ຍົນສູ້ຮົບຮຸ່ນ Su-57 ຈະເຂົ້າປະຈຳການໃນກອງທັບອາກາດ ຣັດເຊຍ ໃນທ້າຍປີ 2019
ຍົນສູ້ຮົບຮຸ່ນ Su-57
ຕາມຂ່າວຈາກ QDND Online ໃນວັນທີ 15 ພະຈິກ 2019 ນີ້ວ່າ: ທ່ານ Alexey Krivoruchko ລັດຖະມົນຕີ ກະຊວງປ້ອງກັນປະເທດ ຣັດເຊຍ ໄດ້ມອບໝາຍ
ໃຫ້ບໍລິສັດ Sukhoi ສົ່ງມອບຍົນສູ້ຮົບຮຸ່ນ Su-57 ໃຫ້ແກ່ກອງທັບອາກາດ ຣັດເຊຍ ໃນທ້າຍປີ 2019 ທີ່ຈະມາເຖິງ.
ທ່ານ Krivoruchko ໃຫ້ສໍາພາດໃນການຢ້ຽມຢາມວິສາຫະກິດ ປ້ອງກັນປະເທດ ຢູ່ເຂດຕາເວັນອອກໄກວ່າຍົນສູ້ຮົບຮຸ່ນ Su-57 ຊຸດທໍາອິດແມ່ນກຽມພ້ອມ ທີ່ຈະນໍາ
ເຂົ້າປະຈໍາການໃນກອງທັບອາກາດ ຣັດເຊຍກ່ອນປີ 2019ຈະສິ້ນສຸດລົງ ແລະ ຊຸດທີ່ສອງແມ່ນຈະເຂົ້າປະຈໍາການ ໃນປີ 2020 ທີ່ຈະມາເຖິງ ຫຼັງຈາກນັ້ນ ບໍລິສັດ ຈະເລັ່ງ
ການຜະລິດຍົນສູ້ຮົບຮຸ່ນດັ່ງກ່າວ ເພື່ອຕອບສະໜອງຕາມຄວາມຮຽກຮ້ອງຕ້ອງການຂອງກອງທັບອາກາດ ແລະ ຄວາມຕ້ອງການຂອງລູກຄ້າ.
ນອກຈາກນັ້ນ ທ່ານ Krivoruchko ຍັງໄດ້ເປີດເຜີຍວ່າ: ກອງທັບອາກາດ ຣັດເຊຍ ໄດ້ຮັບຍົນສູ້ຮົບຮຸ່ນ Su-35S ຈໍານວນ 10 ລໍາ ໂດຍຄົບຕາມຈໍານວນທີ່ຕ້ອງ
ການຂອງ ກອງທັບອາກາດ ພາຍໃນປີ 2019 ນີ້ ແລະ ຈະຮັບອີກ 10 ລໍາ ໃນປີ 2020
ນອກຈາກນີ້ ຣັດເຊຍ ຍັງໄດ້ຢືນຢັນເຖິງຄວາມພ້ອມທີ່ຈະສົ່ງອອກ ຍົນສູ້ຮົບຮຸ່ນ 5 ນີ້ໄປຍັງບັນດາປະເທດທີ່ມີຄວາມຕ້ອງການ.