ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ໜ່ວຍສະຫະພັນ​ແມ່ຍິງ​ຫ້ອງການ​ເມືອງ ​ແລະ ກອງພັນ 222
ສ້າງ​ຂະ​ບວນການ​ແຂ່ງຂັນ​ກິລາ​ມິດຕະພາບ


ຂະ​ບວນການ​ແຂ່ງຂັນ​ກິລາ

     ໃນວັນທີ 1 ຕຸລາ 2019 ນິ້ ໜ່ວຍສະຫະພັນແມ່ຍິງຫ້ອງການເມືອງ ແລະ ໜ່ວຍສະຫະພັນແມ່ຍິງ ກອງພັນ 222 ໃນກອງພົນທີ 2. ໄດ້ສ້າງຂະບວນແຂ່ງຂັນກີລາ
ມິດພາບເພື່ອຂໍ່ານັບຮັບຕ້ອນວັນສໍາຄັນຕ່າງໆຂອງຊາດ, ຂອງພັກເວົ້າລວມ, ເວົ້າສະເພາະ ແຂ່ງຂັນກໍຄືວັນສ້າງຕັ້ງກອງພົນທີ 2 ຄົບຮອບ 38 ປີ ( 12 ຕຸລາ 1981 – 12
ຕຸລາ 2019 ) ແລະ ກອງປະຊຸມໃຫຍ່ຄັ້ງທີ VI ຂອງ ອົງຄະນະພັກກອງພົນທີ່ຈະໄຂຂຶ້ນໃນຕໍ່ໜ້ານີ້, ໂດຍການເຂົ້າຮ່ວມຂອງສະຫາຍ ພັນຕີ ນາງ ຄໍາຜູ ພັນທະວົງ ຫົວໜ້າ
ພະແນກສະຫະພັນແມ່ຍິງກອງພົນ, ສະຫາຍ ພັນໂທ ບຸນນ້ອຍ ພານິດ ຫົວໜ້າ ພະແນກບໍລິຫານຫ້ອງການເມືອງ, ມີຄະນະພັກ-ຄະນະບັນຊາກອງພັນ 222, ຄະນະໜ່ວຍ
ແລະ ເອື້ອຍນ້ອງສະຫະພັນແມ່ຍິງທັງ 2 ໜ່ວຍເຂົ້າຮ່ວມຢ່າງເປັນຂະບວນການຟົດຟື້ນ.

     ກີລາທີ່ນໍາມາແຂ່ງຂັນໃນຄັ້ງນີ້ ປະກອບມີ 2 ປະເພດຄື: ກີລາເປຕັງ ແລະ ກີລາບານສົ່ງ, ຜ່ານການແຂ່ງຂັນຕົວຈິງປະເພດກີລາເປຕັງໜ່ວຍສະຫະພັນແມ່ຍິງຫ້ອງການ
ເມືອງສາມາດເອົາຊະນະໜ່ວຍສະຫະພັນແມ່ຍິງກອງພັນ 222 ໄປດ້ວຍ ຄະແນນ 13 -12 ຄະແນນ. ປະເພດກີລາບານສົ່ງໜ່ວຍສະຫະພັນແມ່ຍິງຫ້ອງການເມືອງສາມາດ
ເອົາຊະນະໜ່ວຍສະຫະພັນແມ່ຍິງກອງພັນ 222 ໄປໄດ້ 2 ຕໍ່ 1 ແຊັດ. ທັງນີ້ກໍເພື່ອເປັນການຮັດແໜ້ນຄວາມສາມັກຄີຮັກແພງເຊິ່ງກັນ ແລະ ກັນ ເພື່ອເປັນການອອກແຮງ
ແຂ່ງຂັນກັນສ້າງຂະບວນການດ້ານຕ່າງໆ. ເພື່ອຂໍ່ານັບຮັບຕ້ອນວັນສ້າງຕັ້ງກອງພົນທີ 2 ຄົບຮອບ 38 ປີ ແລະ ກອງປະຊຸມໃຫຍ່ຄັ້ງທີ VI ຂອງອົງຄະນະພັກກອງພົນທີ່ຈະ
ໄຂຂຶ້ນໃນຕໍ່ໜ້ານີ້ໃຫ້ເປັນຂະບວນການກວ້າງຂວາງ ແລະ ຟົດຟື້ນຢ່າງຕໍ່ເນື່ອງ.