ອີຣານ ປະສົບຜົນສຳເລັດການຍິງທົດລອງລູກສອນໄຟໄລຍະກາງລຸ້ນໃໝ່
ສຳນັກຂ່າວ ເຈນ ລາຍງານໂດຍອ້າງຂໍ້ມູນຈາກແຫຼ່ງຂ່າວ IRNA ຂອງອີຣານ ໂດຍໃຫ້ຮູ້ວ່າ: ກະຊວງປ້ອງກັນປະເທດອີຣານ
ໄດ້ຖະແຫຼງກ່ຽວກັບຜົນສຳ
ເລັດການຍິງທົດລອງລູກສອນໄຟໄລຍະກາງລຸ້ນໃໝ່ ໂດຍການທົດລອງມີຂຶ້ນໃນວັນທີ 22 ກັນຍາ ທີ່ຜ່ານມາ
ໃນລະຫວ່າງການເດີນສວນສະໜາມປະຈຳ
ປີຂອງກຳລັງປ້ອງກັນຊາດອີຣານ ເພື່ອລະນຶກເຖິງສົງຄາມ ອີຣານ-ອີຣັກ ໄລຍະປີ 1980-1988. ລູກສອນໄຟດັ່ງກ່າວ ມີຊື່ຢ່າງເປັນທາງການວ່າ: Rezvan,
ທີມີໄລຍະຍິງໄກ 1.400 ກິໂລແມັດ ແລະ ຍັງເປັນລູກສອນໄຟທີ່ມີຄວາມແມ່ນຢຳສູງໃນການທຳລາຍເປົ້າໝາຍ.
ເຈົ້າໜ້າທີ່ລະດັບສູງຂອງກອງກຳລັງອິດ
ສະລາມອີຣານ ກ່າວວ່າ, ການພັດທະນາ ແລະ ຍິງທົດລອງລູກສອນໄຟໃນຄັ້ງນີ້ ແມ່ນເປັນໄປຕາມແຜນການຂອງກະຊວງປ້ອງກັນປະເທດວາງອອກ,
ເຊິ່ງສະ
ແດງໃຫ້ເຫັນເຖິງແສນຍານນຸພາບຂອງກອງທັບທີ່ມີຄວາມເຂັ້ມແຂງ ແລະ ທັນສະໄໝຂຶ້ນຕື່ມ.
ນອກຈາກລູກສອນໄຟດັ່ງກ່າວ ອີຣານ ຍັງໄດ້ນຳເອົາລູກສອນໄຟປະເພດຕ່າງໆມາສະແດງໃນພິທີເດີນສວນສະໜາມຄັ້ງນີ້ອີກດ້ວຍເປັນຕົ້ນແມ່ນ: ລູກ ສອນໄຟ "Emad-3" ແລະ ລູກສອນໄຟ “Kheibar Shekan” ເຊິ່ງລູກສອນໄຟທັງສອງຊະນິດນີ້ ມີໄລຍະຍິງໄກເຖິງ 1.450 ກິໂລ ແມັດ, ເປັນລູກສອນ ໄຟໄລຍະໄກລຸ້ນທີ 3 ທີ່ມີການພັດທະນາຢູ່ພາຍໃນປະເທດ.
ແຫຼ່ງທີ່ມາ: ໜັງສືພິມກອງທັບ
ວັນທີ 30/09/2022