ກອງປະຊຸມສ່ອງແສງວຽກງານຮອບດ້ານປະຈຳໄຕມາດ I ປີ 2022

ສະຫາຍ ພົນຕີ ປະສິດ ທ່ຽງທໍາ ຫົວໜ້າກົມໃຫຍ່ເຕັກນິກກອງທັບ ​ເປັນ​ປະທານ

     ວັນທີ 31 ມີນາ 2022 ນີ້, ວິທະຍາຄານເຕັກນິກການທະຫານ ໄດ້ເປັນເຈົ້າພາບຈັດກອງປະຊຸມສ່ອງແສງ ວຽກງານຮອບດ້ານປະຈຳໄຕມາດ I ປີ
2022, ໂດຍການເປັນປະທານຂອງ ສະຫາຍ ພົນຕີ ປະສິດ ທ່ຽງທໍາ ຫົວໜ້າກົມໃຫຍ່ເຕັກນິກກອງທັບ, ມີຄະນະພັກ-ຄະນະບັນຊາ ຈາກ ກອງພັນໃຫຍ່
605, 661, 641, 279, ກົມຄົ້ນຄວ້າສັງລວມຫ້ອງວ່າການກະຊວງ, ຫ້ອງການກົມໃຫຍ່ເສນາທິການກອງທັບ, ຫ້ອງການກົມໃຫຍ່ພະລາທິການກອງ
ທັບ, ຫ້ອງການ ປກຊ-ປກສ ສູນກາງ, ກົມວິທະຍາສາດ-ປະຫວັດສາດ ການທະຫານ, ວິທະຍາຄານການແພດກອງທັບ, ໂຮງຮຽນທິດສະດີການເມືອງກອງ
ທັບ ແລະ ໂຮງໝໍສູນກາງ 103 ກອງທັບ. ພ້ອມດ້ວຍພະນັກງານວິຊາການ ເຂົ້າຮ່ວມ.

     ໃນກອງປະຊຸມແຕ່ລະກົມກອງ ໄດ້ຜັດປ່ຽນກັນລາຍງານສະພາບການຈັດຕັ້ງປະຕິບັດ ຂົງເຂດວຽກງານຮອບດ້ານປະຈໍາໄຕມາດ ຜ່ານມາ, ບົນພື້ນ
ຖານ ການຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ຕິດພັນກັບມະຕິກອງປະຊຸມໃຫຍ່ ຄັ້ງທີ V ຂອງອົງຄະນະພັກກະຊວງປ້ອງກັນປະເທດ
ກໍຄື 4 ໜ້າທີ່ໃຫຍ່ 26 ແຜນງານ ເຂົ້າໃນໜ້າທີ່ວຽກງານຕົວຈິງ ຂອງແຕ່ລະກົມກອງຢ່າງເປັນຮູບປະທຳ, ໄດ້ສຸມໃສ່ວຽກງານປ້ອງກັນຄວາມສະຫງົບ ເຮັດ
ໃຫ້ສະພາບຂອບເຂດກົມກອງຮັບຜິດຊອບ ມີຄວາມສະຫງົບປອດໄພ, ເປັນເຈົ້າການສຶກສາອົບຮົມການເມືອງ-ແນວຄິດ ໃຫ້ພະນັກງານ-ນັກຮົບ ຢ່າງເປັນ
ປົກກະຕິ, ຊຸກຍູ້ຢ່າງແຂງແຮງ ຂະບວນການດ້ານຕ່າງໆ ຕິດພັນກັບການສ້າງກອງວັດທະນະທໍາ, ນັກຮົບວັດທະນະທຳ, ການສ້າງໜ່ວຍພັກ ປອດໃສ ເຂັ້ມ
ແຂງ ໜັກແໜັນ ແລະ ກອງປອດໃສ ປອດໄພ ປອດຄະດີ, ການປັບປຸງກໍ່ສ້າງກົມກອງ ໃຫ້ເປັນລະບຽບຈົບງາມ ແລະ ຊຸກຍູ້ຂະບວນການສ້າງເສດຖະກິດ
ແກ້ໄຂຊິວິດການເປັນຢູ່ ໃຫ້ນັບມື້ດີຂຶ້ນ, ພ້ອມກັນນັ້ນ, ໄດ້ລາຍງານວຽກງານ ທີ່ຈະສຸມໃສ່​ໃນ​ການຈັດຕັ້ງປະຕິບັດ ໃນຕໍ່ໜ້າຕື່ມອີກ.

     ໂອກາດນີ້, ສະຫາຍ ພົນຕີ ປະສິດ ທ່ຽງທຳ ໄດ້ມີຄຳເຫັນຫຼາຍບັນຫາສໍາຄັນ ​ໂດຍສະຫາຍໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນສໍາເລັດທີ່ແຕ່ລະກົມ
ກອງຍາດມາໄດ້ໃນໄຕມາດຜ່ານມາ, ພ້ອມກັນນັ້ນ, ໄດ້ຮຽກຮ້ອງໃຫ້ຄະນະພັກ-ຄະນະບັນຊາ ແຕ່ລະຂັ້ນ ຈົ່ງພ້ອມກັນເອົາໃຈໃສ່ເຮັດວຽກງານສຶກສາອົບ
ຮົມການເມືອງ-ນຳພາແນວຄິດ ໃຫ້ພະນັກງານ-ນັກຮົບ ເປັນປົກກະຕິ, ຈັດຕັ້ງພະນັກງານຫັນລົງກໍ່ສ້າງຮາກຖານການເມືອງແບບມູນເຊື້ອ ເພື່ອກຳແໜ້ນສະ
ພາບການຮອບດ້ານ, ພ້ອມກັນຕ້ານ ​ແລະ ສະກັດກັ້ນ ບັນຫາປະກົດການຫຍໍ້ທໍ້ຕ່າງໆ ເຮັດໃຫ້ສະພາບ ຂອບເຂດ ກົມກອງຮັບຜິດຊອບ ມີຄວາມສະຫງົບ
ປອດໄພ.

ແຫຼ່ງທີ່ມາ: ໜັງສືພິມກອງທັບ
ວັນທີ 05/04/2022