ມອບ-ຮັບ ໜ້າທີ່ ຫົວໜ້າກົມໃຫຍ່ການເມືອງກອງທັບ ລະຫວ່າງ ຜູ້ເກົ່າ ແລະ ຜູ້ໃໝ່

ພິທີ ມອບ-ຮັບ ໜ້າທີ່ ຫົວໜ້າກົມໃຫຍ່ການເມືອງກອງທັບ ລະຫວ່າງ ສະຫາຍ ພົນໂທ ສຈ ປອ ທອງລອຍ ສີລິວົງ ຮອງລັດຖະມົນຕີກະຊວງປ້ອງກັນປະເທດ,
ຫົວໜ້າກົມໃຫຍ່ການເມືອງກອງທັບ (ຜູ້ເກົ່າ) ແລະ ສະຫາຍ ພົນຕີ ວົງສອນ ອິນປານພິມ ຫົວໜ້າກົມໃຫຍ່ການເມືອງກອງທັບ (ຜູ້ໃໝ່)

    ໃນ​ວັນ​ທີ 24 ທັນວາ 2024 ຜ່ານ​ມາ​ນີ້ ພິທີ ມອບ-ຮັບໜ້າທີ່ ຫົວໜ້າກົມໃຫຍ່ການເມືອງກອງທັບ ລະຫວ່າງ ສະຫາຍ ພົນໂທ ສຈ ປອ
ທອງລອຍ ສີລິວົງ ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ການເມືອງກອງທັບ (ຜູ້ເກົ່າ) ແລະ ສະຫາຍ ພົນຕີ ວົງສອນ ອິນ
ປານພິມ ຫົວໜ້າກົມໃຫຍ່ການເມືອງກອງທັບ (ຜູ້ໃໝ່), ໂດຍມີ ສະຫາຍ ພົນໂທ ຄໍາລຽງ ອຸທະໄກສອນ ກໍາມະການສູນກາງພັກ, ລັດຖະມົນຕີ
ກະຊວງປ້ອງກັນປະເທດ, ມີຮອງລັດຖະມົນຕີກະຊວງປ້ອງກັນປະເທດ, ຕາງໜ້າຄະນະນໍາ 4 ກົມໃຫຍ່, ຫ້ອງວ່າການ ກະຊວງປ້ອງກັນປະເທດ
ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

     ສະຫາຍ ພົນໂທ ສຈ ປອ ທອງລອຍ ສີລິວົງ ໄດ້ຜ່ານບົດສະຫຼຸບໂດຍຫຍໍ້ ໃນໄລຍະຜ່ານມາທີ່ໄດ້ດຳລົງຕຳແໜ່ງເປັນຫົວໜ້າກົມໃຫຍ່ການ
ເມືອງກອງທັບ ໄດ້ເປັນເຈົ້າການເອົາໃຈໃສ່ນໍາພາ-ຊີ້ນຳວຽກງານຕ່າງໆ ຕາມພາລະບົດບາດ, ໜ້າທີ່ ຂອງຕົນ ເຊິ່ງສາມາດສ້າງໄດ້ຜົນງານຫຼາຍດ້ານ,
ມີຄວາມສະຫງົບ ແລະ ມີການພັດທະນາໃນທຸກດ້ານ, ສະມາຊິກພັກ-ພະນັກງານ ມີແນວຄິດການເມືອງໜັກແໜ້ນ, ມີຄວາມຈົງຮັກພັກດີ ຕໍ່ປະ
ເທດຊາດ, ຕໍ່ພັກ, ຕໍ່ປະຊາຊົນ ຜົນງານດັ່ງກ່າວ, ຍ້ອນມີການນໍາພາຢ່າງໃກ້ຊິດຂອງອົງຄະນະພັກ ກະຊວງປ້ອງກັນປະເທດ ກໍຄືຄະນະພັກແຕ່ລະ
ຂັ້ນເຮັດໃຫ້ ກົມໃຫຍ່ການເມືອງກອງທັບ ມີຜົນສໍາເລັດຢ່າງຈົບງາມຕະຫຼອດມາ. ໂອກາດນີ້, ສະຫາຍ ພົນຕີ ວົງສອນ ອິນປານພິມ ໄດ້ກ່າວຮັບ
ໜ້າທີ່ ພ້ອມທັງກ່າວວ່າ: ຈະໃຊ້ທຸກຄວາມຮູ້ ຄວາມສາມາດເຂົ້າໃນການຈັດຕັ້ງປະຕິບັດໜ້າທີ່ໃຫ້ດີທີ່ສຸດ ຕາມທິດຊີ້ນໍາຂອງຂັ້ນເທິງໃຫ້ມີຜົນສໍາ
ເລັດ. ຈາກນັ້ນໄດ້ພ້ອມກັນລົງນາມບົດບັນທຶກການມອບ-ຮັບໜ້າທີ່ ຫົວໜ້າກົມໃຫຍ່ການເມືອງກອງທັບ ລະຫວ່າງ ຜູ້ເກົ່າ ແລະ ຜູ້ໃໝ່ ຢ່າງເປັນ
ທາງການ.

     ໂອກາດນີ້, ສະຫາຍ ພົນໂທ ຄໍາລຽງ ອຸທະໄກສອນ ໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນງານທີ່ຫົວໜ້າກົມໃຫຍ່ການເມືອງກອງທັບ ຜູ້ເກົ່າ
ນໍາພາ ແລະ ສ້າງໄດ້ໃນໄລຍະຜ່ານມາ ພ້ອມທັງເນັ້ນໜັກໃຫ້ຫົວໜ້າ ກົມໃຫຍ່ການເມືອງກອງທັບ ຜູ້ໃໝ່ ຍົກສູງຄວາມຮັບຜິດຊອບຕໍ່ໜ້າທີ່ການ
ເມືອງ ໃນການນໍາພາ-ຊີ້ນໍາຂົງເຂດວຽກງານຕາມພາລະບົດບາດຂອງຕົນດ້ວຍຄວາມຮັບຜິດຊອບສູງ.

ແຫຼ່ງຂ່າວໂດຍ ສົມຄິດ
ວັນທີ 25/12/2024