ກຸ່ມ ຕາລີບັນ ຍິງຍົນຕົກໃນ ອາຟການິດສະຖານ
ສຳນັກຂ່າວ ຊິນຮວ່າ ລາຍງານໃຫ້ຮູ້ວ່າ: ວັນທີ 27 ມັງກອນ ນີ້, ກຸ່ມ ຕາລີບັນ ໄດ້ຍິງເຮືອບິນລຳໜຶ່ງຂອງອົງການສືບລັບກາງຂອງ ສະຫະລັດອາເມຣິກາ, ເຮັດໃຫ້ທະ
ຫານ ອາເມຣິກາເສຍຊີວິດຈຳນວນຫຼວງຫຼາຍ, ເຊິ່ງລວມມີເຈົ້າໜ້າທີ່ອາວຸໂສ ເຊອີເອ.
ທ່ານ ມູເຈຮິດ ໄດ້ອອກຖະແຫຼງການຜ່ານສື່ສັງຄົມໃນມື້ດຽວກັນວ່າ: ເຮືອບິນລຳດັ່ງກ່າວຖືກຍິງຕົກຢູ່ໃນເຂດຂອງກຸ່ມ ຕາລີບັນ ທີ່ຢູ່ພາກໃຕ້ຂອງ ອາຟະການິດສະ
ຖານ. ປັດຈຸບັນ ກຳລັງປ້ອງກັນຄວາມສະຫງົບ ອາຟະການິດສະຖານໄດ້ເຕົ້າໂຮມກັນ ແລະ ກໍາລັງມຸ້ງໜ້າໄປສູ່ສະຖານທີ່ເກີດເຫດຍົນຕົກດັ່ງກ່າວເພື່ອເກັບກໍາຂໍ້ມູນຕົວຈິງ.
ອີງຕາມການລາຍງານຂອງສື່ມວນຊົນ ອາຟະການິດສະຖານ, ຜູ້ຊ່ຽວຊານຈຳນວນໜຶ່ງໄດ້ກ່າວວ່າ: ເຮືອບິນທີ່ຕົກແມ່ນເຮືອບີນ E-11A ຂອງກອງທັບອາກາດ ສະຫະ
ລັດອາເມຣິກາ ທີ່ນໍາໃຊ້ເປັນເຮືອບິນສື່ສານທາງອາກາດ.