ອາເມຣິກາຈະຕິດຕັ້ງລູກສອນໄຟນິວເຄຼຍໃສ່ເຮືອບິນຖິ້ມລະເບີດ B-52
ເຮືອບິນຖິ້ມລະເບີດ B-52H Stratofortressກອງທັບອາກາດອາເມຣິກາ
ຕາມຂ່າວທາງເວັບໄຊ QĐND Online ໃຫ້ຮູ້ວ່າ: ກອງທັບອາກາດອາເມຣິກາຈະປະສານສົມທົບກັບບໍລິສັດ Boeing ເພື່ອຕິດຕັ້ງລູກສອນໄຟໄລຍະໄກຕິດຫົວຮົບ
ນິວເຄຼຍໃສ່ກັບເຮືອ ບິນຖິ້ມລະເບີດຍຸດທະສາດ B-52H Stratofortress.
ໃນສັນຍາທີ່ມີມູນຄ່າ 250 ລ້ານໂດລານັ້ນໄດ້ກຳນົດວ່າບໍລິສັດໂບອີງຈະເປັນຜູ້ຮັບຜິດຊອບໃນການອອກແບບ ແລະ ຜະລິດລະບົບຖານຕັ້ງລູກສອນໄຟໃສ່ກັບຍົນ,
ປະກອບຕິດຕັ້ງລະບົບດັ່ງກ່າວ ແລະ ການທົດລອງນໍາໃຊ້ພາຍຫຼັງຕິດຕັ້ງ. ທັງໝົດແຜນການນີ້ຈະໃຫ້ສໍາເລັດໃນວັນທີ 31 ທັນວາ ປີ 2024.
ກ່ອນໜ້ານັ້ນເມື່ອກາງເດືອນເມສາປີ 2018, ກອງທັບອາກາດອາເມຣິກາກໍເຄີຍໄດ້ປະກາດໄປວ່າຕ້ອງການຊອກຫາບໍລິສັດພາຍໃນປະເທດທີ່ຜະລິດອຸປະກອນຕ່າງໆ
ຂອງເຮືອບິນເພື່ອມາປະຕິບັດໂຄງການນີ້ຕັ້ງແຕ່ຕົ້ນປີ 2019 ຈົນຮອດທ້າຍປີ 2023.
ເຖິງແມ່ນວ່າໂຄງການຕິດຕັ້ງລູກສອນໄຟໃສ່ເຮຶອບິນໄດ້ເລີ່ມລົງມືແລ້ວ, ແຕ່ລູກສອນໄຟ LRSO ທີ່ຈະຕິດຕັ້ງໃສ່ນັ້ນແມ່ນຍັງຢູ່ໃນຂັ້ນຕອນອອກແບບ ແລະ ທົດ
ລອງຢູ່ເຊິ່ງຄາດວ່າຈະສໍາເລັດໄວສຸດກໍແມ່ນໃນປີ 2030 ຈິ່ຶງຈະເລີ່ມເອົາອອກມານໍາໃຊ້. ກອງທັບອາກາດໄດ້ຂຶ້ນງົບປະມານ17 ຕື້ ໂດລາເພື່ອຈັດຊື້ລູກສອນໄຟຊະນິດນີ້
ຈໍານວນ 1.000 ລູກ.
ຕາມໂຄງການຜະລິກລູກສອນໄຟ LRSO, ເມື່ອເດືອນສິງຫາປີ 2017 ກອງທັບອາກາດອາເມຣິກາໄດ້ເຊັນສັນຍາສອງສະບັບມູນຄ່າ 1,8ຕື້ ໂດລາກັບສອງບໍລິສັດ
ຜະລິດອາວຸດປ້ອງກັນຊາດຄືບໍລິສັດ Lockheed Martin ແລະ ບໍລິສັດ Raytheonເພື່ອອອກແບບຈໍາລອງ ແລະ ຜະລິດມາສະເໜີ. ສັນຍານີ້ຈະໝົດອາຍຸໃນປີ 2022.
ຫລັງຈາກນັ້ນທາງກອງທັບອາກາດຈະເປັນຜູ້ຄັດເລືອກເອົາພຽງ 1 ບໍລິສັດມາຜະລິດລູກສອນໄຟ LRSO ຕາມທີ່ຕ້ອງການ. ຈຸດປະສົງທີ່ອາເມຣິການໍາໃຊ້ລູກສອນໄຟ
LRSO ແມ່ນເພື່ອເອົາມາປ່ຽນແທນລູກສອນໄຟ AGM-86B ທີ່ກອງທັບອາກາດອ້າງວ່າມັນເກົ່າແກ່ຫຼ້າສະໄໝ, ຍາກໃນການບຳລຸງຮັກສາ, ບໍ່ມີປະສິດທິພາບສູງ, ເຊິ່ງ
ທາງກອງທັບອາກາດອາເມຣິກາໄດ້ປະກອບໃສ່ຍົນຖິ້ມລະເບີດ B-52 ມາຕັ້ງແຕ່ ປີ 1980.
ລູກສອນໄຟ LRSO ຖືກອອກແບບມາໃຫ້ສາມາດຕິດຕັ້ງໃສ່ໄດ້ທັງເຮືອບິນ B-52, B-2 ແລະ B-21. ອາເມຣິກາໝັ້ນໃຈວ່າ ອາວຸດດັ່ງກ່າວຂອງຕົນຈະສາມາດ
ທະລຸລະບົບປ້ອງກັນອາກາດທີ່ທັນສະໄໝຂອງຝ່າຍກົງກັນຂ້າມໄດ້ແບບຫາຍຫ່ວງ.