ອາເມຣິກາທົດລອງລະບົບຕ້ານການລະເບີດຂອງຫົວລູກປືນຕ້ານແບບໃໝ່ ທີ່ຕິດຕັ້ງໃສ່ລົດຕັງ
ຕາມຂ່າວຈາກເວບໄຊໜັງສືພິມກອງທັບປະຊາຊົນ ຫວຽດນາມ ອອນລາຍ ໃນວັນທີ 9 ທັນວາ ນີ້ວ່າ: ກອງທັບ ສະຫະລັດອາເມຣິກາ ກໍາລັງດໍາເນີນການທົດລອງ
ລະບົບ (APS) ເຊິ່ງເປັນລະບົບສະກັດກັ້ນການລະເບີດຈາກຫົວລູກປືນ. ສະເພາະແມ່ນການແຕກຂອງຫົວຮົບເບ 40 ລຸ້ນໃໝ່ ທີ່ທັນສະໄໝເຊິ່ງປະກອບໃນລົດຕັງໃນໄຕ
ມາດ III ຂອງປີ 2020.
ລະບົບ (APS) ລຸ້ນໃໝ່ຈະມີຄວາມຄ້າຍຄືກັນກັບ Trophy ແລະ Iron Fist ຂອງອິດສະຣາແອນ, Arena ຂອງ ຣັດເຊຍ, GL5 ຂອງຈີນ ແລະ AMAP-ADS
ຂອງເຢຍລະມັນ.
ລະບົບດັ່ງກ່າວ ຍັງມີການປະສົມປະສານກັບເຊັນເຊີເຊິ່ງສະແກນໄດ້ 360 ອົງສາ ອ້ອມຕົວລົດ ເພື່ອຕິດຕາມ ແລະ ກວດກາການເຄື່ອນໄຫວຂອງຝ່າຍກົງກັນຂ້າມ
ໃນບໍລິເວນໃກ້ຄຽງເພື່ອລາຍງານໄປຫາຫ້ອງໂດຍສານ, ຈາກນັ້ນຄອມພິວເຕີຈະລາຍງານໄປຫາລະບົບອາວຸດ ເພື່ອຈັບເປົ້າໝາຍ ແລະ ໂຈມຕີເປົ້າໝາຍດ້ວຍປືນກົນ ຫຼື
ລູກສອນໄຟຕາມຄວາມເໝາະສົມຂອງເປົ້າໝາຍທີ່ຈະທໍາລາຍດ້ວຍຄວາມໄວສູງ. ເຊິ່ງກ່ອນໜ້ານັ້ນກອງທັບ ສະຫະລັດອາເມຣິກາ ກໍໄດ້ທົດລອງລະບົບ APS ທີ່ຕິດຕັ້ງ
ໃນລົດຕັງ M1A2 Abrams ມາແລ້ວ.