ອີຢີບ, ອາເມຣິກາ ແລະ ອາຣັບເອມິເຣດ ຮ່ວມກັນຊ້ອມຮົບຢູ່ທະເລແດງ
ຕາມຂ່າວຈາກໜັງສືພິມ ກອງທັບປະຊາຊົນຫວຽດນາມ ສະບັບວັນທີ 23 ກໍລະກົດ 2019 ນິີ້ວ່າ: ກອງທັບ ອີຢີບ, ກອງທັບ ສະຫະລັດອາເມຣິກາ ແລະ ກອງທັບ ອາ
ຣັບເອມິເຣດ (UAE) ໄດ້ດໍາເນີນການຊ້ອມຮົບຮ່ວມຢູ່ທະເລແດງ.
ຂ່າວຈາກກອງທັບ ເອຢີບ ໃຫ້ຮູ້ວ່າ: ການຊ້ອມຮົບຮ່ວມຄັ້ງນີ້ ເປັນການຊ້ອມຮົບຂອງກອງທັບເຮືອ ແລະ ກອງທັບອາກາດຂອງ 3 ປະເທດ, ໃນນັ້ນລວມມີເຮືອບິນສູ້
ຮົບ F-16, ກໍາປັ່ນ, ເຄື່ອງຍິງສົ່ງລູກສອນໄຟ ແລະ ກອງຕີພິເສດຂອງທະຫານນາວິກະໂຍທິນ. ນອກຈາກນັ້ນປະເທດ ອາຣາບີຊາອຸດິກໍໄດ້ເຂົ້າຮ່ວມໃນການຊ້ອມຮົບໃນຄັ້ງ
ນີ້ໃນຖານະຜູ້ສັງເກດການ.
ບັນດາກໍາລັງທີ່ເຂົ້າຮ່ວມໃນການຊ້ອມຮົບໄດ້ຊ້ອມການຖອດສະລັກລະເບີດໃຕ້ນໍ້າ, ເກັບກູ້ລະເບີດ ແລະ ການຈູ່ໂຈມແບບສາຍຟ້າແລບຕໍ່ຕ້ານການກໍ່ການຮ້າຍ. ການ
ຊ້ອມຮົບໃນຄັ້ງນີ້ແມ່ນເພື່ອຍົກລະດັບຂີດຄວາມສາມາດໃນການປະສານງານສູ້ຮົບ, ເພີ່ມທະວີການພົວພັນທາງດ້ານການທະຫານ ແລະ ຍົກສູງຄວາມສາມາດການເຄື່ອນ
ໄຫວຂອງບັນດາກໍາລັງທີ່ເຂົ້າຮ່ວມ.
ປະເທດ ອີຢີບ ມັກຈະຈັດຕັ້ງການຊ້ອມຮົບຮ່ວມກັບຫຼາຍປະເທດໃນທົ່ວໂລກ ເພື່ອແນໃສ່ເພີ່ມທະວີການພົວພັນດ້ານປ້ອງກັນຊາດ ແລະ ແລກປ່ຽນບົດຮຽນດ້ານການ
ທະຫານກັບປະເທດຕ່າງໆໃນທົ່ວໂລກ.