ຝຣັ່ງມອບຍົນສູ້ຮົບຣາຟາລ ຊຸດທຳອິດໃຫ້ ອິນເດຍ
ຍົນສູ້ຮົບຣາຟາລ
ເອພີ ລາຍງານໃນ ວັນທີ 28 ກໍລະກົດ ວ່າ: ລັດຖະບານ ອິນເດຍ ຕົກລົງສັ່ງຊື້ຍົນສູ້ຮົບ ຣາຟາລ ທີ່ ຜະລິດໂດຍ ບໍລິສັດ ດາໂຊ ອາວີອາຊີອອງ ຂອງ ຝຣັ່ງ ລຸ້ນໃໝ່ຈໍາ
ນວນ 36 ລໍາ ໂດຍທາງການ ອິນເດຍ ບໍ່ໄດ້ເປີດເຜີຍເລື່ອງລາຄາ, ແຕ່ຜູ້ຊ່ຽວຊານປະເມີນວ່າອາດ ຈະຢູ່ທີ່ 9.400 ລ້ານໂດລາ ທ່າມກາງການປະທ້ວງຂອງຝ່າຍຄ້ານໃນ
ອິນເດຍ.
ຖະແຫຼງການຂອງ ບໍລິສັດ ອາວີອາຊີອອງ ກ່າວວ່າ: ທີມນັກບິນກອງທັບອາກາດ ອິນເດຍ ໄດ້ ເດີນທາງໄປຮັບການເຝິກອົບຮົມການຂັບຂີ່ ຍົນຣາຟາລ ທີ່ ຝຣັ່ງ ຕັ້ງແຕ່
ເດືອນ ຕຸລາ 2019. ທັງນີ້, ຍົນຈໍານວນ 5 ລໍາ ຊຸດທຳອິດໄດ້ສົ່ງແມ່ນອອກຈາກຖານທັບອາກາດຂອງ ຝຣັ່ງ ເປັນທີ່ຮຽບຮ້ອຍແລ້ວ ແລະ ເດີນທາງຮອດ ອິນເດຍ ໃນວັນທີ
29 ກໍລະກົດ ນີ້. ແຕ່ໃນລະຫວ່າງການເດີນທາງດ້ວຍໄລຍະທາງ 7.000 ກິໂລແມັດ ໄດ້ເຕີມນໍ້າມັນຫຼາຍຄັ້ງກາງອາກາດແລະຕ້ອງໄດ້ລົງຈອດເປັນໄລຍະຕາມຖານທັບອາ
ກາດຂອງ ຝຣັ່ງໃນປະເທດພັນທະມິດ ກ່ອນຈະຮອດປະເທດ ອິນເດຍ.