Boeing ຮ່ວມກັບ Embraer ຊຸກຍູ້ການສົ່ງອອກເຮືອບິນ C-390 ອອກສູ່ຕະຫຼາດໂລກ
ຕາມຂ່າວຈາກ QDND Online ລາຍງານໃນ ວັນທີ 21 ພະຈິກ 2019 ນີ້ວ່າ: ໃນງານວາງສະແດງເຮືອບິນນາໆຊາດທີ່ປະເທດ ດູໄບ (Dubai Airshow 2019)
ບໍລິສັດ ໂບອິງ ຜູ້ຜະລິດ ເຮືອບິນຊັ້ນນຳຂອງໂລກໄດ້ປະກາດການຮ່ວມມືກັບ ບໍລິສັດ Embraer ປະເທດ ບຣາຊິນ ເພື່ອປັບປຸງ ແລະ ປ່ຽນຊື່ເຮືອບິນຂົນ ສົ່ງທາງການທະ
ຫານ KC-390 ໃຫ້ກາຍເປັນເຮືອບິນ C-390 Millennium.
ການຮ່ວມມືລະຫວ່າງສອງ ບໍລິສັດຜູ້ຮັບເໝົາຈະມີຊື່ເອີ້ນວ່າ: Boeing Embraer-Defense ໂດຍມີໜ້າທີ່ຫຼັກແມ່ນຊຸກຍູ້ ແລະ ເປີດກວ້າງການສົ່ງອອກຂອງ
ເຮືອບິນ C-390 Millennium. ໃນນັ້ນກຸ່ມບໍລິສັດຂອງ ບຣາຊິນ ຈະເປັນຜູ້ຖືຮຸ່ນຢູ່ 51% ແລະ ບໍລິສັດ ໂບອິງ ຈະຖືຮຸ້ນ 49%. ການສ້າງຕັ້ງບໍລິສັດຮ່ວມ Boeing
Embraer-Defense ຈະຕ້ອງມີຂັ້ນຕອນການອານຸມັດຂັ້ນສຸດທ້າຍກ່ອນຈະດໍາເນີນງານຢ່າງ ເປັນທາງການ.
ທ່ານ ມາກ ອາເລັນ ຫົວໜ້າ ພະແນກພົວພັນຕ່າງປະເທດຂອງ ບໍລິສັດໂບອິງ ໄດ້ກ່າວວ່າ: ບໍລິສັດ ຕົນຈະພັດທະນາການພົວພັນບົນພື້ນຖານການຮ່ວມມືລະຫວ່າງ
ສອງບໍລິສັດໃນຂົງເຂດການຂົນສົ່ງທາງການບິນທີ່ມີມາແລ້ວ ກ່ອນໜ້ານີ້ ແລະ ຜູ້ຕາງໜ້າຂອງສອງຝ່າຍຍັງໄດ້ຢັ້ງຢືນເຖິງການຮ່ວມມືດັ່ງກ່າວຈະເປັນທ່າແຮງ ອັນໃຫຍ່
ຫຼວງໃຫ້ແກ່ເຮືອບິນຂົນສົ່ງທາງທະຫານ C-390 Millennium ຂອງ ສະຫະລັດອາເມຣິກາ ແລະ ເປັນການຊຸກຍູ້ການສົ່ງອອກ ຂອງເຮືອບິນຮຸ່ນດັ່ງກ່າວອອກສູ່ຕະ
ຫຼາດໂລກ.