ກອງທັບອາກາດ ສ ເກົາຫຼີ ມອບ-ຮັບ ຍົນ KF-21 Boramae ລຳທຳອິດ
ຍົນ KF-21 Boramae
ສຳນັກງານບໍລິຫານໂຄງການຈັດຊື້ຈັດຈ້າງດ້ານການທະຫານ ແລະ ກອງທັບອາກາດ ສ ເກົາຫຼີ ໄດ້ອອກຖະແຫຼງການຮ່ວມກັນວ່າ
ກອງທັບອາກາດ ສ ເກົາຫຼີ ໄດ້ມອບ-ຍົນຮົບ KF-21 Boramae ລຳທຳອິດຈາກສາຍການຜະລິດແລ້ວ ເຊິ່ງຖືເປັນກ້າວສຳຄັນຂອງໂຄງ
ການຍົນສູ້ຮົບທີ່ພັດທະນາພາຍໃນປະເທດ.
ຍົນ KF-21 ລຳດັ່ງກ່າວໄດ້ບິນອອກຈາກໂຮງງານຂອງ Korea Aerospace Industries (KAI) ໃນເມືອງຊາຊອນ ໄປຍັງ
ໜ່ວຍງານຂອງກອງທັບອາກາດ
ທີ່ ເມືອງ ເຢຊອນ ເຊິ່ງຢູ່ຫ່າງໄປທາງ ເໜືອປະມານ 165 ກິໂລແມັດ. ໃນພາລະກິດດັ່ງກ່າວ ມີຍົນສູ້
ຮົບເບົາFA-50, ຍົນເຝິກແອບ TA-50 ແລະ ຍົນເຝິກແອບ T-50 Golden Eagle ບິນຄຸ້ມກັນ. ການສົ່ງມອບຄັ້ງນີ້ ສະແດງ
ເຖິງການປ່ຽນຜ່ານຂອງໂຄງການ KF-21 ຈາກຂັ້ນຕອນການຄົ້ນຄວ້າ, ພັດທະນາ ແລະ ທົດລອງ ເຂົ້າສູ່ຂັ້ນຕອນການນຳໃຊ້ງານຈິງ.
ການປ່ຽນຜ່ານນີ້ເກີດຂຶ້ນປະມານ 4 ປີ 2 ເດືອນ ຫຼັງຈາກ KF-21 ຕົ້ນແບບລຳທຳອິດຂຶ້ນບິນຄັ້ງປະຖົມມະລຶກໃນວັນທີ 19 ກໍລະ
ກົດ 2022. ພົນອາກາດເອກ ຊອງ ຊັກ ຣັກ ເສນາທິການກອງທັບອາກາດ ສ ເກົາຫຼີ ກ່າວວ່າ ຫຼັງຈາກຜ່ານການທົດລອງ ແລະ
ອຸປະສັກຕ່າງໆ ມາຫຼາຍປະການ ຍົນ KF-21 ໄດ້ຖືກສົ່ງມອບໃຫ້ກອງທັບອາກາດ ແລະ ເລີ່ມພາລະກິດການບິນ. ທ່ານລະບຸວ່າ
ນັບຈາກນີ້ໄປ ໄລຍະຂອງນັກວາງນະໂຍບາຍ ແລະ ຜູ້ພັດທະນາໂຄງການ Boramae ໄດ້ຜ່ານພົ້ນໄປ ແລະ ເປັນໄລຍະຂອງກອງ
ທັບອາກາດທີ່ຈະນຳໃຊ້ ແລະ ພັດທະນາຂີດຄວາມສາມາດຂອງ KF-21 ຕໍ່ໄປ. ພ້ອມນີ້ ທ່ານ ຍັງໄດ້ຮຽກຮ້ອງໃຫ້ກຳລັງພົນທີ່ປະ
ຕິບັດງານກັບ KF-21 ມີຄວາມພາກພູມໃຈ ແລະ ຄວາມຮັບຜິດຊອບສູງ ໃນການບໍລິຫານຈັດການຍົນຮົບລຸ້ນໃໝ່ຂອງຊາດ ແລະ
ຮ່ວມມືກັນເພື່ອໃຫ້ KF-21 ສາມາດສ້າງຜົນງານໃນຖານະເປັນກຳລັງປ້ອງກັນຫຼັກຂອງ ສ ເກົາຫຼີ. KF-21 Boramae ເປັນຍົນ
ສູ້ຮົບຄວາມໄວກວ່າສຽງທີ່ພັດທະນາພາຍໃນປະເທດ ໂດຍມີເປົ້າໝາຍສຳຄັນໃນການທົດແທນຍົນສູ້ຮົບ F-5 ທີ່ມີອາຍຸການໃຊ້
ງານມາແລ້ວຫຼາຍສິບປີ. ໂຄງການ KF-21 ເລີ່ມຕົ້ນໃນປີ 2001 ເມື່ອປະທານາທິບໍດີ ຄິມ ແດ ຈຸງ ໄດ້ສະເໜີແນວຄິດການພັດ
ທະນາຍົນສູ້ຮົບທີ່ຜະລິດພາຍໃນປະເທດ. ໂຄງການຕ້ອງຜ່ານການຊັກຊ້າດ້ານງົບປະມານ ແລະ ການກວດສອບຄວາມເປັນໄປໄດ້
ຫຼາຍຄັ້ງ ກ່ອນຈະເລີ່ມໂຄງການຢ່າງເປັນທາງການໃນເດືອນ ທັນວາ 2015. ໃນນັ້ນ ອິນໂດເນເຊຍ ໄດ້ເຂົ້າຮ່ວມໂຄງການໃນຖານະ
ປະເທດຮ່ວມມືກັບ ບໍລິສັດ Korea Aerospace Industries (KAI) ໄດ້ເປີດໂຕຍົນຕົ້ນແບບ KF-21 ລຳທຳອິດໃນ ເດືອນ
ເມສາ 2021 ແລະ ເລີ່ມການຜະລິດຈຳນວນຫຼາຍໃນເດືອນມິຖຸນາ 2024. ຕາມຂໍ້ມູນຂ່າວສານ KF-21 ໄດ້ຜ່ານການຮັບຮອງ
ດ້ານຄວາມພ້ອມສໍາລັບການປະ
ຕິບັດພາລະກິດໃນເດືອນ ພຶດສະພາ 2026 ແລະ ສຳເລັດຂັ້ນຕອນພັດທະນາລະບົບໃນເດືອນ
ຕໍ່ມາ.
ກອງທັບອາກາດຍັງໄດ້ຟື້ນຟູກອງບິນຂັບໄລ່ທີ 156 ໃນເດືອນ ມິຖຸນາ 2026 ຫຼັງຈາກກອງບິນດັ່ງກ່າວຖືກຍຸບໄປປະມານ
14 ປີ ໃນຖານະເປັນໜ່ວຍທີ່ໃຊ້ຍົນ F-4E Phantom ເພື່ອຮອງຮັບ KF-21 ຮຸ່ນໃໝ່. ຕາມແຜນການຜະລິດ KAI ຈະຜະ
ລິດ KF-21 ຈຳນວນ 40 ລຳ ໃນຊຸດທຳອິດ ໂດຍເນັ້ນພາລະກິດອາກາດສູ່ອາກາດ ແລະ ມີແຜນສົ່ງມອບພາຍໃນປີ 2028.
ຫຼັງຈາກນັ້ນ ຈະຜະລິດເພີ່ມອີກ 80 ລຳ ທີ່ຕິດຕັ້ງອາວຸດປ່ອຍນຳທາງ ໂຈມຕີເປົ້າໝາຍພາກພື້ນດິນໄລຍະໄກ ໂດຍມີແຜນສົ່ງມອບ
ພາຍໃນປີ 2032. ກອງທັບອາກາດ ສ ເກົາຫຼີ ມີແຜນຈະປະຈຳການ KF-21 ຫຼາຍກວ່າ 100 ລຳ ແບບເປັນໄລຍະໃນຊ່ວງຕົ້ນ
ທົດສະວັດ 2030. ພ້ອມກັນນີ້ ການເພີ່ມງົບປະມານດ້ານການປ້ອງກັນຂອງສ ເກົາຫຼີ ໃນປີຕໍ່ໄປ ຄາດວ່າຈະຊ່ວຍສະໜັບສະ
ໜູນທັງການຜະລິດຊຸດທຳອິດ ແລະ ການຈັດຫາ KF-21 ເພີ່ມເຕີມໃນອະນາຄົດ.
ແຫຼ່ງທີ່ມາ: ຂກທ
ວັນທີ 07/10/2026