ຂໍ້ມູນຂອງໂຮງງານເຂົ້າແຫ້ງກອງທັບ
ຄະນະພັກ-ຄະນະບັນຊາ ໂຮງງານເຂົ້າແຫ້ງກອງທັບ
1. ໂຮງງານຜະລິດເຂົ້າແຫ້ງກອງທັບໄດ້ສ້າງຕັ້ງຂື້ນໃນວັນທີ່ 5 ເດືອນ 2 ປີ 1972, ຢູ່ທີ່ບ້ານ ນາແທ່ນ, ເມືອງວຽງໄຊ, ແຂວງຫົວພັນ, ໂດຍຢູ່ພາຍ
ໃຕ້ການຊີ້ນຳ-ນຳພາຂອງຫ້ອງພະລາໃນເມືອກ່ອນ, ຕົກມາຮອດປີ 1974 – 1976 ໄດ້ຍົກຍ້າຍມາຢູ່ ບ້ານວຽງ,ເມືອງແປກ,ແຂວງ ຊຽງຂວາງ ແລະ
ປະຈຸບັນຕັ້ງຢູ່:ບ້ານ ທ່າພະລານໄຊ, ເມືອງສີສັດຕະນາກ, ແຂວງນະຄອນຫຼວງວຽງຈັນ, ນັບຕັ້ງແຕ່ວັນທີ່ 5 ເດືອນ 5 ປີ 1976, ໂດຍພາຍໃຕ້ການຊີ້
ນຳ-ນຳພາຈາກກົມໃຫຍ່ພະລາທິການກອງທັບ.
2. ໂຮງງານຜະລິດເຂົ້າແຫ້ງໃນເບື້ອງຕົ້ນແມ່ນມີບົດບາດແລະໜ້າທີ່ຜະລິດເຂົ້າໜົມປັງ, ເສັ້ນໝີ່ເຫຼືອງ, ສີເຂົ້າຮັບໃຊ້ໃຫ້ແກ່ແນວໜ້າ ແລະລຽ້ງດູ
ຊາວອົບພະຍົບ,ຈຳນວນໜຶ່ງກໍ່ໄດ້ຂາຍເຂົ້າຮ້ານຄ້າເພື່ອຮັບໃຊ້ສັງຄົມທົ່ວໄປ, ຈົນມາເຖິງປີ 1992 ແມ່ນໄດ້ຫັນ ປ່ຽນມາຜະລິດແຕ່ເຂົ້າແຫ້ງເພື່ອຮັບ
ໃຊ້ໃຫ້ແກ່ກອງທັບໂດຍສະເພາະແມ່ນຮັບໃຊ້ໃຫ້ບັນດາກົມກອງທີ່ເຄື່ອນໄຫວຢູ່ເຂດຫ່າງໄກສອກຫລີກ, ທຸລະກັນດານຈົນເຖິງປັດຈຸບັນ.
II. ໂຄງຮ່າງການຈັດຕັ້ງໃນແຕ່ລະໄລຍະ.
III. ວຽກງານວິຊາສະເພາະ(ສະເພາະປີ2015-2016)
1. ວຽກງານວິຊາສະເພາະຕົ້ນຕໍຂອງພວກເຮົາແມ່ນຜະລິດເຂົ້າແຫ້ງຮັບໃຊ້ໃຫ້ແກ່ດ້ານລົບ ແລະຜະລິດເສັ້ນເຝີຊຽງຂວາງເປັນວຽກເສີມໃນເວລາທີ່
ບໍ່ໄດ້ຜະລິດເຂົ້າແຫ້ງ.
2. ສ່ວນບ່ອນຈຳໜາຍຂອງພວກເຮົາໂດຍສະເພາະເຂົ້າແຫ້ງແມ່ນພວກເຮົາສົ່ງສະເພາະໃຫ້ແກ່ກອງທັບກໍ່ຄືດ້ານລົບທີ່ເຮັດວຽກຢູ່ເຂດຫ່າງໄກສອກ
ຫຼີກ, ທຸລະກັນດານ, ປີໜຶງສົ່ງຈຳນວນ: 10,000 kg – 15,000 kg/ປີ ແລະສ່ວນເສັ້ນເຝີແມ່ນພວກເຮົາໄດ້ຈຳໜ່າຍທົວໄປ ແລະສົ່ງໃຫ້
ຕະ
ຫຼາດໃນແຕ່ລະວັນເພື່ອເປັນການຫາລາຍໄດ້
IV. ວຽກງານການຜະລິດ
ໃນໄລຍະຜ່ານມາພວກເຮົາກໍ່ໄດ້ເອົາໃຈໃສ່ຜະລິດຕາມທິດຊີ້ນຳຂອງອົງຄະນະພັກກກົມໃຫຍ່ພະລາກໍ່ຄືກົມອຸປະໂພກ-ບໍລິໂພກໃນການທຳການ
ຜະລິດຢູ່ໃນກົມກອງພວກເຮົາໂດຍສະເພາະແມ່ນການຜະລິດເຂົ້າແຫ້ງເຊິ່ງມັນເປັນໜ້າທີ່ວຽກງານຕົ້ນຕໍຂອງກົມກອງພວກເຮົາໃນໄລຍະຜ່ານມາ
ພວກເຮົາສາມາດຜະລິດເຂົ້າແຫ້ງໄດ້ຈຳນວນທັງໝົດ 15,213 ກິໂລ, ໄດ້ລື່ນຄາດໝາຍຂອງແຜນການປະຈຳປີ
ການລ້າງ ແລະ ມ່າເຂົ້າເພື່ອກະກຽມເຂົ້າໝໍ້ຫຸງເຂົ້າທັນສະໄໝ
ເຂົ້າທີ່ມ່າແລ້ວມາເຂົ້າໝໍ້ໜຶ້ງໃຫ້ສຸກ ແລ້ວຈຶ່ງຜ່ານຂັ້ນຕອນຕໍ່ໄປ
ເຂົ້າທີ່ຜ່ານການໜຶ້ງແລ້ວມາວີໃຫ້ເຢັນແລ້ວເຮັດເປັນກ້ອນເພື່ອກຽມຕາກແຫ້ງ
ເຮັດເປັນກ້ອນແລ້ວໃສ່ຖາດຕາກແດດໃຫ້ແຫ້ງ
ຕາກເຂົ້າແຫ້ງເພື່ອຜ່ານກຳມະວິທີຕໍ່ໄປ
ການໃຊ້ແກບເພື່ອກັ່ນເປັນລະບົບອາຍນ້ຳສູນຍາກາດເພື່ອຊ່ວຍໃນການ ຫຸງ-ຕົ້ມ
ການລຳລຽງເຂົ້າແຫ້ງທີ່ຕາກແລ້ວນຳເຂົ້າໃສ່ໝໍ້ອົບໃຫ້ໄດ້ຕາມອຸນນະພູມມາດຕະຖານ
ເຂົ້າແຫ້ງທີ່ຜ່ານການອົບແລ້ວປ່ອຍໃຫ້ເຢັນນຳມາຫໍ່ໃສ່ຖົງ
ເຂົ້າແຫ້ງສຳເລັດຮູບໃສ່ເປົາຊັ່ງເພື່ອກຽມສົ່ງອອກສະໜາມ
v. ວຽກງານຫາລາຍໄດ້:
ໂດຍຖືເອົາການເຊື່ອມຊຶມແນວທາງນະໂຍບາຍຂອງພັກ, ຕາມທິດເພິ່ງຕົນເອງກຸ້ມຕົນເອງ, ສ້າງຄວາມເຂັ້ມແຂງດ້ວຍຕົນເອງພະນັກງານນັກ
ຮົບຢູ່ໃນກົມກອງພວກເຮົາໃນໄລຍະຜ່ານມາແມ່ນໄດ້ຖືເອົາການຕ່ຳຫູກທໍໄໝ, ເພີ່ມພູນປູກຝັງລ້ຽງສັດຕາມເງື່ອນໄຂສະພາບແວດລ້ອມຕົວຈິງຂອງ
ໃຜລາວ ເພື່ອ
ເປັນການຫາລາຍໄດ້ແກ້ໄຂຊີວິດການເປັນຢູ່ໃຫ້ນັບມື້ນັບດີຂື້ນ. ນອກຈາກນີ້ແລ້ວພວກເຮົາກໍ່ຍັງໄດ້ຫາລາຍໄດ້ເຂົ້າໃນກົມກອງໂດຍ
ຖືເອົາການຜະລິດເຂົ້າຊອຍ ແລະເສັ້ນເຝີຊຽງຂວາງອອກຈຳໜາຍພາຍໃນກອງທັບ ແລະທ້ອງຕະຫຼາດໄດ້ຈຳນວນ 4,552 ກິໂລ=34,090,000
ກີບ, ເປັນກຳໄລ 16,336,00 ກີບ
ນອກຈາກການຜະລິດເຂົ້າແຫ້ງຮັບໃຊ້ກອງທັບແລ້ວ, ພວກເຮົາກໍ່ຍັງຈັດຕັ້ງໃຫ້ອ້າຍນ້ອງຂາຍເຄື່ອງຍ່ອຍຕື່ມເຊັ່ນ: ເຂົ້າຊອຍ, ເຝີຊຽງຂວາງ.....
ເພື່ອສ້າງລາຍຮັບໃຫ້ກົມກອງເປັນຈຳນວນ 3,578,000 ກີບ.
ກ. ການຜະລິດເສັ້ນເຝີຊຽງຂວາງ:
ນຳເຂົ້າມາຕົ້ມໃຫ້ໄດ້ຕາມທີ່ໄດ້ກຳນົດໄວ້
ນຳເຂົ້າທີ່ຕົ້ມແລ້ວນັ້ນມາກິ້ງໃຫ້ເປັນແຜ່ນໃສ່ແຕະເພື່ອກຽມຕາກແດດ
ຕາກເຝີແຜ່ນໃຫ້ແຫ້ງກຽມເຂົ້າໂຮງຊອບ
ເຝີແຜ່ນທີ່ຕາກແຫ້ງໄດ້ຕາມມາດຕະຖານແລ້ວມາເຂົ້າໂຮງຊອຍຜະລິດ ເສັ້ນເຝີຊຽງຂວາງ
ພ້ອມນັ້ນສາມອົງການຈັດຕັ້ງມະຫາຊົນເຊັ່ນຊາວໜຸ່ມ, ແມ່ຍິງ, ກຳມະບານ ກໍ່ຍັງໄດ້ພ້ອມກັນເອົາໃຈໃສ່ຫາລາຍໄດ້ຕາມເງື່ອນໄຂໃນປີຜ່ານມາ.
ສາມອົງຈັດຕັ້ງມະຫາຊົນສາມາດຫາລາຍໄດ້ຈຳນວນ : 5,538,000 ກີບ, ສະຫຼຸບລວມແລ້ວໃນປີຜ່ານມາພວກເຮົາສາມາດຫາລາຍໄດ້ຈາກດ້ານ
ຕ່າງໆລວມເປັນເງິນທັງໝົດ: 25,452,000 ກີບ.ຄິດສະເລ່ຍຫົວຄົນໜຶ່ງໄດ້ຮັບ: 900,000 ກີບ/ຄົນ/ປີ.ຖືວ່າໄດ້ຕາມແຜນການຂອງກົມໃຫຍ່
ພະລາທິການໄດ້ກຳນົດອອກ.
ນອກຈາກນັ້ນແລ້ວພວກເຮົາກໍ່ຍັງມີກອງທຶນຊ່ວຍເຫຼືອເຊິງກັນ ແລະກັນເຊິ່ງປະຈຸບັນກອງທຶນຂອງພວກເຮົາມີສະມາຊິກກອງທຶນທັງໝົດ 24
ສະຫາຍ, ແຕ່ລະສະຫາຍຕ້ອງເສຍເງິນເຂົ້າກອງທຶນ 3000ກີບ/ຄົນ/ເດືອນ. ເຊິງປະຈຸບັນພວກເຮົາສາມາດສ້າງກອງທຶນໄດ້ 13,371,000 ກີບ.
ຂ. ການຜະລິດເຂົ້າຊອຍ:
ການໂມ້ເຂົ້າເພື່ອກຽມຜະລິດເຂົ້າຊອຍ
ຫຼັງຈາກຕົ້ມແລ້ວເຂົ້າໂຮງອັດແຜ່ນເຂົ້າຊອຍແລ້ວນຳມາໃຫ້ເປັນເຂົ້າຊອຍສຳເລັດຮູບ
ເຂົ້າຊອຍທີ່ສຳເລັດຮູບກຽມຫໍ່ໃສ່ຖົງເພື່ອຈຳໜ່າຍທ້ອງຕະຫຼາດ
ຂາຍເຄື່ອງຍ່ອຍຫາລາຍໄດ້ເຂົ້າກົມກອງ
VI. ວຽກງານປິ່ນອອ້ມ (ສະເພາະປີ 2015-2016)
1. ວຽກງານຂະບວນກິລາສີລະປະວັນນະຄະດີ.
ໄລຍະຜ່ານມາດ້ານວຽກງານຂະບວນການກິລາ ແລະສີລະປະວັນນະຄະດີພວກເຮົາກໍ່ໄດ້ເອົາໃຈໃສ່ສ້າງຂະບວນການຕ່າງໆເຊັນ: ຂະບວນການ
ກິລາສີລະປະວັນນະຄະດີ ແລະຂະບວນການອອກແຮງງານຕ່າງໆ, ພວກເຮົາກໍ່ໄດ້ເອົາໃຈໃສ່ເຄື່ອນໄຫວຢ່າງແຂງແຮງໂດຍສະເພາະແມ່ນຂະບວນການ
ກິລາພວກເຮົາກໍ່ໄດ້ເອົາໃຈໃສ່ເຄື່ອນໄຫວຢູ່ທັງພາຍໃນ ແລະພາຍນອກໄດ້ຢ່າງເປັນປົກກະຕິ ແລະໃນແຕ່ລະເດືອນພວກເຮົາກໍ່ໄດ້ສ້າງຂະບວນການ
ແຂ່ງຂັນເຕະບານມິດຕະພາບກັບ ປກສ ກຸ່ມວັດນາກ 1 ຄັ້ງ/ເດືອນ, ພ້ອມກັນນັ້ນພວກເຮົາກໍ່ໄດ້ເຂົ້າຮ່ວມການແຂ່ງຂັນທີ່ກົມໃຫຍ່ພະລາຈັດຂື້ນ
ທຸກຄັ້ງ ແລະ
ສາມາດຍາດມາໄດ້ລາງວັນທີ່ 2 /1ຄັ້ງ,ລາງວັນທີ່ 2 ປະເພດຍິງ1 ຄັ້ງ.
ການອອກກຳລັງກາຍເພື່ອສຸຂະພາບຂອງສະຫະພັນແມ່ຍິງກົມໃຫຍ່ພະລາທິການກອງທັບຕ້ອນຮັບວັນແມ່ຍິງສາກົນ
ຢູ່ ເດີ່ນກົມໃຫຍ່ພະລາທິການກອງທັບ ຄັ້ງວັນທີ 27/02/2016
ຖັນແຖວຂອງແຕ່ລະກົມກອງຜະລິດໃນເວລາເປີດພິທີແຂ່ງຂັນກິລາກຳມະບານ ທົ່ວກອງທັບ
ຕ້ອນຮັບວັນຊາດທີ 2 ທັນວາ ຄົບຮອບ 40 ປີ ( 1975-2015 )
ນັກກິລາໂຮງງານເຂົ້າແຫ້ງກອງທັບເຂົ້າຮ່ວມແຂ່ງຂັນກິລາກຳມະບານ ທົ່ວກອງທັບ
ຕ້ອນຮັບວັນຊາດທີ 2 ທັນວາ ຄົບຮອບ 40 ປີ ( 1975-2015 )
ນັກກິລາບານຕີຊາຍ ໄດ້ລາງວັນທີ 2 ແລະ ບານຕີຍິງໄດ້ລາງວັນທີ 2 ໃນການເຂົ້າຮ່ວມແຂ່ງຂັນກິລາ
ກຳມະບານ ທົ່ວກອງທັບ ຕ້ອນຮັບວັນຊາດທີ 2 ທັນວາ ຄົບຮອບ 40 ປີ ( 1975-2015 )
ໃນວັນທີ 25/04/2014 ເຊິ່ງຈັດຂຶ້ນຢູ່ ກົມໃຫຍ່ພະລາທິການກອງທັບ ກະຊວງປ້ອງກັນປະເທດ
VII. ຜົນງານການຍ້ອງຕ່າງໆ.
ຍ້ອງຍໍຜົນງານ 5 ປີ ພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ
- ໄດ້ຮັບຮອງເປັນກົມກອງຮາກຖານເຂັ້ມແຂງ-ໜ່ວຍພັກຮູ້ນຳພາຮອບດ້ານ 2 ສະໄໝຕິດຕໍ່ກັນ.
- ໄດ້ຮັບໃບຍ້ອງຍໍຈາກລັດທະບານຈຳນວນ 2 ໃບ.
- ໄດ້ຮັບໃບຍ້ອງຍໍຈາກກະຊວງປ້ອງກັນປະເທດຈຳນວນ 5 ໃບ.
- ໄດ້ຮັບໃບຍ້ອງຍໍຈາກກົມໃຫຍ່ການເມືອງກະຊວງປ້ອງກັນປະເທດຈຳນວນ 8 ໃບ.