ປະກາດແຕ່ງຕັ້ງ ຫົວໜ້າການທະຫານ ວຕກ

    ພິທີປະກາດການແຕ່ງຕັ້ງ ອຳນວຍການ, ຫົວໜ້າການທະຫານ ຢູ່ ວິທະຍາຄານເຕັກນິກການທະຫານ ໄດ້ຈັດຂຶ້ນ ໃນວັນທີ 30 ທັນ
ວາ 2024 ນີ້, ໂດຍການເປັນປະທານຂອງ ສະຫາຍ ພົນຕີ ປະສິດ ທ່ຽງທໍາ ກໍາມະການຄະນະປະຈຳພັກກະຊວງ, ຮອງລັດຖະມົນຕີກະຊວງ
ປ້ອງກັນປະເທດ, ມີສະຫາຍ ພົນຈັດຕະວາ ຈອມເພັດ ໄຊຍະສຸກ ຫົວໜ້າກົມໃຫ່ຍເຕັກນິກກອງທັບ, ມີຄະນະພັກ-ຄະນະອຳນວຍການ, ພະ
ນັກງານຫຼັກແຫຼ່ງທົ່ວ ວຕກ ເຂົ້າຮ່ວມ.

     ສະຫາຍ ພັນໂທ ວັນທອງ ທຳມະຕານ ຮອງຫົວໜ້າກົມພະນັກງານ ກົມໃຫ່ຍການເມືອງກອງທັບ ຂຶ້ນຜ່ານຂໍ້ຕົກລົງກະຊວງປ້ອງກນປະ
ເທດ ວ່າດ້ວຍການອະນຸມັດ ໃຫ້ນາຍທະຫານ ຢູ່ ວິທະຍາຄານເຕັກນິກການທະຫານ ພັກການກຽມຮັບບຳນານ ໂດຍອະນຸມັດໃຫ້ ສະຫາຍ
ພັນເອກ ສີສະໝອນ ໂນລະສິນ ອຳນວຍການ ຫົວໜ້າການທະຫານ ວິທະຍາຄານເຕັກນິກການທະຫານ ກຽມຮັບບຳນານ ແລະ ຜ່ານຂໍ້ຕົງ
ລົງ ວ່າດ້ວຍ ການແຕ່ງຕັ້ງ ສະຫາຍ ພົນຈັດຕະວາ ປອ ຟອງສະໝຸດ ພົນທິລາດ ເປັນອຳນວຍການ ຫົວໜ້າການທະຫານ ວິທະຍາຄານເຕັກ
ນິກການທະຫານ ຜູ້ໃໝ່, ຜ່ານຂໍ້ຕົກລົງວ່າດ້ວຍການ ຍົກຍ້າຍນາຍທະຫານ ໃນນີ້ ຕົກລົງ ຍົກຍ້າຍ ສະຫາຍ ພັນເອກ ວຽງຄຳຫຼ້າ ແພງປັນ
ຍາ ຮອງເລຂາຄະນະພັກ ຫົວໜ້າຫ້ອງເຕັກນິກ ວິທະຍາຄານເຕັກນິກການທະຫານ ໄປຮັບໜ້າທີ່ໃໝ່ຢູ່ກົມເຕັກນິກເຫຼົ່າຮົບ ແລະ ຜ່ານມະຕິ
ຕົກລົງຂອງຄະນະປະຈຳພັກກະຊວປ້ອງກັນປະເທດ ວ່າດ້ວຍການແຕ່ງຕັ້ງ ຮອງເລຂາຄະນະບໍລິຫານງານພັກ ວຕກ.

     ສະຫາຍ ພັນເອກ ສີສະໝອນ ໂນລະສິນ ຂຶ້ນຜ່ານບົດສະຫຼຸບຫຍໍ້ ກ່ຽວກັບບັນດາໜ້າວຽກທີ່ໄດ້ປະຕິບັດ ໃນໄລຍະຜ່ານມາ ເຊິ່ງ ໄດ້
ເປັນເຈົ້າການໃນການຈັດຕັ້ງຊີ້ນຳ-ນໍາພາ ວຽກງານຕ່າງໆ ຕາມພາລະບົດບາດ, ສິດ ແລະ ໜ້າທີຂອງຕົນ ໃນນັ້ນສາມາດສ້າງຜົນງານພັດທະ
ນາກົມກອງ ເຮັດໃຫ້ສະພາບພາຍໃນ ວຕກ ມີຄວາມສະຫງົບ, ພະນັກງານ-ນັກຮົບມີແນວຄິດການເມືອງ ໜັກແໜ້ນເຂັ້ມແຂງ, ສາມາດ
ເຮັດສຳເລັດໜ້າທີການເມືອງຂອງຕົນເປັນຢ່າງດີ.

     ສະຫາຍ ພົນຕີ ປະສິດ ທ່ຽງທຳ ໄດ້ກ່າວສະແດງຄວາມຍ້ອງຍໍຊົມເຊີຍຕໍ່ກັບຜົນງານທີ່ຫົວໜ້າການທະຫານ ຜູ້ເກົ່ານຳພາ ແລະ ຍາດ
ມາໄດ້ໃນໄລຍະຜ່ານມາ ພ້ອມທັງເນັ້ນໜັກໃຫ້ຫົວໜ້າການທະຫານຜູ້ໃໝ່ ຍົກສູງຄວາມຮັບຜິດຊອບໜ້າທີ່ການເມືອງຂອງຕົນໃນການ ຊີ້
ນຳ-ນໍາພາ ຂົງເຂດວຽກງານ ຕາມພາລະບົດບາດຂອງກົມກອງ, ປັບປຸງແບບແຜນວິທີເຮັດວຽກ, ເພີ່ມທະວີຄວາມສາມັກຄີພາຍໃຫ້ເປັນປຶກ
ແຜ່ນ, ສືບຕໍ່ປັບປຸງກໍ່ສ້າງກົມກອງໃຫ້ມີຄວາມໜັກແໜ້ນ ເຂັ້ມແຂງໃນທຸກດ້ານ ກ້າວສູ່ການປັບປຸງບູລະນະກົງຈັກການຈັດຕັ້ງພາຍໃນໃຫ້
ຖືກຕ້ອງສອດຄ່ອງກັບໜ້າທີ່ວິຊາສະເພາະຂອງກົມກອງ.

ແຫຼ່ງຂ່າວໂດຍ ໄຂຄຳ ພົມມະສານ
ວັນທີ 31/12/2024