ມອບ-ຮັບ ໜ້າທີ່ ຫົວໜ້າກົມວິທະຍາສາດ-ປະຫວັດສາດ
ການທະຫານ ລະຫວ່າງ ຜູ້ເກົ່າ ແລະ ຜູ້ໃໝ່
ໃນວັນທີ 28 ມັງກອນ 2025 ນີ້, ຢູ່ ກົມ ວິທະຍາສາດ-ປະຫວັດສາດ ການທະຫານ ກະຊວງປ້ອງກັນປະເທດ ໄດ້ຈັດຕັ້ງພິທີ ມອບ-ຮັບໜ້າ
ທີ່ ລະຫວ່າງ ສະຫາຍ ພົນຈັດຕະວາ ວຽງໄຊ ສົມວິຈິດ ຫົວໜ້າ ກົມ ວິທະຍາສາດ-ປະຫວັດສາດ ການທະຫານ (ຜູ້ເກົ່າ) ແລະ ສະຫາຍ ພົນຈັດ
ຕະວາ ຂວັນມິ່ງ ບິດາສັກ ຫົວໜ້າກົມວິທະຍາສາດ-ປະຫວັດສາດ ການທະຫານ (ຜູ້ໃໝ່) ໂດຍການເປັນປະທານ ຂອງສະຫາຍ ພົນຕີ ວົງສອນ ອິນ
ປານພິມ ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ການເມືອງກອງທັບ, ມີຄະນະກົມ, ຫ້ອງການ, ແຂກຖືກເຊີນ, ພະນັກງານ
ຫຼັກແຫຼ່ງພາຍໃນກົມ ເຂົ້າຮ່ວມ.
ສະຫາຍ ພົນຈັດຕະວາ ວຽງໄຊ ສົມວິຈິດ ໄດ້ຜ່ານບົດສະຫຼຸບໂດຍຫຍໍ້ ໃນການນຳພາ-ຊີ້ນຳບັນດາວຽກງານທີ່ໄດ້ຈັດຕັ້ງປະຕິບັດຕາມພາລະບົດ
ບາດ, ສິດ ແລະ ໜ້າທີ່ຄວາມຮັບຜິດຊອບ ຂອງກົມວິທະຍາສາດ-ປະຫວັດສາດ ການທະຫານ ໃນໄລຍະຜ່ານມາເປັນເຈົ້າການຈັດຕັ້ງປະຕິບັດວຽກ
ງານສຶກສາອົບຮົມການເມືອງ-ນໍາພາແນວຄິດ ໃຫ້ພະນັກງານ-ນັກຮົບ ສອດຫ້ອຍເຂົ້າໃນທຸກຂົງເຂດວຽກງານ ດ້ວຍຫຼາຍຮູບການຫຼາຍລະດັບແຕກ
ຕ່າງກັນເຂົ້າໃນແຕ່ລະເປົ້າໝາຍຖັນແຖວພະນັກງານ-ນັກຮົບ ໂດຍໄດ້ນຳເອົາມະຕິ, ຄຳສັ່ງ, ຂໍ້ກຳນົດ, ກົດລະບຽບຂອງກອງທັບ, ກົດໝາຍຂອງພັກ
-ລັດ ກໍຄືເອກະສານຕ່າງໆ ທີ່ມີການພົວພັນເຖິງຂົງເຂດຄວາມຮັບຜິດຊອບ ແລະ ເປັນບ່ອນອີງອັນແໜ້ນແກ່ນໃຫ້ແກ່ການຈັດຕັ້ງຄົ້ນຄວ້າແຜນງານ,
ເຊື່ອມຊຶມຮັບຮູ້ເຂົ້າໃຈຢ່າງເລິກເຊິ່ງ, ປັບປຸງລະບຽບການ ແລະ ແບບແຜນວິທີເຮັດວຽກ, ຊີ້ນຳສະຫຼຸບບັ້ນຮົບ-ບັ້ນຕີທີ່ເດັ່ນ 3 ບັ້ນ, ຊີ້ນຳຂຽນປະຫວັດ
ສາດມູນເຊື້ອກອງທັບປະຊາຊົນລາວ, ປະຫວັດສາດມູນເຊື້ອບັນດາກົມກອງກຳລັງຫຼວງ-ກຳລັງທ້ອງຖິ່ນ, ຂຽນປະຫວັດສາດມູນເຊື້ອພະນັກງານການ
ນຳປະຕິວັດອາວຸໂສ, ຊີ້ນຳຈັດຕັ້ງກອງປະຊຸມສຳມະນາວິທະຍາສາດ 2 ຄັ້ງ, ຈັດຕັ້ງກອງປະຊຸມວິທະຍາສາດ-ປະຫວັດສາດ ການທະຫານທົ່ວກອງທັບ
ຄັ້ງທີ 4, ຊີ້ນຳຂຽນໂຄງການ ການພົວພັນຮ່ວມມືສອງກອງທັບ ລາວ-ຈີນ, ຈີນ-ລາວ (1945-2025), ໂຄງ ການ ການພົວພັນຮ່ວມມືສອງກອງທັບ
ລາວ-ຣັດເຊຍ (1945-2025). ຈາກນັ້ນ, ໄດ້ພ້ອມກັນລົງນາມບົດບັນທຶກການມອບ-ຮັບໜ້າທີ່ ຫົວໜ້າກົມວິທະຍາສາດ-ປະຫວັດສາດ ການທະ
ຫານ ລະຫວ່າງ ຜູ້ເກົ່າ ແລະ ຜູ້ໃໝ່.
ໂອກາດນີ້, ສະຫາຍ ພົນຕີ ວົງສອນ ອິນປານພິມ ໄດ້ໂອ້ລົມບາງຕອນວ່າ: ການມອບ-ຮັບໜ້າທີ່ໃນຄັ້ງນີ້ ເປັນກົດເກນພາວະວິໄສ ແລະ ແມ່ນ
ການປະຕິບັດແນວທາງນະໂຍບາຍ ຂອງພັກ-ລັດ ກໍຄືກະຊວງປ້ອງກັນປະເທດ ທີ່ມີຕໍ່ນາຍທະຫານຂັ້ນສູງ ເມື່ອຮອດອາຍຸກະສຽນຕ້ອງໄດ້ຮັບນະໂຍ
ບາຍພັກການເຂົ້າຮັບບຳນານ ຕາມກົດໝາຍ ຂອງນາຍທະຫານ ກອງທັບປະຊາຊົນລາວ ພ້ອມທັງ ຕີລາຄາສູງ ແລະ ສະແດງຄວາມຍ້ອງຊົມເຊີຍ ຕໍ່
ສະຫາຍ ພົນຈັດຕະວາ ວຽງໄຊ ສົມວິຈິດ ທີ່ໄດ້ສຸມເຫື່ອແຮງ, ສະຕິປັນຍາ ປະກອບສ່ວນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະ
ເທດຊາດ ຈົນເຮັດສຳເລັດໜ້າທີ່. ຈາກນັ້ນ, ໄດ້ເນັ້ນໜັກໃຫ້ຜູ້ທີ່ໄດ້ຮັບໜ້າທີ່ໃໝ່ ຈົ່ງເຊີດຊູ, ຍົກສູງພາລະບົດບາດການນຳພາ-ຊີ້ນຳ ຕໍ່ໜ້າທີ່ການເມືອງ
ທີ່ໄດ້ມອບໝາຍ, ເປັນແບບຢ່າງໃຫ້ພະນັກງານຂັ້ນລຸ່ມຢ່າງຮອບດ້ານ, ຖືເອົາວຽກງານສຶກສາອົບຮົມການເມືອງ-ນໍາພາແນວຄິດ, ວຽກງານກໍ່ສ້າງພັກ-
ພະນັກງານໃຫ້ໜັກແໜ້ນ ແລະ ເຂັ້ມແຂງ, ເພີ່ມທະວີຄວາມສາມັກຄີພາຍໃນໝູ່ຄະນະ, ເປັນເຈົ້າການນຳພາ-ຊີ້ນຳໃຫ້ແທດເຖິງຕົວຈິງ, ປະຕິບັດຕາມ
5 ຫຼັກການ 3 ທິດນຳຂອງພັກ, ເຮັດວຽກຢ່າງມີຫຼັກການວິທະຍາສາດ, ມີແບບແຜນ ແລະ ທັນສະ ໄໝ ເພື່ອພ້ອມກັນເຮັດສຳເລັດໜ້າທີ່ການເມືອງ
ຕາມການຈັດຕັ້ງຂັ້ນເທິງມອບໝາຍໃຫ້.
ແຫຼ່ງຂ່າວໂດຍ ຈອນນີ້
ວັນທີ 29/01/2025