ກົມ ວສ-ປສ ການທະຫານ ຈັດຕັ້ງເຊື່ອມຊຶມຄຳສັ່ງແນະນຳຂອງກະຊວງປ້ອງກັນປະເທດ
ພັນເອກ ວິຊຽນ ສີສະອາດ ເປັນປະທານຈັດຕັ້ງເຊື່ອມຊຶມຄຳສັ່ງແນະນຳຂອງກະຊວງປ້ອງກັນປະເທດ
ໃນວັນທີ 26 ກຸມພາ 2019 ນີ້, ກົມວິທະຍາສາດ-ປະຫວັດສາດ ການທະຫານ ໄດ້ຈັດຕັ້ງເຊື່ອມຊຶມຄຳສັ່ງແນະນຳຂອງກະຊວງປ້ອງກັນປະເທດຂຶ້ນ ໂດຍພາຍໃຕ້ການ
ເປັນປະທານຂອງສະຫາຍ ພັນເອກ ວິຊຽນ ສີສະອາດ ຮອງຫົວໜ້າກົມວິທະຍາສາດ-ປະຫວັດສາດ ການທະຫານ, ມີຄະນະພັກ-ຄະນະບັນຊາ ແລະ ພະນັກ ງານນັກຮົບພາຍ
ໃນກົມເຂົ້າຮ່ວມ.
ເອກະສານທີ່ນຳມາເຊື່ອມຊຶມຄັ້ງນີ້ປະກອບມີ: ຄຳສັ່ງແນະນຳຂອງກົມໃຫຍ່ການເມືອງກອງທັບ ວ່າດ້ວຍການຈັດຕັ້ງເປີດຂະບວນການຮັກຊາດ ແລະ ພັດທະນາປະຈຳປີ
2019, ເອກະສານສ້າງກອງປອດໃສ, ປອດໄພ, ປອດຄະດີ, ການສ້າງກອງວັດທະນະທຳ-ນັກຮົບວັດທະນະທຳ ແລະ ການສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນປະ
ຈຳປີ 2019.
ນອກນີ້ຍັງມີເອກະສານແຈ້ງການຂອງກົມໃຫຍ່ພະລາທິການກອງທັບ ວ່າດ້ວຍການແບ່ງຂັ້ນຄຸ້ມຄອງພາຫະນະຮັບໃຊ້ອາວຸດ ແລະ ນໍ້າມັນເຊື້ອໄຟໃນກອງທັບປະຈຳປີ
2019. ຈຸດປະສົງເພື່ອຈັດຕັ້ງຜັນຂະຫຍາຍໃຫ້ນາຍ ແລະ ພົນທະຫານຢູ່ພາຍໃນກົມກອງໄດ້ເຂົ້າໃຈ ແລະ ຜູ້ເຮັດວຽກງານກ່ຽວຂ້ອງຫັນເປັນແຜນງານລະອຽດ ເພື່ອຈັດຕັ້ງ
ປະຕິບັດໃຫ້ຖືກຕ້ອງ ແລະ ຮັດກຸມ ເຮັດວຽກໃຫ້ມີປະສິດທິພາບມີຄວາມປະຢັດປອດໄພ ແລະ ກວດສອບໄດ້ ພ້ອມທັງເຮັດໃຫ້ກົມກອງມີຂະບວນການຟົດຟື້ນຢ່າງຕໍ່ເນື່ອງ.
ໂອກາດນີ້, ສະຫາຍ ພັນເອກ ວິຊຽນ ສີສະອາດ ກໍໄດ້ສະແດງຄວາມຍ້ອງຍໍຊົມເຊີຍຕໍ່ການຈັດຕັ້ງປະຕິບັດມະຕິຄຳສັ່ງຕ່າງໆຜ່ານມາທີ່ຂັ້ນເທິງມອບໝາຍໃຫ້ ແລະ ຍັງ
ຮຽກຮ້ອງໃຫ້ທຸກສະຫາຍຈົ່ງຕັ້ງໜ້າປະຕິບັດຕາມຂໍ້ກຳນົດກົດລະບຽບທີ່ຂັ້ນເທິງວາງອອກໃຫ້ຢ່າງຖືກຕ້ອງຕະຫຼອດໄປ.