ມາເລເຊຍຫຼຸດຜ່ອນຄ່າໃຊ້ຈ່າຍໃນການສັ່ງຊື້ເຮືອກຳປັ່ນລາດຕະເວນ
Littoral Mission Ship ຂອງຈີນ
ເຮືອກວດກາ Littoral Mission Ship ຂອງຈີນ
ໃນວັນທີ 26 ມີນາ 2019 ຜ່ານມານີ້, ບໍລິສັດ Boustead Naval Shipyard ( BNS ) ຂອງ ມາເລເຊຍ ແລະ ບໍລິສັດ China Shipbuilding and offshare
International Co ( CSOC ) ຂອງຈີນ. ກຳລັງປຶກສາຫາລືໃນຂອບຂອງການເປັນຫຸ້ນສ່ວນໃໝ່ ຕາມການຕັດສິນໃຈຂອງລັດຖະບານ ມາເລເຊຍ ທີ່ຈະຫຼຸດຄ່າໃຊ້ຈ່າຍ
ໃນໂຄງການສັ່ງຊື້ເຮືອກຳປັ່ນລາດຕະເວນ Littoral Mission Ship ( LMS ) ສຳລັບກອງທັບເຮືອ ມາເລເຊຍ.
ການເຄື່ອນໄຫວຫຼຸດຄ່າໃຊ້ຈ່າຍດັ່ງກ່າວ ລັດຖະບານ ມາເລເຊຍ ຕັດສິນໃຈ ໃຫ້ຜະລິດເຮືອກຳປັ່ນລາດຕະເວນ LMS ທັງໝົດ 4 ລຳໃນ ສປຈີນແທນແຜນເກົ່າທີ່ຈະ
ຜະລິດເຮືອກຳກຳປັ່ນ LMS ອີກ 2 ລຳ ໃນມາ ເລເຊຍ ແລະ ຂໍ້ຕົກລົງໃໝ່ນີ້ຍັງຫຼຸດຄ່າໃຊ້ຈ່າຍລົງຈາກຈຳນວນ 268 ລ້ານໂດລາ ເຫຼືອ 257 ລ້ານໂດລາ.
ເຮືອ LMS ມີຄວາມຍາວ 68.8 ແມັດ, ກວ້າງ 9 ແມັດ ແລະ ມີນໍ້າໜັກ 700 ໂຕນ, ເຮັດຄວາມໄວໄດ້ສູງສຸດ 40 ກິໂລແມັດຕໍ່ຊົ່ວໂມງ ແລະ ໄລຍະປະຕິບັດການ
3,700 ກິໂລແມັດ, ເຮືອສາມາດຕິດຕັ້ງປືນກົນໜັກຂະໜາດ 20 ມມ ຫຼື 30 ມມ ໃນປ້ອມປືນບັນຊາດ້ວຍຮີໂມດ Remote ເຊິ່ງເປັນປືນຫຼັກ ແລະ ສາມາດຮອງຮັບປືນ
ກົນໜັກຂະໜາດ 12,7 ມມ ສອງກະບອກ.