ກອງທັບອັງກິດ ນຳໃຊ້ລູກສອນໄຟນຳວິຖີ APKWS ໃສ່ຍົນສູ້ຮົບ Typhoon
ຕາມເວັບໄຊການທະຫານ ປ້ອງກັນຊາດເອີຣົບລາຍງານວ່າ: ກະຊວງປ້ອງກັນປະເທດອັງກິດໄດ້ຕິດຕັ້ງລະບົບອາວຸດທີ່ມີຄວາມແມ່ນ
ຍຳສູງ (APKWS) ໃສ່ຍົນສູ້ຮົບ Typhoon ຂອງ RAF ທີ່ປະຕິບັດງານຢູ່ໃນຕາເວັນອອກກາງ ເປັນທາງເລືອກທີ່ມີລາຄາຖືກກວ່າການ
ຕໍ່ສູ້ກັບໄພນາບຂູ່ຈາກໂດຣນ.
ລະບົບດັ່ງ ກ່າວມີຈຸດປະສົງເພື່ອໃຫ້ RAF ສາມາດໂຈມຕີເປົ້າໝາຍໄດ້ຢ່າງຖືກຕ້ອງໃນລາຄາທີ່ຕ່ຳກວ່າລູກສອນໄຟນຳທາງໃນປັດຈຸ
ບັນທີ່ໃຊ້ໃນພາລະກິດທີ່ຄ້າຍຄືກັນ. ອາວຸດດັ່ງກ່າວໄດ້ຖືກຕິດຕັ້ງໃສ່ຍົນສູ້ຮົບ Typhoon ເພື່ອເປັນສ່ວນໜຶ່ງຂອງການຄຸ້ມປົກປ້ອງພົນລະ
ເມືອງອັງກິດ ໃນຕາເວັນອອກກາງຈາກໄພນາບຂູ່ດັ່ງກ່າວ. ເຊິ່ງໃນປັດຈຸບັນໄດ້ເລີ່ມນຳໃຊ້ແລ້ວ ໂດຍມີຍົນສູ້ຮົບ Typhoon ຈາກກອງບິນ
ທີ 9 ຂອງ RAF ເຂົ້າຮ່ວມໃນການປະຕິບັດງານ. ທ່ານ ລັກ ຟອນລາດ ລັດຖະມົນຕີກະຊວງປ້ອງກັນປະເທດ ແລະ ອຸດສາຫະກຳ ຂອງ
ອັງກິດ ກ່າວວ່າ: “ນີ້ແມ່ນຄວາມພະຍາ ຍາມທີ່ດີເລີດທີ່ຈະເຮັດວຽກຮ່ວມກັບອຸດສາຫະກຳເພື່ອທົດລອງ ແລະ ນຳໃຊ້ລະບົບນີ້ພາຍໃນ
ສອງສາມເດືອນ, ເຊິ່ງຈະຊ່ວຍໃຫ້ກອງທັບອາກາດຂອງອັງກິດ ສາມາດຍິງຍົນບໍ່ມີຄົນຂັບໄດ້ຫຼາຍຂຶ້ນໃນລາຄາທີ່ຕ່ຳກວ່າຫຼາຍ.” ທ່ານ ໂອນ
ລາດ ກ່າວຕື່ມວ່າ: “ກອງທັບເຮືອ Typhoon ຂອງພວກເຮົາແມ່ນເສົາຄ້ຳຂອງການປ້ອງກັນທາງອາກາດຂອງອັງກິດ ແລະ NATO, ໂດຍ
ກອງທັບອາກາດ ສາມາດປົກປ້ອງແນວໜ້າຕາເວັນອອກຂອງເອີຣົບຈາກການຮຸກຮານຂອງຍົນບໍ່ມີຄົນຂັບ.
ລະບົບ APKWS ໃຊ້ລະບົບເປົ້າໝາຍເລເຊີທີ່ປ່ຽນລູກສອນໄຟທີ່ບໍ່ມີການນຳທາງ ຂະຫນາດ 70 ມມ ໃຫ້ກາຍເປັນອາວຸດທີ່ມີ
ຄວາມແມ່ນຍຳສູງ ແລະ ມີປະສິດທິພາບດ້ານຄ່າໃຊ້ຈ່າຍທີ່ສາມາດໂຈມຕີຍົນບໍ່ມີຄົນຂັບຂອງສັດຕູ ແລະ ໄພນາບຂູ່ອື່ນໆ. ນີ້ແມ່ນປະຕິ
ບັດຕາມສັນຍາຫຼາຍທີ່ມີມູນຄ່າສູງ ເພື່ອສະໜອງລູກສອນໄຟສະກັດ Skyhammer ໃຫ້ກອງທັບອາກາດຂອງອັງກິດ ເພື່ອຕ້ານການ
ໂຈມຕີຂອງໂດຣນ Shahed ຂອງ ອີຣານ. ນອກຈາກນັ້ນ, ກ່ອນໜ້ານີ້ ກະຊວງປ້ອງກັນປະເທດໄດ້ລົງທຶນຫຼາຍກວ່າ 650 ລ້ານປອນ
ເພື່ອຍົກລະດັບກອງບິນ Typhoon ຂອງກອງອັງກິດ.
ແຫຼ່ງທີ່ມາ: ຂກທ
ວັນທີ 25/08/2026