ກົມ ວສ-ປສ ການທະຫານ ສະຫຼຸບວຽກງານຮອບດ້ານ ປະຈຳປີ 2024

    ວັນທີ 27 ທັນວາ 2024 ນີ້, ກົມວິທະຍາສາດ-ປະຫວັດສາດ (ວສ-ປສ) ການທະຫານ ກະຊວງປ້ອງກັນປະເທດ ໄດ້ຈັດກອງປະຊຸມ
ສະຫຼຸບວຽກງານຮອບດ້ານ ປະຈຳປີ 2024 ແລະ ວາງທິດທາງແຜນການ ປີ 2025 ໂດຍການເປັນປະທານ ຂອງສະຫາຍ ພົນຈັດຕະວາ
ວຽງໄຊ ສົມວິຈິດ ຫົວໜ້າກົມວິທະຍາສາດ-ປະຫວັດສາດ ການທະຫານ, ມີຄະນະພັກ-ຄະນະບັນຊາ, ຫົວໜ້າຫ້ອງ-ຮອງຫົວໜ້າຫ້ອງ ແລະ
ພະແນກການ ຕະຫຼອດຮອດພະນັກງານນັກຮົບພາຍໃນກົມ ເຂົ້າຮ່ວມ.

     ສະຫາຍ ພັນໂທ ກາວິນ ຈັນທະມາດ ຫົວໜ້າຫ້ອງການ ກົມວສ-ປສ ໄດ້ຜ່ານບົດລາຍງານ ທັງສອງພາກ ເຊິ່ງຜ່ານມາຄະນະພັກ-ຄະ
ນະບັນຊາກົມ ໄດ້ເອົາໃຈໃສ່ ສຶກສາອົບຮົມການເມືອງ-ນຳພາແນວຄິດ ໃຫ້ພະນັກງານ-ນັກຮົບ ເປັນປົກກະຕິ, ສໍາເລັດການນຳເອົາຄຳສັ່ງ
ແນະນຳຂອງຂັ້ນເທິງ ແລະ ເອກະສານມູນເຊື້ອຕ່າງໆ ມາເຜີຍແຜ່, ສຳເລັດການຄົ້ນຄວ້າຂຽນ, ຮຽບຮຽງປະຫວັດການເຄື່ອນໄຫວ ຂອງ
ທ່ານ ບຸນຍັງ ວໍລະຈິດ ອະດີດປະທານປະເທດ ແຫ່ງ ສປປລ, ສຳເລັດການຊ່ວຍກວດແກ້ປັບປຸງ ປຶ້ມປະຫວັດມູນເຊື້ອການເຄື່ອນໄຫວ
ຂອງສະຫາຍ ພົນຕີ ກອງສີ ກິຕະຍາລາດ ອະດີດຫົວໜ້າໄອຍະການທະຫານຂັ້ນສູງ ກະຊວງປ້ອງກັນປະເທດ ແຫ່ງ ສປປ ລາວ, ສຳເລັດ
ການຄົ້ນຄວ້າ-ຂຽນ, ຮຽບຮຽງ ບັ້ນຫຼອນຕີສັດຕູ “ ແບບດອກໄມ້ບານ ” ຢູ່ເມືອງງານ ແຂວງຊຽງຂວາງ ແລະ ບັ້ນຮົບກວາດລ້າງພວກປຸ້ນ
ຢູ່ ເມືອງພູຄາ, ນາແລ ແລະ ເມືອງລອງ ແຂວງຫຼວງນໍ້າທາ ປີ 1977, ສຳເລັດການຮ່ວມຕ້ອນຮັບຜູ້ແທນ ແລະ ເຮັດບົດລາຍງານການພົບ
ປະເຮັດວຽກກັບຜູ້ແທນສະຖາບັນຄົ້ນຄວ້າວິທະຍາສາດ-ປະຫວັດສາດ ກອງທັບປົດປ່ອຍປະຊາຊົນຈີນ, ສຳເລັດການຂຽນບົດສຳມະນາໃນ
ຫົວຂໍ້ “ມິດຕະພາບສາມັກຄີ, ຮ່ວມສຳພັນສູ້ຮົບ ລາວ-ຫວຽດນາມ ໃນການຕໍ່ສູ້ກູ້ຊາດຕ້ານພວກລ່າເມືອງຂຶ້ນຝຣັ່ງ; ດ້ານວຽກງານຍຸດທະ
ສາດ ໄດ້ເປີດໂຄງການຄົ້ນຄວ້າ-ຂຽນປຶ້ມປົກຂາວນະໂຍບາຍປ້ອງກັນຊາດ ແຫ່ງ ສປປ ລາວ ຄັ້ງທີ VI, ສຳເລັດການລົງເຄື່ອນໄຫວເກັບກຳ
ຂໍ້ມູນໂຄງການ ຄົ້ນຄວ້າ-ຂຽນ” ຍຸດທະສາດ ກໍ່ສ້າງກຳລັງຂອບເຂດປ້ອງກັນບໍລິເວນແຂວງບໍ່ແກ້ວ ໃນໄລຍະໃໝ່” ຄັ້ງທີ II, ສຳເລັດ ການ
ກະກຽມແຜນການຮ່ວມມືສອງກອງທັບປະຊາຊົນລາວ ແລະ ກອງທັບປະຊາຊົນຫວຽດນາມ ໃນການຜະລິດ ອຸດສາຫະກຳປ້ອງກັນຊາດໃນ
ສະພາບການໃໝ່ ແລະ ວຽກງານດ້ານອື່ນໆອີກ.

     ກອງປະຊຸມໄດ້ພ້ອມກັນປະກອບຄຳຄິດເຫັນໃສ່ບົດສະຫຼຸບ ເພື່ອເຮັດບົດສະຫຼຸບ, ທິດທາງແຜນການ ປີ 2025 ຄົບຖ້ວນ ແລະ ພ້ອມ
ຈັດຕັ້ງປະຕິບັດໃຫ້ມີຜົນສໍາເລັດ.

ແຫຼ່ງຂ່າວໂດຍ ນາງ ຈັນທະພອນ
ວັນທີ 30/12/2024