ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ທະຫານແຂວງ ສາລະວັນ ເຊື່ອມຊຶມກົດລະບຽບຂອງພັກ ສະໄໝທີ X


ສະຫາຍ ພັນເອກ ພູວັນ ພິມມະຈັນ ເປັນປະທານກອງປະຊຸມເຊື່ອມຊຶມກົດລະບຽບຂອງພັກປະຊາຊົນປະຕິວັດລາວ ສະໄໝທີ X

     ໃນວັນທີ 9 ທັນວາ ນີ້, ກອງບັນຊາການທະຫານແຂວງ ສາລະວັນ ໄດ້ຈັດຕັ້ງກອງປະຊຸມເຊື່ອມຊຶມກົດລະບຽບຂອງພັກປະຊາຊົນປະຕິວັດລາວ ສະໄໝທີ X ໂດຍພາຍ
ໃຕ້ການເປັນປະທານຂອງສະຫາຍ ພັນເອກ ພູວັນ ພິມມະຈັນ ຮອງເລຂາພັກ ຫົວໜ້າ ການເມືອງກອງບັນຊາການທະຫານແຂວງ ສາລະວັນ, ມີບັນດາຄະນະພັກ-ຄະນະບັນ
ຊາ ພ້ອມດ້ວຍພະນັກງານສະມາຊິກພັກສົມບູນຈາກອົງການ 5 ຫ້ອງເຂົ້າຮ່ວມ.

     ສະຫາຍ ພັນຕີ ແສງເພັດ ຫຼວງສຸລິວັນ ຄະນະພັກຮາກຖານຮອງຫ້ອງການເມືອງທະຫານແຂວງສາລະວັນ ໄດ້ຂຶ້ນຜ່ານຄຳແນະນຳເລກທີ 13/ອກ-ບຄ ກ່ຽວກັບການສະ
ຫຼຸບຕີລາຄາການຈັດຕັ້ງປະຕິບັດກົດລະບຽບພັກສະໄໝທີ X ໃນທົ່ວອົງຄະນະພັກຂອງຕົນ ແລະ ຜ່ານບັນດາເນື້ອໃນຄຳຖາມເຈາະຈີ້ມ ແລະ ບາງບັນຫາເນື້ອໃນທີ່ຄວນເອົາ
ໃຈໃສ່ໃນການຄົ້ນຄວ້າ, ໂອກາດດັ່ງກ່າວນີ້ ສະຫາຍ ພັນເອກ ພູວັນ ພິມມະຈັນ ຮອງເລຂາພັກ ຫົວໜ້າ ການເມືອງກອງບັນຊາການທະຫານແຂວງ ສາລະວັນ ກໍໄດ້ໂອ້ລົມ
ພ້ອມທັງຮຽກຮ້ອງມາຍັງຄະນະພັກ-ຄະນະບັນຊາແຕ່ລະຂັ້ນຈົ່ງພ້ອມກັນຍົກສູງສະຕິຄວາມຮັບຜິດຊອບຕໍ່ການຈັດ ຕັ້ງພັກ ແລະ ພ້ອມກັນປະກອບຄຳຄິດ, ຄຳເຫັນ ເພື່ອ
ເປັນຂໍ້ມູນພື້ນຖານໃຫ້ແກ່ການຄົ້ນຄວ້າ, ປັບປຸງ, ດັດແປງກົດລະບຽບພັກທີ່ຈະສະເໜີຜ່ານກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XI ຂອງພັກ ໃຫ້ມີເນື້ອໃນຖືກຕ້ອງຄົບ
ຖ້ວນ, ຮັດກຸມ ແລະ ສ່ອງແສງເຖິງພາວະຄວາມເປັນຈິງດ້ານການຈັດຕັ້ງ ແລະ ການເຄື່ອນໄຫວຂອງລະບົບການຈັດຕັ້ງພັກ ແລະ ສະມາຊິກພັກໃນເງື່ອນໄຂໃໝ່.