ໂຮງຮຽນ 303 ເປີດກອງປະຊຸມສ່ອງແສງວຽກງານພັກ-ວຽກງານການເມືອງທົ່ວ
ກົມໃຫຍ່ເສນາທິການກອງທັບ
ກອງປະຊຸມສ່ອງແສງວຽກງານພັກ-ວຽກງານການເມືອງຂອງບັນດາກົມກອງທີ່ຂຶ້ນກັບກົມໃຫຍ່ເສນາທິການກອງທັບ ໄດ້ຈັດຂຶ້ນໃນວັນທີ 11 ເມສາ 2016 ທີ່ຜ່ານມານີ້, ຢູ່ທີ່ໂຮງຮຽນ 303 ໂດຍການເປັນປະທານໂດຍ ພັນເອກ ບົວວັນ ບຸດທະຈັນໂທ ຄະນະພັກອົງການກົມໃຫຍ່ເສນາ ຫົວໜ້າກົມລົດ
ຕັງ, ມີຄະນະພັກ-ຄະນະບັນຊາ ບັນດາກົມກອງທີ່ຂຶ້ນກັບກົມໃຫຍ່ເສນາເຂົ້າຮ່ວມ ພ້ອມດ້ວຍພະນັກງານວິຊາການ, ພະນັກງານທີ່ກ່ຽວຂ້ອງເຂົ້າຮ່ວມ.
ກອງປະຊຸມສ່ອງແສງວຽກງານພັກ-ວຽກງານການເມືອງທົ່ວກົມໃຫຍ່ເສນາທິການ
ໂອກາດດັ່ງກ່າວຄະນະພັກ-ໜ່ວຍພັກ ບັນດາກົມກອງກໍໄດ້ຜັດປ່ຽນກັນຂຶ້ນປະກອບຄຳຄິດເຫັນເຊິ່ງໃນນັ້ນແຕ່ລະພາກສ່ວນກໍໄດ້ລາຍງານຄືນສະພາບ
ການທີ່ພົນເດັ່ນໃນ 1 ເດືອນຜ່ານມາ ໃນຂອບເຂດຮັບຜິດຊອບຈາກບັນຫາສະພາບດັ່ງກ່າວແຕ່ລະກົມກອງຍັງໄດ້ຕີລາຄາຄືນການເຄື່ອນໄຫວຊີ້ນໍາ-ນຳພາ
ກົມກອງຂອງຕົນປະຕິບັດບັນດາວຽກງານດ້ານຕ່າງໆ ໂດຍສຸມໃສ່ວຽກງານທາງ 3 ດ້ານເປັນຕົ້ນແມ່ນ: 1 ວຽກງານເຮັດໃຫ້ສະພາບມີຄວາມສະຫງົບ, 2 ວຽກງານປັບປຸງກໍ່ສ້າງກໍາລັງ, 3 ວຽກງານຄຸ້ມຄອງແກ້ໄຂຊີວິດການເປັນຢູ່ຂອງກົມກອງ, ຈາກນັ້ນບັນດາກົມກອງຮາກຖານຍັງ ໄດ້ມີການວາງແຜນໃນຕໍ່
ໜ້າຢ່າງມີຈຸດສຸມຄາດໝາຍ.