ສະຫຼຸບການຈັດຕັ້ງປະຕິບັດວຽກງານຮອບດ້ານ ຂອງກະຊວງປ້ອງກັນປະເທດ ປະຈໍາປີ 2024

    ວັນທີ 25 ທັນວາ 2024 ກອງປະຊຸມສະຫຼຸບຕີລາຄາການຈັດຕັ້ງປະຕິບັດວຽກງານຮອບດ້ານ ຂອງກະຊວງປ້ອງກັນປະເທດ ປະຈໍາປີ 2024
ແລະ ວາງທິດທາງແຜນການ ປະຈໍາປີ 2025 ໂດຍການເປັນປະທານ ຂອງສະຫາຍ ພົນໂທ ຄໍາລຽງ ອຸທະໄກສອນ ກໍາມະການສູນກາງພັກ, ລັດ
ຖະມົນຕີກະຊວງປ້ອງກັນປະເທດ, ມີບັນດາຄະນະນໍາກະຊວງ, ຄະນະນໍາບັນດາກົມໃຫຍ່, ຫ້ອງວ່າການ ກະຊວງປ້ອງກັນປະເທດ, ຫ້ອງການຄະ
ນະກຳມະການ ປກຊ-ປກສ ສູນກາງ, ວິທະຍາຄານ, ກອງພົນ, ກອງພັນໃຫຍ່, ກອງບັນຊາການທະຫານແຂວງ ແລະ ນະຄອນຫຼວງວຽງຈັນ, ໂຮງ
ຮຽນ, ໂຮງໝໍ, ລັດວິສາຫະກິດ ໃນກອງທັບ ພ້ອມດ້ວຍພະນັກງານຫຼັກແຫຼ່ງກົມກອງອ້ອມຂ້າງ ກະຊວງປ້ອງກັນປະເທດ ເຂົ້າຮ່ວມ.

     ສະຫາຍ ພົນໂທ ຄໍາລຽງ ອຸທະໄກສອນ ໄດ້ກ່າວເປີດກອງປະຊຸມ ເຊິ່ງມີເນື້ອໃນບາງຕອນວ່າ: ການດໍາເນີນກອງປະຊຸມຄັ້ງນີ້ ແມ່ນນອນຢູ່ໃນ
ທ່າມກາງບັນຍາກາດທີ່ທົ່ວພັກ, ທົ່ວລັດ, ທົ່ວກອງທັບ ແລະ ປວງຊົນລາວທັງຊາດ ພວມສຸມໃສ່ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ
XI ຂອງພັກ, ແຜນພັດທະນາເສດຖະກິດສັງຄົມແຫ່ງຊາດ 5 ປີ ຄັ້ງທີ IX ເຂົ້າສູ່ຊີວິດຕົວຈິງຢ່າງເປັນຂະບວນກວ້າງຂວາງ ໃນທົ່ວສັງຄົມ, ສະເພາະ
ກອງທັບປະຊາຊົນລາວ ພວມເຄັ່ງຮ້ອນຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ V, ມະຕິ ວ່າດ້ວຍ 4 ໜ້າທີ່ໃຫຍ່ 26 ແຜນງານ ໄປພ້ອມ
ກັບການຈັດຕັ້ງດໍາເນີນກອງປະຊຸມ 3 ຂັ້ນ ຂອງພັກທົ່ວກອງທັບ, ຕິດພັນກັບການຈັດຕັ້ງປະຕິບັດ 2 ວາລະແຫ່ງຊາດ, ການກໍ່ສ້າງໜ່ວຍພັກປອດໃສ
ເຂັ້ມແຂງ ໜັກແໜ້ນ, ການກໍ່ສ້າງກອງ 3 ປອດ, ການສ້າງນັກຮົບ-ກົມກອງວັດທະນະທໍາ ພົ້ນເດັ່ນແມ່ນ ຊົມເຊີຍ ຕໍ່ຜົນສໍາເລັດການເປັນເຈົ້າພາບ
ຈັດຕັ້ງກອງປະຊຸມສຸດຍອດອາຊຽນ ຄັ້ງທີ 44-45 ແລະ ການເປັນປະທານກອງປະຊຸມປິ່ນອ້ອມ ເຊິ່ງກອງທັບປະຊາຊົນລາວ ໄດ້ເປັນປະທານກອງ
ປະຊຸມ ທັງໝົດ 29 ກອງປະຊຸມ ໂດຍສະເພາະແມ່ນກອງປະຊຸມລັດຖະມົນຕີກະຊວງປ້ອງກັນປະເທດອາຊຽນ ຄັ້ງທີ 18 ແລະ ອາຊຽນ-ບວກ ຄັ້ງ
ທີ 11 ສໍາເລັດລົງດ້ວຍໝາກຜົນຈົບງາມ, ໄປພ້ອມກັບການກະກຽມບັນດາເນື້ອໃນ ແລະ ຮັບປະກັນດ້ານຕ່າງໆ ເພື່ອສະເຫຼີມສະຫຼອງ 3 ວັນປະຫວັດ
ສາດ ໃນປີ 2025 ໃຫ້ເຕັມໄປດ້ວຍເນື້ອໃນເລິກເຊິ່ງ ແລະ ມີບັນຍາກາດຟົດຟື້ນກວ້າງຂວາງ. ໃນປີ 2024, ພາຍໃຕ້ການນໍາພາ-ຊີ້ນໍາ ຂອງຄະນະພັກ
ກະຊວງ ກໍຄືຄະນະພັກ-ຄະນະບັນຊາແຕ່ລະຂັ້ນ ໃນການຈັດຕັ້ງປະຕິບັດແນວທາງນະໂຍບາຍຂອງພັກ ແລະ ວຽກງານຈຸດສຸມ ຂອງກະຊວງ ສາມາດ
ຍາດໄດ້ຜົນສໍາເລັດໃນຫຼາຍດ້ານ, ຮັບປະກັນສະຖຽນລະພາບທາງດ້ານການເມືອງ, ມີຄວາມສະຫງົບ, ແກ້ໄຂຄວາມທຸກຍາກ ຂອງປະຊາຊົນຢ່າງໜັກ
ແໜ້ນທົ່ວເຖິງ ໃນນັ້ນ, ກອງທັບປະຊາຊົນລາວ ໄດ້ເປັນກຳລັງຫຼັກແຫຼ່ງໃນການປ້ອງກັນບັນດາວັນບຸນ ແລະ ກອງປະຊຸມສໍາຄັນຕ່າງໆ ມີຄວາມສະ
ຫງົບປອດໄພ 100%, ສ້າງໄດ້ຄວາມເຊື່ອໝັ້ນໄວ້ວາງໃຈ ຈາກການນໍາພັກ-ລັດ ກໍຄືປະຊາຊົນບັນດາເຜົ່າ ພ້ອມນີ້, ກໍໄດ້ສຸມໃສ່ຮັບປະກັນປົກປັກຮັກ
ສາອຳນາດອະທິປະໄຕຂອງຊາດ, ຮັບປະກັນເຮັດໃຫ້ການເມືອງມີສະຖຽນລະພາບ, ສັງຄົມມີຄວາມສະຫງົບປອດໄພໂດຍພື້ນຖານ, ການປະຕິບັດແນວ
ທາງແຜນນະໂຍບາຍຂອງພັກ, ການພັດທະນາເສດຖະກິດ, ວັດທະນະທຳ-ສັງຄົມ ຍັງສືບຕໍ່ຂະຫຍາຍຕົວ, ຊີວິດການເປັນ ຢູ່ຂອງປະຊາຊົນ ໄດ້ຮັບການ
ປັບປຸງດີຂຶ້ນເປັນກ້າວໆ, ການປັບປຸງກໍ່ສ້າງກອງທັບມີຫຼາຍດ້ານພົ້ນເດັ່ນຂຶ້ນ ແລະ ກ້າວເຂົ້າສູ່ຄວາມເປັນລະບຽບ, ມີແບບແຜນ ແລະ ທັນສະໄໝ.

     ກອງປະຊຸມຄັ້ງນີ້, ໄດ້ພ້ອມກັນສັງເກດຕີລາຄາຄືນ ການຈັດຕັ້ງປະຕິບັດວຽກງານໃນປີຜ່ານມາ ໂດຍສະເພາະແມ່ນ 4 ໜ້າທີ່ໃຫຍ່ 26 ແຜນງານ
ທີ່ຄະນະພັກກະຊວງປ້ອງກັນປະເທດ ກໍຄືບັນດາກົມກອງໄດ້ຈັດຕັ້ງປະຕິບັດ ເພື່ອຄວາມເປັນເອກະພາບໃນການປັບປຸງກໍ່ສ້າງກອງທັບ ໃຫ້ມີການຫັນ
ປ່ຽນໃໝ່ຢ່າງຕັ້ງໜ້າ ແລະ ພ້ອມກັນຄົ້ນຄວ້າເປັນເອກະພາບ ຕໍ່ທິດທາງແຜນການທີ່ຈະສຸມໃສ່ຈັດຕັ້ງປະຕິບັດໃນປີ 2025, ໃນການຄົ້ນຄວ້າ ຕ້ອງຍົກ
ສູງຈິດໃຈຄວາມເປັນເຈົ້າການ, ເສີມຂະຫຍາຍປະຊາທິປະໄຕ ແລະ ມີຄວາມຮັບຜິດຊອບໃນການເບິ່ງບັນຫາ, ຕີລາຄາສະພາບການຢ່າງພາວະວິໄສ,
ເບິ່ງຄືນບັນດາໜ້າວຽກທີ່ເຮັດໄດ້ ແລະ ບັນຫາຫຍໍ້ທໍ້ທີ່ຍັງຄົງຄ້າງ ເພື່ອກໍານົດທິດທາງວຽກງານຈຸດສຸມໃນປີ 2025 ໃຫ້ແທດເໝາະກັບສະພາບຕົວຈິງ
ຂອງກອງທັບປະຊາຊົນລາວ.

     ສະຫາຍ ລັດຖະມົນຕີກະຊວງປ້ອງກັນປະເທດ ຍັງໄດ້ຮຽກຮ້ອງໃຫ້ບັນດາຜູ້ແທນທີ່ເຂົ້າຮ່ວມກອງປະຊຸມ ຍົກສູງຄວາມຮັບຜິດຊອບ, ເປັນເຈົ້າ
ການສຸມສະຕິປັນຍາເຂົ້າໃນການຄົ້ນຄວ້າ, ຍົກໃຫ້ເຫັນບັນຫາ ເພື່ອປັບປຸງແກ້ໄຂ ແລະ ປະກອບຄໍາເຫັນໃສ່ເນື້ອໃນຕ່າງໆ ຂອງກອງປະຊຸມຄັ້ງນີ້ ໃຫ້ມີ
ຜົນສໍາເລັດຢ່າງຈົບງາມ. ກອງປະຊຸມ ຈະໄດ້ດໍາເນີນເປັນເວລາ 2 ວັນ ຈຶ່ງຈະສໍາເລັດ.

ແຫຼ່ງຂ່າວໂດຍ ສົມຄິດ ພູມມີຈິດ
ວັນທີ 26/12/2024