ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ຮອງ​ຜູ້​ບັນຊາ​ການ​ທະຫານ​ສູງ​ສຸດກອງທັບ​
ແຫ່ງ​ຣາ​ຊະ​ອານາຈັກ ກຳປູເຈຍ ຢ້ຽມຢາມ ​ສປປ ລາວ

     

     ທ່ານ ພົນ​ໂທ ຮຸນ ມາ​ແນດ ຮອງ​ຜູ້​ບັນຊາ​ການ​ທະຫານ​ສູງ​ສຸດ, ຜູ້​ບັນຊາ​ການ​ທະຫານ​ບົກກອງ ທັບ ແຫ່ງ​ຣາ​ຊະ​ອານາຈັກກຳປູເຈຍ ພ້ອມ​ຄະນະ ໄດ້​ເດີນ ທາງ​ມາ​ຢ້ຽມຢາມ ແລະ ເຮັດ​ວຽກ​ຢູ່ ​ສປປ ລາວ ຢ່າງ​ເປັນ​ທາງການ​ ໃນ​ລະຫວ່າງ​ວັນ​ທີ 29-31 ສິງຫາ 2022 ນີ້, ເຊິ່ງພິທີ​ຕ້ອນຮັບ​ຢ່າງ​ເປັນ​ທາງ​ການ​ໄດ້ ຈັດ​ຂຶ້ນໃນ​ຕອນ​ເຊົ້າ​ຂອງ​ວັນ​ທີ 30 ສິງຫາ 2022 ຢູ່ ທີ່​ກະຊວງ​ປ້ອງ​ກັນ​ປະເທດ ໂດຍ​ໃຫ້ການ​ຕ້ອນຮັບ ຂອງ ທ່ານ ພົນ​ຕີ ຄຳ​ລຽງ ອຸ​ທະໄກສອນ ຮອງ​ລັດ ຖະມົນຕີ​ກະຊວງ​ປ້ອງ​ກັນ​ປະເທດ, ຫົວໜ້າ​ກົມ​ໃຫຍ່​ເສນາ​ທິການ​ກອງທັບ​ປະຊາຊົນ​ລາວ ພ້ອມ​ດ້ວຍ​ຄະນະ.ພາຍຫຼັງ​ສຳເລັດ​ພິທີ​ຕ້ອນຮັບຢ່າງ​ເປັນ​ທາງ​ການ, ສອງ​ຝ່າຍໄດ້​ພົບ​ປະ​ແລກປ່ຽນ​ຕີ​ລາຄາ​ຄືນສະ ພາບ​ວຽກ​ງານ​ດ້ານ​ຕ່າງໆ ທີ່​ໄດ້​ຮ່ວມ​ມື​ກັນ​ຈັດ​ຕັ້ງ​ປະຕິບັດໃນ​ໄລຍະ​ຜ່ານ​ມາບົນ​ພື້ນຖານ​ທີ່​ມີມູນເຊື້ອ​ສາຍ​ພົວ ພັນ​ອັນ​ດີງາມ ລະຫວ່າງສອງ​ຊາດ ກໍ​ຄື ສອງກອງທັບ ລາວ-ກຳປູເຈຍ ເຖິງ​ວ່າ​ຈະ​ພົບ​ຄວາມ​ຫຍຸ້ງ ຍາກ​ແນວໃດ​ກໍ​ຕາມ​ໃນ ​ໄລຍະ​ຜ່ານ​ມາສອງກອງທັບລາວ- ກຳປູເຈຍ, ກຳປູເຈຍ-ລາວ ຍາມ​ໃດກໍ​ມີ​ການ​ເພີ່ມ​ທະວີ​ການ​ຮ່ວມ​ມືເຊິ່ງ​ກັນ ​ແລະ​ ກັນ​ຢ່າງ​ແໜ້ນ​ແຟ້ນ ໂດຍ​ສະເພາະ​ວຽກ​ງານ​ຮັກສາ​ຄວາມ​ສະ ຫງົບ​ຮຽບ​ ຮ້ອຍ​ຕາມ​ຊາຍ​ແດນ ລາວ-ກຳປູເຈຍ, ກຳປູເຈຍ-ລາວ ສອງ​ຝ່າຍ​ເຫັນ​ດີ​ເປັນ​ເອກະ​ພາບ​ເພີ່ມ​ທະວີ​ການ​ພົວພັນ​ຮ່ວມມືຊ່ວຍເຫຼືອ​ເຊິ່ງ​ກັນ ແລະ ກັນ,ການ ​ແລກປ່ຽນ​ຄະນະ​ຜູ້​ແທນ​ຂອງ​ທັງ​ສອງ​ຝ່າຍ ແລະ ການ​ພົວພັນ​ຮ່ວມ​ມື​ທາງ​ດ້ານການ​ພັດທະນາ​ເສດຖະກິດ​ລະຫວ່າງກອງທັບ​ປະຊາຊົນ​ລາວ ແລະ ກອງທັບ​ຣາ ​ຊະ​ອານາຈັກ ກຳປູເຈຍ , ໂດຍ​ສະເພາະ ການ​ຮ່ວມ​ມື​ຮັກສາ​ຄວາມ​ສະຫງົບ​ຮຽບ​ຮ້ອຍ​ຕາມ​ຊາຍ​ແດນ ລາວ-ກຳປູເຈຍ, ກຳປູເຈຍ-ລາວ ສ້າງ​ໃຫ້​ສະພາບ​ໃນ ຂອບ​ເຂດ​ເສັ້ນ​ຊາຍ​ແດນ​ມີ​ຄວາມສະ ຫງົບ​ສຸກ​ໂດຍ​ພື້ນຖານ. ນອກຈາກ​ນັ້ນ, ສອງ​ຝ່າຍຍັງ​ເຫັນ​ດີເປັນ​ເອກະ​ພາບ​ສືບຕໍ່​ຮ່ວມ​ມື​ໃນວຽກ​ງານ​ດ້ານ​ການ​ຊ່ວຍ ເຫຼືອມະນຸດສະທຳ, ການ​ຕ້ານ​ໄພພິບັດ​ທາງ​ທຳ​ມະ​ຊາດ, ແລກປ່ຽນ​ເຝິກຊ້ອມ​ໄພພິບັດ 3 ກອງທັບ ລາວ-ກຳປູເຈຍ-ຫວຽດນາມ, ແກ້​ໄຂ​ບັນຫາ​ຢາ​ເສບ​ຕິດ, ອາດຊະຍາ​ກຳ​ຂ້າມ​ຊາດ ລວມ​ທັງ​ບັນຫາ​ອື່ນໆທີ່​ສອງ​ຝ່າຍ​ໄດ້​ສ້າງ​ກົນ​ໄກ​ຮ່ວມ​ກັນ.ໃນ​ໂອກາດ​ເດີນທາງ​ມາຢ້ຽມຢາມ​ມິດຕະພາບ ຢູ່ ​ສປປ ລາວ ໃນ​ຄັ້ງ​ນີ້, ທ່ານຮອງ​ຜູ້​ບັນຊາ​ການ​ທະຫານ​ສູງ​ສຸດ ແຫ່ງຣາ​ຊະ​ອານາຈັກ​ ກຳປູເຈຍ ພ້ອມ​ດ້ວຍ​ຄະນະ ຍກສະອ)ຝິເາິຍັງ​ໄດ້ເຂົ້າ​ວາງ​ພວງມາລາ​ຢູ່​ອະນຸ​ສາ ວະລີ​ນັກຮົບ​ນິລະນາມ (ດາວ ແດງ) ແລະ ທ່ຽວ​ຊົມ​ບັນດາ​ສະຖານ​ທີ່​ທ່ອງ​ທ່ຽວທາງ​ປະວັດ​ສາດ ແລະ ວັດທະນະທຳຈຳນວນໜຶ່ງ​ຢູ່​ນະຄອນຫຼວງ​ວຽງ​ຈັນ.