ຣັດເຊຍ ໄດ້ນຳເອົາລົດຕັງຣຸ່ນໃໝ່ຫຼ້າສຸດເຂົ້າປະຈຳການໃນກອງທັບ
ສຳນັກຂ່າວ TASS ໄດ້ລາຍງານໃນວັນທີ 22 ມິຖຸນາ 2019 ທີ່ຜ່ານມາວ່າ: ຣັດເຊຍ ໄດ້ນຳເອົາລົດຕັງຮຸ່ນ BMPT Terminator ເຊິ່ງເປັນຮຸ່ນໃໝ່ຫຼ້າສຸດເຂົ້າປະ
ຈໍາການໃນກອງທັບ ຣັດເຊຍແລ້ວ ໂດຍລົດຕັງປະເພດນີ້ ແມ່ນມີຂີດຄວາມສາມາດໃນການຍິງລູກປືນໃຫຍ່ຂະໜາດ 30 ມມ ທີ່ສາມາດຕັ້ງຄ່າການລະເບີດແຕກກາງອາ
ກາດໄດ້ອີກດ້ວຍ.
ລົດຕັງ BMPT Terminator ສາມາດຍິງລູກປືນໃຫຍ່ 30 ມມ ທີ່ໃຊ້ຊະນວນການກະທົບແຕກແບບປົກກະຕິທົ່ວໄປ ເຊິ່ງມັນຈະລະເບີດເມື່ອລູກປືນກະທົບກັບສິ່ງ
ກີດຂວາງ, ໂດຍມັນຖືກພັດທະນາ ໂດຍບໍລິສັດ Oerlikon ຂອງປະເທດສະວິດ, ເຊິ່ງປັດຈຸບັນແມ່ນຢູ່ໃນເຄືອຂ່າຍຂອງ Rheinmetall. ລູກປືນແບບຄົບນັດຈະລະເບີດ
ແຕກສະເກັດຕາມເວລາຄໍານວນ ການຕັ້ງຄ່າໄວ້ໂດຍລະບົບຄວມຄຸມການຍິງ ດັ່ງນັ້ນມັນຈຶ່ງສາມາດຍິງທຳລາຍສະໜາມຂອງຝ່າຍກົງກັນຂ້າມໄດ້ ແລະ ຍັງສາມາດທຳ\
ລາຍພົນທະຫານທີ່ລີ້ຊ່ອນຢູ່ຕາມສະຖານທີ່ກຳບັງຕ່າງໆໄດ້ຈາກການຍິງເຊິ່ງໜ້າ.
ສຳລັບການຍິງສະໜັບສະໜູນຂອງລົດຕັງ BMPT Terminator ແມ່ນມີການຕິດຕັ້ງປືນໃຫຍ່ 2A42 ຂະໜາດ 30x165 ມມ ສອງກະບອກໂດຍມີລູກປືນພ້ອມຮົບ
900 ນັດ, ອາວຸດປ່ອຍນຳວິຖີຕໍ່ສູ້ລົດຕັງ Ataka-T, ເຄື່ອງຍິງລູກລະເບີດແບບອັດຕະໂນມັດ 30 ມມ ແລະ ປືນກົນຮ່ວມແກນຂະໜາດ 7,62 ມມ ທັງໝົດແມ່ນຖືກອອກ
ແບບມາສະເພາະການຍິງສະໜັບສະໜູນສຳລັບໜ່ວຍຍານເກາະໃນການໂຈມຕີໂດຍສະເພາະ ແມ່ນການທຳລາຍລ້າງກຳລັງພົນຕິດອາວຸດຂອງຝ່າຍກົງກັນຂ້າມ ທີ່ມີອາວຸດ
ຕໍ່ສູ້ລົດຕັງ ແບບພົກພາເຄື່ອນຍ້າຍໄດ້ດ້ວຍທຸກຄົນ.