ມອບ-ຮັບ ໂຄງການກໍ່ສ້າງເຮືອນນອນໂສດ ພະນັກງານ
ຄູອາຈານ ໂຮງຮຽນວັດທະນະທຳຊົນເຜົ່າກອງທັບ

    ວັນທີ 25 ທັນວາ 2024 ນີ້, ໂຮງຮຽນວັດທະນະທຳຊົນເຜົ່າກອງທັບ ໄດ້ຈັດພິທີ ມອບ-ຮັບ ໂຄງການກໍ່ສ້າງ ແລະ ເປີດນຳໃຊ້ເຮືອນນອນ
ໂສດ ພະນັກງານ ຄູອາຈານ, ໂດຍການເຂົ້າຮ່ວມເປັນປະທານຂອງ ສະຫາຍ ພົນຈັດຕະວາ ພູມີ ດາລາເພັດ ຮອງຫົວໜ້າກົມໃຫຍ່ການເມືອງກອງ
ທັບ, ມີຄະນະພັກ-ຄະນະບັນຊາໂຮງຮຽນ, ພະນັກງານ ບໍລິສັດ, ອະນຸກຳມະການ ແລະ ວິຊາການທີ່ກ່ຽວຂ້ອງ ເຂົ້າຮ່ວມ.

     ທ່ານ ສົມຫວັງ ຈະເລີນ ປະທານ ບໍລິສັດ ສົມຫວັງ ຈະເລີນ ກໍ່ສ້າງ-ຂົວທາງ ຈຳກັດຜູ້ດຽວ ໄດ້ກ່າວມອບໂຄງການກໍ່ສ້າງເຮືອນນອນໂສດ ພະ
ນັກງານ ຄູອາຈານ, ໂດຍກ່າວຮັບຂອງ ສະຫາຍ ພັນເອກ ເພັດສະໝອນ ວິລະວອນ ຫົວໜ້າການທະຫານ ໂຮງຮຽນວັດທະນະທຳຊົນເຜົ່າກອງທັບ,
ສຳລັບໂຄງການກໍ່ສ້າງເຮືອນນອນໂສດ ພະນັກງານ ຄູອາຈານ ຂອງໂຮງຮຽນວັດທະນະທຳຊົນເຜົ່າກອງທັບ ແມ່ນທຶນຂອງກະຊວງປ້ອງກັນປະເທດ
ໄດ້ເລີ່ມລົງມືກໍ່ສ້າງ ແຕ່ວັນທີ 01 ມັງກອນ ປີ 2024 ມາຮອດ ວັນທີ 01 ທັນວາ ປີ 2024 ແມ່ນໄດ້ສຳເລັດຕາມການກຳນົດເວລາ 12 ເດືອນ ໂດຍ
ແມ່ນ ບໍລິສັດ ສົມຫວັງ ຈະເລີນ ກໍ່ສ້າງ-ຂົວທາງ ຈຳກັດຜູ້ດຽວ ເປັນຜູ້ຮັບເໝົາກໍ່ສ້າງ ລວມມູນຄ່າທັງໝົດ 8.879.300.000 ກີບ, ຈາກນັ້ນ ກໍ
ໄດ້ເຊັນບົດບັນທຶກມອບຮັບຢ່າງເປັນທາງການ ລະຫວ່າງ ປະທານ ບໍລິສັດ ສົມຫວັງ ຈະເລີນ ກໍ່ສ້າງ-ຂົວທາງ ຈຳກັດຜູ້ດຽວ ແລະ ສະຫາຍ ພັນເອກ
ເພັດສະໝອນ ວິລະວອນ ຫົວໜ້າການທະຫານ ໂຮງຮຽນວັດທະນະທຳຊົນເຜົ່າກອງທັບ ພ້ອມດ້ວຍພະນັກງານທີ່ກ່ຽວຂ້ອງ.

     ໂອກາດນີ້ ສະຫາຍ ພົນຈັດຕະວາ ພູມີ ດາລາເພັດ ກໍ່ໄດ້ສະແດງຄວາມຂອບໃຈນຳ ບໍລິສັດ ສົມຫວັງ ຈະເລີນ ກໍ່ສ້າງ-ຂົວທາງ ຈຳກັດຜູ້ດຽວ ທີ່
ໄດ້ເອົາໃຈໃສ່ທຸ້ມເທກຳລັງ ແລະ ສະຕິບັນຍາເຂົ້າໃນການກໍ່ສ້າງ ພ້ອມທັງຮຽກຮ້ອງໃຫ້ຄະນະພັກ-ຄະນະບັນຊາໂຮງຮຽນ ຈົ່ງເອົາໃຈໃສ່ສຶກສາອົບຮົມ
ໃຫ້ ພະນັກງານ-ນັກຮົບ, ຄູອາຈານ ຢູ່ໃນກົມກອງຈົ່ງຊ່ວຍກັນປົກປັກຮັກສາອາຄານ, ລະບົບໄຟຟ້າ, ນໍ້າປະປາ ຕະຫຼອດຮອດ ອຸປະກອນຕ່າງໆທີ່ໄດ້
ປະກອບຢູ່ໃນອາຄານໃຫ້ສາມາດນໍາໃຊ້ໄດ້ຍາວນານ.

ແຫຼ່ງຂ່າວໂດຍ ໂອລິນ ມິ່ງມີໄຊ
ວັນທີ 26/12/2024