ປະກາດບົ່ງຕົວ ແຕ່ງຕັ້ງ ກໍາມະການຄະນະພັກຮາກຖານ, ເລຂາ-ຮອງເລຂາ
ໜ່ວຍພັກ ຂຶ້ນກັບຄະນະພັກຮາກຖານ ໂຮງຮຽນ 307
ສະຫາຍ ພົນຕີ ສົມພອນ ມິດຕະພອນ ກໍາມະການຄະນະພັກກະຊວງປ້ອງກັນປະເທດ, ຮອງຫົວໜ້າກົມໃຫຍ່ເສນາທິການກອງທັບ ເປັນປະທານ
ພິທີປະກາດການບົ່ງຕົວແຕ່ງຕັ້ງ ກໍາມະການຄະນະພັກຮາກຖານ, ເລຂາ-ຮອງເລຂາ ໜ່ວຍພັກ ທີ່ຂຶ້ນກັບຄະນະພັກຮາກຖານ ໂຮງຮຽນ
307 ໄດ້ຈັດຂຶ້ນ ວັນທີ 3 ມັງກອນ 2025 ນີ້, ໂດຍການເປັນປະທານ ຂອງ ສະຫາຍ ພົນຕີ ສົມພອນ ມິດຕະພອນ ກໍາມະການຄະນະພັກກະ
ຊວງປ້ອງກັນປະເທດ, ຮອງຫົວໜ້າກົມໃຫຍ່ເສນາທິການກອງທັບ, ມີຄະນະພັກ-ຄະນະບັນຊາ, ພະນັກງານ-ສະມາຊິກພັກ ເຂົ້າຮ່ວມ.
ສະຫາຍ ພັນໂທ ທອງວັນ ສິງວັນທາ ຫົວໜ້າພະແນກຈັດຕັ້ງພັກ ຫ້ອງການເມືອງ ກົມໃຫຍ່ເສນາທິການກອງທັບ ຜ່ານມະຕິຕົກລົງຂອງ
ຄະນະປະຈໍາພັກ ກົມໃຫຍ່ເສນາທິການກອງທັບ ວ່າດ້ວຍການບົ່ງຕົວແຕ່ງຕັ້ງກໍາມະການຄະນະພັກຮາກຖານ, ເລຂາ-ຮອງເລຂາໜ່ວຍພັກ ຂຶ້ນ
ກັບຄະນະພັກຮາກຖານ ໂຮງຮຽນ 307. ໃນນີ້ຄະນະປະຈໍາພັກ ກົມໃຫຍ່ເສນາທິການກອງທັບ ຕົກລົງບົ່ງຕົວແຕ່ງຕັ້ງ ສະຫາຍ ພັນໂທ ກົງໃຈ
ໄຊຍະສານ ຫົວໜ້າການເມືອງ ກອງພັນ 302 ໂຮງຮຽນ 307 ເປັນກໍາມະການໂຄສະນາ-ຂະບວນການ, ສະຫາຍ ພັນໂທ ຫົງສາ ດວງສົມບູນ
ຫົວໜ້າພະແນກການເມືອງ ເປັນເລຂາໜ່ວຍພັກພະແນກການເມືອງ, ສະຫາຍ ພັນໂທ ສົມພູ ເພົາພອນທິບ ຮອງຫົວໜ້າພະແນກການເມືອງ
ເປັນຮອງເລຂາໜ່ວຍພັກ ພະແນກການເມືອງ, ສະຫາຍ ພັນໂທ ກໍລະກັນ ແສງສຸລິຍາ ຫົວໜ້າພະແນກຄົ້ນຄວ້າໂຄງການຫຼັກສູດການຮຽນ-
ການສອນ ເປັນເລຂາໜ່ວຍພັກພະແນກຄົ້ນຄວ້າໂຄງການຫຼັກສູດການຮຽນ-ການສອນ.
ສະຫາຍ ພົນຕີ ສົມພອນ ມິດຕະພອນ ໄດ້ເນັ້ນໜັກໃຫ້ຜູ້ທີ່ໄດ້ຮັບການບົ່ງຕົວແຕ່ງຕັ້ງໃໝ່ໃນຄັ້ງນີ້ ພ້ອມກັນຍົກສູງບົດບາດຄວາມຮັບຜິດ
ຊອບຕໍ່ໜ້າທີ່ການເມືອງຂອງຕົນ, ເອົາໃຈໃສ່ປັບປຸງກໍ່ສ້າງພັກໃຫ້ມີຄວາມໜັກແໜ້ນ ເຂັ້ມແຂງ ໃນທຸກດ້ານ, ປະຕິບັດຕາມ 5 ຫຼັກການ 3 ທິດ
ນໍາຂອງພັກ, ມີຄວາມຊື່ສັດບໍລິສຸດຕໍ່ອຸດົມການຂອງພັກ-ລັດ, ເຮັດວຽກເປັນໝູ່ຄະນະ ຕາມຫຼັກການລວມສູນປະຊາທິປະໄຕ, ຄົ້ນຄວ້າຊອກຮູ້
ຮໍ່າຮຽນທິດສະດີ ມາກ-ເລນິນ ເພື່ອນໍາມາໝູນໃຊ້ເຂົ້າໃນໜ້າທີ່ວຽກງານຂອງຕົນໃຫ້ມີຜົນສໍາເລັດສູງ.
ແຫຼ່ງຂ່າວໂດຍ ແກ່ນຕາ ສີລິລາດ
ວັນທີ 07/01/2025