ອັງກິດ ແລະ ສະວີເດັນ ເຊັນສັນຍາຮ່ວມມື ເລື່ອງລະບົບການສູ້ຮົບທາງອາກາດໃນອານາຄົດ
ອີງຕາມຂໍ້ມູນບາງສື່ຂອງປະເທດ ອັງກິດ ລາຍງານວ່າ: ທ່ານ ນາງ ເພນນີ່ ມໍດາອານ ລັດຖະມົນຕີກະຊວງປ້ອງກັນປະເທດ ອັງກິດ ແລະ ທ່ານ ປີເຕີ ເຣວວິດ ລັດຖະ
ມົນຕີກະຊວງປ້ອງກັນປະເທດ ສະວີເດນ ໄດ້ເຊັນສັນຍາຄວາມຮ່ວມມື ( MOU ) ຮ່ວມກັນເມື່ອ ວັນທີ 18 ກໍລະກົດ 2019 ທີ່ຜ່ານມາກ່ຽວກັບຄວາມຮວ່ມມື ເລື່ອງລະ
ບົບການສູ້ຮົບທາງອາກາດ ໃນອານາຄົດ.
ຄວາມສໍາຄັນຂອງສັນຍາດັ່ງກ່າວນັ້ນ, ທາງກະຊວງປ້ອງກັນປະເທດ ອັງກິດ ໄດ້ອະທິບາຍຜ່ານເວບໄຊຂອງກະຊວງວ່າ: ສັນຍາສະບັບນີ້ ມີຈຸດປະສົງເພື່ອໃຫ້ທັງສອງ
ປະເທດ ສ້າງຄວາມຮ່ວມມືດ້ານກາພັດທະ ນາການສູ້ຮົບທາງອາກາດ ແລະ ການພັດທະນາໂປເເກຣມສໍາລັບການໃຊ້ງານດ້ານເຮືອບິນສູ້ຮົບ ລວມໄປເຖິງການພັດທະນາ
ແນວຄິດໃໝ່ໆ ເພື່ອໃຫ້ທັງສອງປະເທດ ໄດ້ນໍາໄປຕອບສະໜອງກັບການສູ້ຮົບທາງອາ ກາດໃນອານາຄົດໄດ້ຢ່າງມີປະສິດທິພາບ.
ສ່ວນທາງດ້ານກະຊວງປ້ອງກັນປະເທດ ສະວີເດນ ໄດ້ອະທິບາຍກ່ຽວກັບສັນຍາສະບັບນີ້ວ່າ: ນີ້ເປັນຈຸດເລີ່ມຕົ້ນຂອງທັງສອງປະເທດ ທີ່ຈະໄດ້ຮ່ວມມືກັນວິເຄາະການ
ເຮັດວຽກຂອງທັງສອງປະເທດເພື່ອພັດທະນາຄວາມສາມາດໃນການສູ້ຮົບທາງອາກາດຂອງເຮືອບິນສູ້ຮົບໃຫ້ຫຼາຍຂຶ້ນ.