ໂຄສົກກະຊວງປ້ອງກັນປະເທດຈີນ
ໃຫ້ສຳພາດກ່ຽວກັບກຳປັ່ນຮົບອາເມລິກາແລ່ນຜ່ານຊ່ອງແຄບໄຕ້ຫວັນ
ກຳປັ່ນຮົບອາເມລິກາ ແລ່ນຜ່ານຊ່ອງແຄບໄຕ້ຫວັນ
ວັນທີ 26 ມີນາ 2019 ນີ້, ທ່ານ ເຣີິ໋ນ ກົວ ສຽງ, ໂຄສົກກະຊວງປ້ອງກັນປະເທດຈີນໄດ້ໃຫ້ສຳພາດຕໍ່ນັກຂ່າວກ່ຽວກັບກຳປັ່ນອາເມລິກາ ແລ່ນຜ່ານຊ່ອງແຄບໄຕ້
ຫວັນ, ທ່ານກ່າວວ່າ: ຈີນຮູ້ທັນກໍລະນີທີ່ກຳປັ່ນທີ່ກ່ຽວຂ້ອງຂອງອາເມລິກາແລ່ນຜ່ານຊ່ອງແຄບໄຕ້ຫວັນຢ່າງຈະແຈ້ງ, ການເຄື່ອນໄຫວດັ່ງກ່າວແມ່ນຢູ່ໃນສາຍຕາຂອງ
ຝ່າຍຈີນ.
ທ່ານ ເຣີ໋ນ ກົວ ສຽງ ຕອບຄຳຖາມນັກຂ່າວກ່ຽວກັບກຳປັ່ນຂັບໄລ່ຕິດຂີປະນາວຸດ “USS ເຄີຕິສ ວິເບີ” ຂອງກອງທັບເຮືອ ແລະ ກ່ຳປັ່ນ “ເບີທອຟ” ຂອງກອງກຳລັງ
ປ້ອງກັນຝັ່ງທະເລ ຂອງອາເມລິກາແລ່ນຜ່ານຊ່ອງແຄບໄຕ້ຫວັນ. ທ່ານ ກ່າວຕື່ມວ່າ: ບັນຫາໄຕ້ຫວັນກ່ຽວພັນເຖິງອະທິປະໄຕ ແລະ ຜືນແຜ່ນດິນອັນຄົບຖ້ວນຂອງຈີນ
ແມ່ນບັນຫາສຳຄັນຕົ້ນຕໍທີ່ສຸດ ແລະ ອ່ອນໄຫວທີ່ສຸດຕໍ່ສາຍພົວພັນຈີນ-ອາເມລິກາ. ຝ່າຍຈີນຮຽກຮ້ອງໃຫ້ຝ່າຍອາເມລິກາຈົ່ງເຄົາຮົບຫຼັກການຈີນດຽວ ແລະ ເນື້ອໃນ
ສຳຄັນໃນຖະແຫຼງການຮ່ວມສາມສະບັບຈີນ-ອາເມລິກາ, ເອົາໃຈໃສ່ແກ້ໄຂບັນຫາທີ່ພົວພັນກັບໄຕ້ຫວັນດ້ວຍຄວາມລະມັດລະວັງ, ເພື່ອຫຼີກເວັ້ນການທຳລາຍສາຍພົວ
ພັນສອງປະເທດກໍ່ຄືສອງກອງທັບຈີນ-ອາເມລິກາ, ລວມທັງສັນຕິພາບ ແລະ ສະຖຽນລະພາບໃນຊ່ອງແຄບໄຕ້ຫວັນ.