ໂບອິ້ງ ສົ່ງມອບ CH-47F Chinook ລຳທຳອິດໃຫ້ອີຢິບ
ເລີ່ມປັບປຸງຝູງເຮລີກົບແຕຂົນສົ່ງທາງທະຫານ
ໂບອິ້ງ CH-47F Chinook
ເວັບໄຊ້ການທະຫານກ່າວວ່າ: ສະຫະລັດ ໄດ້ສົ່ງມອບເຮລີກົບແຕຂົນສົ່ງທາງທະຫານຂະໜາດໜັກ CH-47F Chinook
ລຳທຳອິດໃຫ້ແກ່ ອີຢິບ ແລ້ວ. ໂດຍການສົ່ງມອບຄັ້ງນີ້ເປັນຈຸດເລີ່ມຕົ້ນຂອງແຜນການຈັດຫາເຮລີກົບແຕ ລຸ້ນໃໝ່ຈຳນວນ 12 ລຳ
ຂອງ ອີຢິບ ເພື່ອເສີມ ແລະ ຍົກລະດັບຂີດຄວາມສາມາດຝູງເຮລີກົບແຕ ຂົນສົ່ງໜັກຂອງກອງທັບ ອີຢິບ.
ສະຖານທູດສະຫະລັດ ປະຈຳ ກຸງໄຄໂຣ ໄດ້ປະກາດຂ່າວການສົ່ງມອບໃນ ວັນທີ 17 ກັນຍາ 2026 ທີ່ຜ່ານມາ ໂດຍກ່າວວ່າ
ການສົ່ງມອບ CH-47F Chinook ລຳທຳອິດ ເປັນອີກບາດກ້າວໜຶ່ງໃນການຂະຫຍາຍການຮ່ວມມືດ້ານການຄ້າ ແລະ ການ
ປ້ອງກັນປະເທດລະຫວ່າງສະຫະລັດ ກັບ ອີຢິບ. ສະຖານທູດຍັງໄດ້ສະແດງຄວາມຍິນດີຕໍ່ບໍລິສັດ Boeing, ກອງທັບບົກສະ
ຫະລັດ ແລະ ກະຊວງການປ້ອງກັນປະເທດອີຢິບ ຕໍ່ການສົ່ງມອບດັ່ງກ່າວ. ເຮລີກົບແຕ CH-47F Chinook ແມ່ນເຮລີກົບ
ແຕ ຂົນສົ່ງທາງທະຫານຂະໜາດໜັກ ແບບໃບພັດຄູ່ຕາມແນວຍາວ ພັດທະນາ ແລະ ຜະລິດໂດຍ ບໍລິສັດ Boeing. ເຮລີກົບ
ແຕລຸ້ນນີ້ຖືກອອກແບບມາສຳລັບພາລະກິດຂົນສົ່ງທະຫານ, ອາວຸດຍຸດໂທປະກອນ, ສຳພາລະ ແລະ ສິນຄ້າທາງທະຫານທີ່ມີ
ນ້ຳໜັກຫຼາຍ ລວມເຖິງການລຳລຽງກຳລັງພົນເຂົ້າສູ່ເຂດປະຕິບັດການສູ້ຮົບ.
ການຈັດຫາ CH-47F ຈຳນວນ 12 ລຳ ຈະຊ່ວຍໃຫ້ອີຢິບຂະຫຍາຍຈຳນວນ ແລະ ຍົກລະດັບຝູງເຮລີກົບແຕ Chinook
ທີ່ມີຢູ່ແລ້ວ. ການສົ່ງມອບລຳທຳອິດຈຶ່ງສະທ້ອນໃຫ້ເຫັນວ່າ ອີຢິບ ກຳລັງເລີ່ມປ່ຽນຜ່ານໄປສູ່ເຮລີກົບແຕ Chinook ລຸ້ນໃໝ່ທີ່
ມີຂີດຄວາມສາມາດທັນສະໄໝກວ່າ. ແນວໃດກໍຕາມ, ສະຖານທູດສະຫະລັດ ຍັງບໍ່ໄດ້ເປີດເຜີຍລາຍລະອຽດກ່ຽວກັບ ການກຳ
ນົດສົ່ງມອບ CH-47F ທີ່ເຫຼືອອີກ 11 ລຳ ຫຼື ແຜນການນຳໃຊ້ເຮລີກົບແຕລຸ້ນໃໝ່ເຫຼົ່ານີ້ຂອງກອງທັບອີຢິບ.
ແຫຼ່ງທີ່ມາ: ຂກທ
ວັນທີ 07/10/2026