ 5 ເດືອນມາຮອດປັດຈຸບັນແມ່ນສຳເລັດ 100% ລວມມູນຄ່າ ການກໍ່ສ້າງ
3.902.036.000 ກີບ.

     ການກໍ່ສ້າງໂຄງການດັ່ງກ່າວໄດ້ແບ່ງອອກເປັນ 4 ຂັ້ນຕອນຄື: 1:ເທເບຕົງເສີມເຫຼັກປູດ້ວຍ ໂຕໜອນ ມີເນື້ອທີ່ທັງໝົດ 540 ຕາແມັດ, 2: ເທເບຕົງ
ເສີມເຫຼັກ ປູດ້ວຍໂຕໜອນມີເນື້ອທີ່ທັງໝົດ 525 ຕາແມັດ, 3: ເທເບຕົງເສີມ ດ້ວຍເຫຼັກປູດ້ວຍກາໂລ ມີເນື້ອທີ່ ທັງໝົດ 100 ຕາແມັດ, 4: ຕິດຕັ້ງ
ແທ່ນອະນຸສາວະລີ, ເທເບຕົງເສີມເຫຼັກຄວາມໜາ 40 ຊັງຕີແມັດ, ກວ້າງ 1,6 ແມັດ ແລະ ສູງ 3,20 ແມັດ ລວມເນື້ອທີ່ກໍ່ສ້າງທັງໝົດ 1.140 ຕາແມັດ
ເຊິ່ງໂຄງການ ດັ່ງກ່າວຈະສຳເລັດໄດ້ກໍຍ້ອນ ຄວາມເອົາໃຈໃສ່ຈາກຄະນະຊີ້ນຳໂຄງການ ແລະ ໄດ້ຮັບການຊ່ວຍເຫຼືອໃນການປະສານວຽກງານໂຄງການຈາກ
ພາກສ່ວນທີ່ ກ່ຽວຂ້ອງເປັນຢ່າງດີ.