ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ຄະ​ນະບັນນາທິການວາລະສານປ້ອງກັນຊາດ
ລົງ​ເຮັດ​ວຽກຢູ່​ໂຮງງານ​ຊີມັງ​ວັງ​ວຽງ ​ແລະ ກອງ​ພົນ​ທີ 1


ສະຫາຍ ພັນໂທ ປອ ທິມສາວ ດວງຈໍາປາ ພ້ອມດ້ວຍຄະນະໄດ້ລົງເຄື່ອນໄຫວເຮັດວຽກເກັບກໍາຂໍ້ມູນຢູ່ໂຮງງານຊີມັງວັງວຽງ

     ໃນລະຫວ່າງວັນທີ 20-22 ພະຈິກ 2019 ນີ້, ສະຫາຍ ພັນໂທ ປອ ທິມສາວ ດວງຈໍາປາ ຫົວໜ້າກອງບັນນາທິການວາລະສານປ້ອງກັນຊາດ ກົມໃຫຍ່ການເມືອງ
ກອງທັບ ພ້ອມດ້ວຍຄະນະໄດ້ລົງເຄື່ອນໄຫວເຮັດວຽກເກັບກໍາຂໍ້ມູນຢູ່ໂຮງງານຊີມັງວັງວຽງ. ໃຫ້ກຽດຕ້ອນຮັບໂດຍ ສະຫາຍ ບົວສອນ ແກ້ວປະເສີດ ອໍານວຍການໂຮງ
ງານຊີມັງ ຫຼັງ 3, ພ້ອມຄະນະ, ຈຸດປະສົງໃນການລົງເຄື່ອນໄຫວເຮັດວຽກຄັ້ງນີ້ ເພື່ອເກັບກໍາຂໍ້ມູນຜົນງານ ການປະກອບສ່ວນອັນໃຫຍ່ຫຼວງຂອງໂຮງງານຊີມັງວັງວຽງ ຕໍ່
ການປັບປຸງວຽກງານປ້ອງກັນຊາດ-ປ້ອງກັນຄວາມສະຫງົບ, ພ້ອມທັງເກັບກໍາຮູບພາບຜົນງານການເຄື່ອນໄຫວວຽກງານການຜະລິດຂອງໂຮງງານໃນຊຸມປີຜ່ານມາ. ຄະ
ນະໂຮງງານຊີມັງໄດ້ລາຍງານ ໂດຍຫຍໍ້ກ່ຽວກັບການປະຕິບັດວຽກງານໃນໄລຍະຜ່ານມາ ແລະ ທິດທາງແຜນການວຽກງານຜະລິດອອກຮັບໃຊ້ສັງຄົມໃນປີຕໍ່ໜ້າ ໂດຍສະ
ເພາະແມ່ນວຽກງານຜະລິດຊີມັງ ອອກສູ່ຕະຫຼາດຕ້ອງໄດ້ເພີ່ມທະວີ ແລະ ປັບປຸງຄຸນນະພາບໃຫ້ດີຂຶ້ນກວ່າເກົ່າ, ຫຼັງຈາກນັ້ນ, ທາງຄະນະກໍໄດ້ພາທ່ຽວຊົມເບິ່ງວິທີ ແລະ ຂັ້ນ
ຕອນການຜະລິດຊີມັງຢູ່ໂຮງງານ ຕື່ມອີກ.

     ໃນໂອກາດດຽວກັນນີ້ ຄະນະບັນນາທິການວາລະສານປ້ອງກັນຊາດ ກໍໄດ້ສືບຕໍ່ລົງເຄື່ອນໄຫວ ເກັບກໍາຂໍ້ມູນ, ຂະຫຍາຍຕາໜ່າງ ເພື່ອນຮ່ວມງານຢູ່ ກອງພົນທີ 1 ເຊິ່ງ
ໄດ້ຮັບການຕ້ອນຮັບໂດຍ ສະຫາຍ ພົນຈັດຕະວາ ແສງຢືນ ລັດສະໝີ ຫົວໜ້າ ການເມືອງກອງພົນທີ 1. ໂອກາດນີ້, ສະຫາຍ ຫົວໜ້າບັນນາທິການວາລະສານປ້ອງກັນຊາດ
ກໍໄດ້ສະເໜີຈຸດປະສົງໃນການລົງເຄື່ອນໄຫວເຮັດວຽກໃນຄັ້ງນີ້ກໍເພື່ອເກັບກໍາບາງບົດຮຽນໃນການບຸກກໍ່ສ້າງຄະນະພັກ, ໜ່ວຍພັກ ຢູ່ອົງຄະນະພັກກອງພົນທີ 1 ໃຫ້ມີ
ຄວາມປອດໃສ ເຂັ້ມແຂງ ໜັກແໜ້ນ ແລະ ເກັບກໍາຮູບພາບຜົນງານການເຄື່ອນໄຫວປະຕິບັດໜ້າທີ່ຂອງກອງພົນທີ 1 ໃນຊຸມປີຜ່ານມາ ໂດຍປິ່ນອ້ອມ 4 ໜ້າທີ່ໃຫຍ່ 26
ແຜນງານທີ່ອົງຄະນະພັກກະຊວງປ້ອງກັນ ປະເທດວາງອອກ ເພື່ອເປັນບ່ອນອີງໃນການຄົ້ນຄວ້າ ແລະ ຂຽນບົດລົງເພີ່ມໃນປື້ມວາລະສານປ້ອງກັນຊາດທັງໂຄສະນາຜ່ານສື່
ເອເລັກໂຕຣນິກ, ພ້ອມທັງອອກຂ່າວທາງໜັງສືພິມກອງທັບຕື່ມອີກ.