ບໍລິສັດໂບອິງທົດລອງເຮືອບິນລຸ້ນ F-15EXຄັ້ງທຳອິດ
ເຮືອບິນຮົບລຸ້ນ F-15EX Advanced Eagleຂອງ ກອງທັບອາກາດ ສະຫະລັດອາເມຣິກາ
ບໍລິສັດໂບອິງໄດ້ດໍາເນີນການບິນທົດສອບຄັ້ງທໍາອິດຂອງ ເຮືອບິນຮົບ ລຸ້ນ F-15EX Advanced Eagle ຂອງ ກອງທັບອາກາດ ສະຫະລັດ ອາເມ
ຣິກາ ໂດຍໄດ້ທົດລອງບິນອອກຈາກສະໜາມບິນນານາຊາດ St Louis Lambert, ເຊິ່ງໃຊ້ເວລາ 90 ນາທີ ນັກບິນໄດ້ປະຕິບັດການທົດລອງກວດສອບ
ລະບົບການບິນ, ລະບົບຂັ້ນສູງ ແລະ ລະບົບຊອບແວ ຂອງເຮືອບິນລຸ້ນດັ່ງກ່າວ, ທີມງານທົດສອບໄດ້ກວດສອບຂໍ້ມູນທີ່ຮວບລວມລະຫວ່າງການບິນ ເພື່ອ
ນໍາໄປຢືນຢັນວ່າເຮືອບິນຈະສາມາດເຮັດວຽກໄດ້ຕາມແຜນການທີ່ວາງໄວ້.
ຕົວແທນຂອງບໍລິສັດໂບອິງ ກ່າວວ່າ: ເຫດການນີ້ເກີດຂຶ້ນປະມານ ເຈັດເດືອນຫຼັງຈາກທີ ກອງທັບອາກາດ ສະຫະລັດ ອາເມຣິກາ ໄດ້ເຮັດສັນຍາກັບ ບໍ
ລິສັດໂບອິງ ໃນເດືອນ ມັງກອນ 2020 ເພື່ອສົ່ງ-ມອບເຮືອບິນ F-15EX ຊຸດທໍາອິດໃນຈໍານວນ 8 ລໍາ ,ການທົດລອງຈະນໍາໄປສູ່ຂັ້ນຕອນການສົ່ງ-ມອບ
ເຮືອບິນ 2 ລໍາ ທີ່ຈະສົ່ງ-ມອບພາຍໃນທ້າຍໄຕມາດນີ້ກ່ອນທີ່ຈະມີການສົ່ງ-ມອບ ອີກ 6 ລໍາ ທີ່ເຫຼືອພາຍໃນທ້າຍປີ 2023.
ກອງທັບອາກາດ ສະຫະລັດ ອາເມຣິກາ ຊື້ເຮືອບິນລຸ້ນດັ່ງກ່າວ ເພື່ອນໍາມາທົດແທນເຮືອບິນຮົບລຸ້ນເກົ່າເຊັ່ນ: F-15C/D ເປັນເຮືອບິນທີ່ນໍາເຂົ້າປະຈໍາ
ການໃນ ກອງທັບອາກາດ ສະຫະລັດ ອາເມຣິກາ ໄດ້ຫຼາຍປີແລ້ວ.