ກອງທັບອິນເດຍຊື້ເຮລີກົບແຕໂຈມຕີ AH-64E
ເຮືອບິນໂຈມຕີໃນອານາຄົດຂອງກອງທັບອາກາດອິນເດຍ
ກອງທັບອາກາດອິນເດຍໄດ້ຮັບເຮືອບິນເຮລີກົບແຕAH-64E ຊຸດທໍາອິດຈາກທີ່ສັ່ງຊື້ທັງໝົດ 22 ລຳໂດຍພິທີມອບຮັບຈັດຂຶ້ນທີ່ໂຮງງານອາກາດສະຍານຂອງບໍລິສັດ
ໂບອິ້ງໃນເມືອງເມຊາລັດອາຣິໂຊນາໃນວັນທີ 10 ພຶດສະພາ ທີ່ຜ່ານມາ.
ໃນພິທີຮັບມອບກອງທັບອິນເດຍໄດ້ກ່າວວ່າ:ເຮືອບິນເຮລີກົບແຕ AH-64E ຊຸດທໍາອິດນີ້ມີກໍານົດທີ່ຈະຂົນສົ່ງຮອດປະເທດອິນເດຍໃນເດືອນ ກໍລະກົດ ປີ 2019. ກອງ
ທັບອາກາດອິນເດຍໃຫ້ເຫດຜົນການຈັດຫາ AH-64E ແບບໂຈມຕີໜັກທີ່ມີສອງເຄື່ອງຈັກຈາກສະຫະລັດວ່າເປັນບາດກ້າວທີ່ສໍາຄັນໃນການເດີນໜ້າປັບປຸງຄວາມທັນສະ
ໄໝຂອງຝູງບິນເຮລີກົບແຕໂດຍຊີ້ໃຫ້ເຫັນວ່າ, ເຮືອບິນໂຈມຕີຮຸ່ນນີ້ໄດ້ຮັບການປັບແຕ່ງໃຫ້ເໝາະສົມກັບຄວາມຕ້ອງການໃນອານາຄົດຂອງກອງທັບອາກາດອິນເດຍ. ເຈົ້າ
ໜ້າທີ່ລະດັບສູງຂອງກອງທັບອາກາດອິນເດຍກ່າວວ່າ: ເຮລີກົບແຕ AH-64E ຈຳນວນ 10-11 ລໍາຈະປະຈໍາການຢູ່ທີ່ປາທານກັອດ (pathankot)ໃກ້ກັບພົມແດນ ປາກິດ
ສະຖານ ແລະ ອີກຝູງໜຶ່ງຈະປະຈຳການຢູ່ທີ່ຈໍຮັດ (jorhat) ທາງຕາເວັນອອກສ່ຽງເໜືອຂອງອິນເດຍໃກ້ກັບຈີນ.