ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ພົນ​ຕີ ຈັນ​ທອງ ສອນ​ຕະ​ອາດ ລົງ​ຊີ້​ນຳ​
ວຽກ​ງານບັ້ນ​ເຝິກຊ້ອມ​ກອບ​ກູ້​ໄພພິບັດ​ຮ່ວມ 3 ກອງທັບ

ວັນ​ທີ 1 ກັນຍາ 2022 ນີ້, ສະຫາຍ ພົນ​ຕີ ຈັນ​ທອງ ສອນ​ຕະ​ອາດ ຮອງ​ລັດຖະມົນຕີ​ກະຊວງ​ປ້ອງ​ກັນ​ປະເທດ ຜູ້​ຊີ້​ນຳ​ລວມ​ວຽກ​ງານ​ການ​ເຝິກຊ້ອມກອບ​ກູ້​ ໄພພິບັດ​ຮ່ວມ 3 ກອງທັບ ໄດ້​ລົງເຄື່ອນ​ໄຫວ​ຊີ້​ນຳ​ວຽກ​ງານ​ປິ່ນ​ອ້ອມໃນ​ບັ້ນ​ເຝິກຊ້ອມ​ໄພພິບັດ ຢູ່​ທີ່ສະໜາມ​ຫັດ​ແອບ, ວິທະຍາຄານ​ພະລາທິການ​ກອງທັບ.
ສະຫາຍ ພົນ​ຕີ ຈັນ​ທອງ ສອນ​ຕະ​ອາດ ໄດ້​ຮັບ​ຊົມຕິດຕາມການ​ເຝິກຊ້ອມ​ຕົວ​ຈິງ, ເຊິ່ງ​ການ​ເຝິກຊ້ອມ​ຄັ້ງ​ນີ້, ເລີ່ມ​ຕົ້ນ​ດ້ວຍ​ລາຍການ​ເຄົາລົບ​ຜູ້​ແທນທາງນ້ຳ ແລະ ອາກາດ, ຕໍ່​ຈາກ​ນັ້ນ ກໍ​ເລີ່ມ​ຕົ້ນ​ເຝິກຊ້ອມ​ໂດຍ​ການ​ຊອກ​ຄົ້ນ​ກອບ​ກູ້​ຜູ້​ປະສົບ​ໄພ​ທີ່​ຈົມ​ຢູ່​ໃຕ້​ນ້ຳ​ດ້ວຍ​ໜ່ວຍ​ຕ້ານ, ກອບ​ກູ້ ແລະ ຍົກຍ້າຍ​ເອົາ​ຜູ້​ທີ່​ຕົກ ​ຄ້າງ​ຢູ່​ບ້ານ​ເຮືອນ ແລະ ເກາະ, ດອນ, ກອບ​ກູ້​ເອົາ​ຜູ້​ທີ່​ຕົກ​ຄ້າງ​ຢູ່​ຕາມ​ຈຸດ​ຕ່າງໆ​ທີ່​ເຮືອ​ເຂົ້າ​ເຖິງ, ຫຼັງ​ຈາກ​ນັ້ນ​ນຳ​ສົ່ງ​ໜ່ວຍ​ຊອກ​ຄົ້ນ​ດ້ວຍ​ເຮືອບິນ​ເຂົ້າ​ໄປ​ເຂດ​ທຸ ລະກັນດານ​ທີ່​ບໍ່​ອາດ​ເຂົ້າ​ໄປ​ດ້ວຍທາງບົກ ແລະ ທາງນ້ຳ, ນຳ​ສົ່ງ​ຄົນ​ເຈັບ​ໜັກດ້ວຍ​ເຮືອ​ບິນ​ໄປ​ໂຮງໝໍ​ແນວ​ຫຼັງ, ໜ່ວຍ​ແພດ​ສຸກ​ເສີນ​ປະ ຖົມພະຍາບານ​ຜູ້​ ບາດເຈັບ​ຢູ່​ທ່າເຮືອ ແລະ ຈັດ​ສົ່ງ​ໄປ​ໂຮງໝໍ​ພາກ​ສະໜາມ. ສ່ວນ​ການ​ກອບ​ກູ້​ທາງບົກ​ແມ່ນ​ໄດ້​ນຳ​ໃຊ້​ກຳລັງ​ຊອກ​ຄົ້ນ​ຜູ້​ປະສົບ​ໄພ​ທີ່​ຖືກ​ຂີ້ຕົມ​ທັບ​ຖົມ​ຈາກ​ກໍລະ ນີ​ທີ່​ຕືກ​ຖະ​ຫຼົ້ມ, ນ້ຳ​ປ່າ​ໄຫຼ​ຫຼາກ ເຊິ່ງ​ເຄື່ອນ​ທັບ​ດ້ວຍ​ໜ່ວຍ​ກູ້​ໄພ ປະສານ​ສົບ​ທົບ​ກັບໜ່ວຍ​ແພດ​ສຸກ​ເສີນ​ປະຖົມພະຍາບານ​ຜູ້​ບາດເຈັບ ແລະ ຈັດ​ສົ່ງ​ໄປ​ໂຮງ ໝໍ​ພາກ​ສະໜາມ​ດ້ວຍ​ລົດ ພ້ອມ​ທັງ, ນຳ​ໃຊ້​ໜ່ວຍ​ກອບ​ກູ້​ເຂົ້າ​ຊ່ວຍເຫຼືອ​ຜູ້​ຖືກ​ສານພິດ, ນຳ​ໃຊ້​ໜ່ວຍ​ເຄ​ມີ​ເຂົ້າ​ໄປ​ກວດກາ​ໃນ​ເຂດ​ທີ່​ສົງໄສ​ວ່າ​ມີ​ສານ​ເຄ​ມີ ຮົ່ວ​ໄຫຼ, ນຳ​ໃຊ້​ຜູ້​ວິເຄາະ​ເຄ​ມີ ວິເຄາະ​ຊອກ​ຫາ​ຊະນິດ​ເຄ​ມີ​ເພື່ອ​ຫາ​ວິທີ​ແກ້​ໄຂ​ໃຫ້​ທັນ​ເວລາ, ນຳ​ໃຊ້​ໜ່ວຍ​ລົບ​ລ້າງ​ປະຕິບັດ​ລົບ​ລ້າງ​ຜູ້​ຖືກ​ສານ​ເຄ​ມີ ແລະ ມອບ ​ສົ່ງ​ໃຫ້​ໜ່ວຍ​ແພດ​ປິ່ນປົວ.
ສະຫາຍ ພົນ​ຕີ ຈັນ​ທອງ ສອນ​ຕະ​ອາດ ຍັງ​ໄດ້​ກ່າວ​ສະ ແດງ​ຄວາມ​ຍ້ອງຍໍ​ຊົມເຊີຍ, ເນັ້ນ​ໜັກ​ຫຼາຍ​ບັນຫາ​ສຳຄັນໃຫ້​ຄະນະ​ຮັບຜິດຊອບ ເພື່ອ​ເຮັດ​ໃຫ້ການ ​ເຝິກຊ້ອມ​ໃນ​ຄັ້ງ​ນີ້, ປະສົບ​ຜົນສຳເລັດ ແລະ ໃຫ້​ຄຳ​ເຫັນ​ຊີ້​ນຳ​ບາງ​ໜ້າ​ວຽກ​ທີ່​ຍັງ​ບໍ່​ທັນ​ສອດຄ່ອງ ໃຫ້​ແຕ່​ລະ​ພາກສ່ວນ​ຮັບຜິດຊອບຮີບ​ຮ້ອນ​ພ້ອມ​ກັນ​ແກ້​ໄຂ ​ ບໍ່​ວ່າຈະ​ເປັນ​ຂອດ​ປະສານ​ງານ​ໃນ​ການ​ພົວພັນ​ຮ່ວມ​ມື, ດ້ານ​ພາຫະນະ​ເຕັກນິກ, ຈຳນວນ​ພົນ​ແຕ່​ລະ​ເຫຼົ່າ​ຮົບ​ຕ້ອງ​ເປັນ​ເຈົ້າ​ການຈັດຕັ້ງ​ປະຕິບັດ​ບັນດາ​ໜ້າ​ ວຽກ​ຂອງ​ຕົນ​ໃຫ້​ສຳເລັດ ແລະ ທ່ວງ​ທັນ​ກັບ​ໄລ ຍະ​ເວລາ​ໃນ​ການ​ເຝິກຊ້ອມ​ກອບ​ກູ້​ໄພພິບັດ​ໃນ​ຄັ້ງ​ນີ້ໃຫ້​ບັນລຸ​ຜົນສຳເລັດ.